2.Hazrath Saudah RAdiAllahuTA'alaAnha

3.Hazrath Ayesha RadiAllahuTa'alaAnha

4.Hazrath Hafsah RadiAllahuTa'alaAnha

5.Hazrat Umme Salma RAdiAllahuTa'alaAnha

6.Hazrath Umme Habeeba RadiAllahuTa'alaAnha 

7.Hazrath Zainab Bint Jahash  RadiAllahuTa'alaAnha 

8.Hazrath Zainab Bint Khuzaima RadiAllahuTa'alaAnha 

9.Hazrath Maimuna RadiAllahuTa'alaAnha 

10.Hazrath Juwayriah RadiAllahuTa'alaAnha 

11.Hazrath Safiyah RadiAllahuTa'alaAnha 

Allahumma Salli WA Sallim WA Barik Ala Sayyidina Muhammadin WA Aalihi WA Ashabihi Ajmaeen.



12.Hazrath Zainab RadiAllahuTa'alaAnha

13.Hazrath Ruqayyah RadiAllahuTa'alaAnha

16.Hazrath Safiyah Bint Abdul Mutallib RadiAllahuTa'alaAnha 

17.Ek Ansariya Awrat RadiAllahuTa'alaAnha

18.Hazrath Umme Amarah RadiAllahuTa'alaAnha 

19.Hazrath Bibi Sumay'yah RadiAllahuTa'alaAnha 




22.Hazrath Bibi Umme Ubays RadiAllahuTa'alaAnha

23.Hazrath Zin'nirah RadiAllahuTa'alaAnha 

24.Hazrath Halima Sadiyah RadiAllahuTa'alaAnha 

25.Hazrath Umme Ayman RadiAllahuTa'alaAnha 

26.Hazrath Umme Sulaym RadiAllahuTa'alaAnha 

27.Hazrath Umme Haraam RadiAllahuTa'alaAnha 

Ye RasoolAllah ﷺ Ki Sabse Badi Shahzadi Hain.Jo Elaan E Nabuwwat Se 10 Saal Qabl Makka e Mukarrama Me Paida Huwe.Ye Ibteda-e-Islam Hi Me Musalmaan Hogaye The(n).Aur Jang e Badr Ke Baad Huzoor ﷺ Ne Inku Makka Se Madina Bulaliya Tha.

Ye Khaibar Ke Sardaar e Aazam Huayayy  Bin Akhtab Ki Beti Aur Khabila e Banu Nazeer Ke Rais e Aazam Kenana Bin Al Haqeeq Ki Biwi The(n). Jo Jang e Khaibar Me Musalmaano Ke Hathon Se Qatl  Huwa. Ye Khaibar Ke Qaidiyoun Me Giraftaar Ho Kar Aaye(n). RasoolAllah ﷺ Ne Inki Ki Khandani Izzat O Wajahat Ka Khayaal Farma Kar Apni Azwaj e Mutahrat Aur Ummat Ki Maaon Me Shamil Farma Liya.

Jang e Khaibar Se Wapasi Me 3 Dino Tak Manzil e Sahba Me Aap Ne Unko Apne Khaime Ke Andar Apni Qurbat Se Sarfaraaz Farmaya. Aur Inke Walime Me Khajoor,  Ghee,Paneer Ka Malida Aap Ne Sahaba e Keeram Ku Khilaya.

Huzoor ﷺ Inka Bahot Ziyada Khiyaal Rakhte The. Ek Martaba Hazrath Bibi Ayesha RadiAllahuTa'alaAnha Ne Unko Past Qad Keh Diya To Huzoor ﷺ Ne Hazrath Ayesha RadiAllahuTa'alaAnha Ku Is Qadr Gusse Me Bhar Kar Danta Ke Kabhi Bhi Inko Itna Nahi Danta Tha.

 Isi Tarha Ek Martaba Hazrath Zainab RadiAllahuTa'alaAnha Ne Unko Yahudiya Keh Diya, To Ye Sun Kar RasoolAllah ﷺ Hazrath Zainab Per Is Qadr Khafa Ho gaye Ke 2, 3 Mah Tak Inke Bistar Per Qadam Nahi Rakha.

Ye Bahot Hi Ibadat Guzaar Aur Deendaar Hone Ke Sath Sath Hadees O Fiqha Sekhne Ka Bhi Jazba Rakhti The(n).

Chunanche, 10 Hadeesen Bhi Inse Marvi Hain.

Inki Wafat Ke Saal Me Ikhtelaaf Hai. Waqdi Ne 50 Hijri Aur Ibn e Sa'ad Ne 52 Sane Hijri Likha Hai.

Ye Bhi Madine Ke Mashoor Qabristaan Janant ul Baqi Me Madfoon Hain.
(Madarijun Nabuwwat, Zarkhani)

Tabsira:

Huzoor E Akram ﷺ Ne Inse Mahez Is Bina Per Khud Nikah Farma Liya Take Inke Qandani Aeezaaz O Ikram Me Koi Kami Na Hone Paye.

Tum Gour Se Dekhoge To Huzoor E Aqdas ﷺ Ne Ziyadah Tar Jin Jin Awraton Se Nikah Farmaya Woh Kisi Na Kisi Deeni Maslihat Hi Ki Bina Per Huwa. Kuch Awraton Ki BeKasi Per Raham Farma Kar Aur Kuch Awraton Ke Qandani Aeezaaz O Ikraam Ku Bachane Ke Liye Kuch Awraton Se Is Bina Per Nikah Farma Liya Ke Woh Ranj O Gham Ke Sadmon Se Nidhal The(n) Lihaza Huzoor Ne Inke Zakhmi Dilon Per Marham Rakhne Ke Liye Inku Ye Aeezaaz Baksh Diya Ke Apni Azwaje Mutahraat Me Inku Shamil Kar Liya.

Huzoor ﷺ Ka Itni Awraton Se Nikah Farmana Hargiz Hargiz Apni Khwahish e Nafs Ki Bina Per Nahi Tha. Aur Iska Sabse Bada Suboot Ye Hai Ke Huzoor Ki Bibiyoun Me Hazrath Ayesha RadiAllahuTa'alaAnha Ke Siwa Koi Bhi Kanwari Nahi The(n).  Balke, Sab Umr Daraaz Aur Bewa The(n). Halanke Agar Huzoor ﷺ Khwahish Farmate To Kounsi Aysi Kanwari Ladki Thi Jo Huzoor Se Nikah Karne Ki Tamannayen Na Karti Magar Darbaar E Nabuwwat Ka To Ye Mamla Hai Ke Shahensha e Do Aalam Ka Koi Qoul Koi Fa'el Ishara Bhi Aysa Nahi Huwa Jo Deen Aur Deen Ki Bhalayi Ke Liye Na Ho.

Aap Ne Jo Kaha Aur Jo Kiya Sab Deen Hi Ke Liye Kiya. Balke Aap Ki Zaat e Akram Hi Mujassim E Deen Hai.

Allahumma Salli WA Sallim WA Barik Ala Sayyidina Muhammadin WA Aalihi WA Ashabihi Ajmaeen.

Ye Huzoor E Akram Shahensha e KOnain ﷺ Ki Woh 11 Azwaje Mutahrat Hain Jin Per Tamam Mua'arikheen Ka Ittefaaq Hai. Inka Mukhtasar Tazkira Tum ne Padh Liya Agar Mufassil Haal Padhna Ho to Seerate Mustafa SallallahuTa'alaAlaihiWasallam Padho.

Ab Ham Huzoor Sultaane Do Aalam ﷺ Ki Un Chaar (4)  Sehzadiyoun Ka Mukhtasar Tazkira Likhte Hain Jo Swalihaat Aur Neek Bibiyoun Ki Ladi Me Aabdaar Motiyoun Ki Tarha Chamak Rahi Hain.

Ye Qabila Bani Mustaliq Ke Sardare Aazam Haris Bin Diraar Ki Beti Hain. Ghazwa e Muraysi Me Inka Sara Qabila Giraftaar Ho Kar Musalmanon Ke Hathon Me Qaidi Ban Chuka Tha. Aur Sab Musalmano Ke Loundi (Slave) Ghulam Ban Chuke The. Magar RasoolAllah ﷺ Ne Jab Hazrath Juwayriah  Ku Aazad Karke Unse Nikah Farma Liya To Hazrath Juwayriah  Ki Shaadmani O Musarrat Ki Koi Inteha Na Rahi. Jab Islami Lashkar Me Ye Khabar Pahili Ke RasoolAllah ﷺ Ne Hazrath Juwayriah  Se Nikah Farma Liya To Tamam Mujahideen E Islam Ek Zaban Ho Kar Kehne Lage Ke..
Jis Khandan Me Hamare Rasool Ne Nikah Farma Liya Us Khandaan Ka Koi Fard Loundi Ghulaam Nahi Reh Sakta.

Chunanche, Is Khandaan Ke Jitne Loundi Ghulaam Musalmanon Ke Qabze Me The Sab Ke Sab Aazaad Kar Diye Gaye.

Yahi Wajah Hai Ke Hazrath Ayesha RadiAllahuTa'alaAnha Farmaya Karti Thi(n) Ke Duniya Me Kisi Awrat Ka Nikah Hazrath Juwayriah  Ke Nikah Se Ziyadah Mubarak Nahi Sabit Huwa.

 Kyunke Is Nikah Ki Wajah Se Tamam Khandaan Bani Mustaliq  Ku Ghulami Se Najaat Mil Gayi.

Hazrath Juwayriah RadiAllahuTa'alaAnha Ka Bayaan Hai Ke Huzoor ﷺ Ke Mere Qibile Me Aane Se Pehle Myne Khwaab Dekha Ke Madine Ki Janib Se Ek Chaand Chalta Huwa Aaya, Aur Meri Goud Me Gir Pada. Myne Kisi Se Is Khwaab Ka Zikr Nahi Kiya. Lekin Jab Huzoor ﷺ Ne Mujhe Nikah Farma Liya To Myne Samjh Liya Ke Yahi Meri Us Khwaab Ki Ta'abeer Hai.

Inka Asli Naam 'Barrah' (برة) Tha. Magar Huzoor ﷺ Ne Inka Naam 'Juwayriah' Rakh Diya.

Inke Do Bhai Amr Bin Haris Wa Abdullah Bin Haris Aur Inki Ek Behan Amrah Bint Haris Ne Bhi Islam Qubool Karke Shabiyat Ka Sharaf Paya.

Hazrath Juwayriah RadiAllahuTa'alaAnha Badi Ibadat Guzaar Aur Deendaar The(n). Namaaz e Fajr Se Namaaz e Chasht Tak Hamesha Apne Wazife Me Mashghool Raha Karti The(n). 50 Sane Hijri Me 65 Baras Ki Umr Pa Kar Wafat Payi. Hakim e Madina Marwan Ne Inki Namaaz e Janaza Padhayi Aur Ye Jannatul Baqi Me Supurd e Khaak Ki Gayi.

(Madarijun Nabuwwat, Jild 2,Safa 481, Zarkhani, Jild 3 Safa 255)

Tabsira :
Inka Zindagi Bhar Ka Ye Amal Namaaz e Fajr Se Namaaz e Chasht Tak Hamesha Lagataaar Zikr e Ilahi Aur Wazifon Me Mashghool Rehna Ye Un Awraton Ke Liye Taziyanaye Ibrat Hai Jo Namaaz e Chasht Tak Soti Rehti Hain.

Allahu Akbar..! NABI ﷺ Ki Bibiyan To Itni Ibadat Guzaar Aur Deendaar..!  Aur Ummatiyoun Ka Ye Haal e Zaar Nawafil Ka To Puchna Hi Kya? Faraiz Se Bhi Bezaar. Balke Ulte Din Raat Tarha Tarha Ke Gunahoon Ke Aazaar Me Giraftaar.

ILAHI Touba ILAHI Teri Panah. 

Inke Walid Ka Naam Haaris Bin Hazan Aur Inke Walida Hind Bint Awf Hain. Pehle Inka Naam 'Bar' rah'  Tha. Magar Jab Ye Huzoor ﷺ Ke Nikah Me Aagayen To Huzoor Ne Inka Naam Maimuna(Barkat Wali) Rakh Diya.

Sane 7 Hijri Umra tul Qaza  Ki Wapasi Me Huzoor Ne Inse Nikah Farmaya. Aur Maqam e Sarif Me Ye Pehli Martaba Bistar E Nabuwwat Per Soyen. Kul Chehattar (76) Hadisen Inse Marwi Hain. Inke Inteqaal Ke Saal Me Ikhtelaaf Hai. Baaz Ne 51 Sane Hijri Baaz ne 61 Sane Hijri Likha. Lekin Ibn e Ishaq Ka Qoul Hai Ke 63 Sane Hijri Me Inki Wafat Maqam e Sarif Me Huwi.

Jab Inka Janaza Uthaya Gaya To Inke Bhanje Hazrath Abdullah Bin Abbas RadiAllahuAnhuma Ne Buland Aawaaz Se Farmaya Ke...
Aye Logon..! Ye RasoolAllah ﷺ Ki Biwi Hain Janaza Bahot Aahista Aahista Lekar Chalo. Aur Inki Muqaddas Lash Ku Hilne Na Do. Hazrath Yazeed Bin Asam RAdiAllahuTa'alaAnhu Ka Bayaan Hai Ke Ham Logon Ne Hazrath Maimuna RadiAllahuTa'alaAnha Ku Maqam e Sarif Me Usi Chappar Ke Andar Dafan Kiya. Jisme Pehli Baar Unku Huzoor ﷺ Ne Apni Qurbat Se Sarfaraz Farmaya Tha.
(Zarkhani, Jild 3, Safa 253, Tirmizi, Jild 1, Safa 104 )

Tabsira:

Inku RasoolAllah ﷺ Se Intehayi Muhabbat Balke Ishq Tha. Unhone Khud Huzoor ﷺ Se Nikah Ki Tamanna Zahir Ki Thi Balke Ye Kaha Tha Ke My Apni Jaan RasoolAllah ﷺ Ku Hibah Karti Hoon Aur Mujhe Mehar Lene Ki Bhi Koi Khwahish Nahi Hai. Chunanche, Qur'an e Majeed Me Ek Aayat Bhi Iske Bare Me Nazil Huwi Hai.

MAA BEHNO! Dekho Huzoor Ki Muqaddas Bibiyoun Ko Huzoor Se Kaisi Walihana Muhabbat Thi.
SubhanAllah SubhanAllah..
 Kya Kehna Un Ummat Ki Maon Ki Imaan Ki Nooraniyat Ka.

Ye Bachpan Hi Se Bahot Sakhi The(n). Gareebon Aur Muskinon Ko Dhoond Dhoond Kar Khana Khilaya Karti The(n). Isliye Log Unko Ummul Masakeen (Miskinon Ki Maa) Kaha Karte The.

Pehle Mashoor Sahabi Hazrath Abdullah Bin Jahash  RadiAllahuTa'alaAnhu Se Inka Nikah Huwa Tha. Lekin Jab Woh Jang E Ohad Me Shaheed Hogaye To Huzoor ﷺ Ne 3 Sane Hijri Inse Nikah Kar Liya. Aur Ye Ummul Masakeen Ki Jagah Ummul Momineen Kehlane Lage.

Magar Ye Huzoor se Nikah Ke Baad Sirf 2 Ya 3 Mahine Zinda Rahen. Aur Rabi ul Awwal 4 Sane Hijri Me Ba-Maqam Madine Munawwara Wafat Pagaye. Aur Jannatul Baqi Me Azwaje Mutahrat Ke Pehlu Me MaDafoon Huwe.

Huzoor ﷺ Inki Wafat Tak Inse Behad Khush Rahe Aur Inki Wafat Per Qalb e Nuzuk Per Bada Sadma Guzra.

Ye Maa Ki Janib Se Hazrat Ummul Momineen Bibi Maymuna RadiAllahuTa'alaAnha Ki Behan Hain. Inki Wafat Ke Baad Huzoor ﷺ Ne Inki Behan Hazrath Maymuna RadiAllahuTa'alaAnha Se Nikah Farmaya.

(Zarkhani, Jild 3, Safa 249)

Ye Huzoor ﷺ Ki Phupi Umaima Bint  Abdul Mutallib Ki Beti Hain. Huzoor ﷺ Ne Apne Aazad Karda Ghulam Aur Mutabanna  Hazrath Zaid Bin Haris Se Unka Nikah Kar Diya Tha. Lekin Khuda Ki Shaan Ke Miyan Biwi Me Nibah Na Ho Saka. Aur Zaid RadiAllahuTa'alaAnhu Ne Inko Talaq Dedi. Jab Inki Iddat Guzar Gayi To Achanak Ek Din Ye Aayat Utar Padi Ke.

"Jab Zaid Ne Hajat Puri Kardi (Talaq Dedi Aur Iddat Guzargayi) To Hamne (Zainab Ka) Aap Ke Sath Nikah Kar Diya."
(Sure Ahzaab)

Is Aayat Ke Nazil Hone Per RasoolAllah ﷺ Ne Muskurate Huwe Irshaad Farmaya. Koun Hai Jo Zainab Ke Pass Ja Kar Ye KhushKhabri Sunade Ke...  Allah Ta'ala Ne Mera Nikah Uske Sath Kar Diya.

Ye Sun Kar Ek Khadima Doudhi Huwi Gayi Aur Hazrat Zainab RadiAllahuTa'alaAnha Ko Ye KhushKhabri Sunadi.

Hazrath Zainab Ku Ye KhushKhabri Sun Kar Itni Khushi Huwi Ke Apne Zewraat Utar Kar Qadima Ko Dediya. Aur Khud Sajde Me Gir Paden. Aur Phir 2 Mah Lagataar Shukriya Ka Roza Rakha.

Huzoor ﷺ Ne Hazrath Zainab Ke Sath Nikah Karne Per Itni Badi Dawat e Walima Farmayi Ke Kisi Biwi Ke Nikah Per Itni Badi Dawat e Walima Nahi Ki Thi. Tamam Sahaba e Keeram Ko Aapne Naan - Gosht Khilaya.
(Bukhari O Mishkaat, Jild :2, Safa:278)

Huzoor ﷺ Ki Muqaddas Bibiyoun Me Hazrath Zainab Bint Hajash RadiAllahuTa'alaAnha Is Khususiyat Me Sab Bibiyoun Se Mumtaz Hain Ke Allah Ta'ala Ne Inka Nikah Khud Apne Habeeb Se Kar Diya.

Inki Ek Khususiyat Ye Bhi Hai Ke Ye Apne Hath Se Kuch Dastkari Karke Iski Aamadni Fuqara Wa Masakeen Ku Diya Karti The(n).

Chunanche, Ek Martaba Huzoor ﷺ Ne Farmaya Tha Ke Meri Wafat Ke Baad Sabse Pehle Meri Us Biwi Ki Wafat Hogi Jis Ke Hath Sab Biwiyoun Se Lambe Hain. Ye Sun Kar Sab Bibiyoun Ne Ek Ladki Se Apna Apna Hath Napa, To Hazrath Saudah RadiAllahuanha Ka Hath Sabse Lamba Nikla. Lekin Jab Huzoor ﷺ Ki Wafat e Aqdas Ke Baad Sabse Pehle Hazrath Zainab Bint Jahsh RadiAllahuTa'alaAnha Ki Wafat Huwi To Logon Ki Samajh Me Ye Baat Aayi Ke Hath Lamba Hone Se Huzoor AlaihisSalatoSalam Ki Muraad Kasrat Se Sadqa Dena Tha.

Behre Haal.. Apni Qism Qism Ki Sifaat e Hamida Ki Ba-Doulaat Ye Tamam Azwaje Mutahrat Me Khususi Imtiyaaz Ke Sath Mumtaz The(n).

20 Sane Hijri Ya 21 Sane Hijri Me Madine Munawwara Ke Andar Inki Wafat Huwi. Aur Ameer ul Momineen Hazrat Umar RadiAllahuTa'alaAnhu Ne Har Kuche O Bazaar Me A'laan Kara Diya Tha Ke Sab Log Ummul Momineen Ke Janaze Me Shareek Hoon.

Chunanche, Bahot Bada Majma Huwa. Amwerul Momineen Ne Khud Hi Inki Namaaz e Janaza Padhayi Aur Inku Jannat ul Baqi Me Huzoor ﷺ Ki Dosri Biwiyoun Ke Pehlu Me Dafan Kiya.
(Madarijun Nabuwwat, Jild :2,Safa :476)

Tabsira :

Hazrath Zainab RadiAllahuTa'alaAnha Ku Huzoor ﷺ Ki Zaat Se Kis Qadar Walihana Mohabbat Aur Ishq Tha Ke Unhone Apne Nikah Ki Khabar Sun Kar Apna Sara Zewar Khushkhabri Sunane Wali Londi Ku De Diya. Aur Sajda e Shukr Ada Kiya. Aur Khushi Me 2 Mah Lagataar Roza Rahe(n).

Phir Zara Sakhawat Per Bhi Ek Nazar Dalo Ke Shahensha E Darain Ki Malika Ho Kar Apne Hath Ki Kamayi Se Jo Kuch Kamaya Karti The(n). O Fuqra O Masakeen Ku Dediya Karti The (n). Aur Sirf Isliye Mehnat O Mushaqqat Karti The(n) Ke Faqeeron Aur Mohtajon Ki Imadad Karen.

Allahu Akbar...! Mohabbat e Rasool Aur Miskeen Nawazi O Ghareeb Parwari Ke Ye Jazbaat Tamam Musalmaan Awraton Ke Liye Nasihat Aamooz Wa Qabil e Taqleed Shahkaar Hain. KhudaWande Kareem Sab Awraton Ko Toufeeq Ata Farmaye.. Aameen

In Ka Naam "Hind" Aur Kunniyat "Umme Salma" Hai. Lekin Ye Apni Kunniyat Hi Ke Sath Ziyadah Mashoor Hain. Inke Walid Ka Naam "Huzaifah" Ya "Suhail" Aur Unki Walida "Aatika Bint Aamir" Hain.

Ye Pehle Abu Salma Abdulla Bin Asad Se Biyahi Gayi Thi Aur Ye dono Miyan Biwi Musalmaan Ho Kar Pehle "Habsha" Hijrat Kar Gaye. Phir Habsha Se Makka Mukarrama Chale Aaya.Aur Madina e Munawwara Ki Taraf Hijrat Karne Ka Irada Kiya.

Chunanche Abu Salma Ne Oont Per Kajawah Bandha Aur Bibi Umme Salma Ko Oont Per Sawaar Karaya Aur Woh Apne Doodh Pite Bachche Ko Goad Me Le  Kar Oont Per Baith Gayen. To Ekdam Hazrath Umme Salma Ke Maike Wale Banu Mughaira Dhoudh Padhe Aur Un Logon Ne Ye Keh Kar Ke Hamare Khandaan Ki Ladki Madina Nahi Ja Sakti. Hazrath Umme Salma Ko Oont Se Utaar Liya. Ye Dekh Kar Hazrat Abu Salma Ke Khandaan Walon Ko Taish Agaya Aur Un Logon Ne Hazrath Umme Salma Ki Goad Se Bachche Ko Cheen Liya, Aur Ye Kaha Ke Ye Bachcha Hamare Khandaan Ka Hai Isliye Ham Is Bachche Ko Hargiz Hargiz Tumhare Pass Nahi Rehne Denge. Is Tarha Biwi Aur Bachche Dono Hazrath Abu Salma Se Juda Ho Gaye.

Magar Hazrath Abu Salma Ne Hijrat Ka Irada Nahi Choda Balke Biwi Aur Bachche Dono Ko Khuda Ke Supurd Karke Tanha Madine Munawwara Chale Gaye.

Hazrath Umme Salma Shohar aur Bachche Ki Judayi Per Din Raat Roya Karti Thi. Unka Ye Haal Dekh Kar Unke Ek Chacha Zaad Bhai Ko Raham Agaya Aur Usne Banu Mughaira Ko Samjhaya Ke Aakhir Is Gareeb Awrat Ko Tum Logon Ne Uske Shohar Aur Bachche Se Kyun Juda Kar Rakha Hai?

KYA Tum Log Ye Dekh Nahi Rahe Ho O Ek Patthar Ki Chataan Per Ek Hafte Se Akeli Baithi Huwi Bachche Aur Shohar Ki Judayi Me Roya Karti Hai.

Aakhir Banu Mughaira Ke Log Is Per Raza Mand HoGaye. Ke Umme Salma Apne Bachche Ko Lekar Apne Shohar Ke Pass Madina Chali Jayen. Phir Hazrath Abu Salma  Ke Khandaan Walaon Ne Bhi Bachche Ko Hazrath Umme Salma Ke Supurd Kar Diya.

Aur Hazarat Umme Salma RAdiAllahuTa'alaAnha Bachche Ko Goad Me Le Kar Hijrat Ke Irade Se Oont Per Sawaar Hogayeen.

Magar Jab Maqam "Taneem" Me Pahonchen To Usman Bin Talha Raste Me Mila Jo Makke Ka Mana Huwa Ek Nihayat Hi Shareef Insaan Tha.

Usne Pucha Ke..
Umme Salma..! Kahan Ka Irada Hai?

Inhone Kaha Ke My Apne Shohar Ke Pass Madina Ja Rahi Hoon.

Usne Kaha Ke Kya Tumhare Sath Koi Dosra Nahi Hai?

Hazrat Umme Salma Ne Dard Bhari Aawaaz Me Jawaab Diya..
 Nahi, Mere Sath Mera Allah Aur Mere Bachche Ke Siwa Koi Dosra Nahi Hai.

Ye Sun Kar Usman Bin Talha Ko Sharifana Jazba Agaya. Aur Usne Kaha Khuda Ki Qasam Mere Liye Ye Zaib Nahi Deta Ke Tumhari Jaisi Ek Shareef Zaadi Aur Shareef Insaan Ki Biwi Ko Tanha Choddon.

Ye Kehkar Usne Oont Ki Mihaar Apne Hath Me Li Aur Paidal Chalne Laga.

Hazrath Umme Salma ka Bayaan Hai Ke Khuda Ki Qasam Myne Usman Bin Talha Se Ziyadah Shareef Insaan Arab Me Kisi Ko Nahi Paya.
Jab Ham Kisi Manzil Per Utarte To O Alag Door Ja Kar Kisi Darakht Ke Niche So Rehta Aur My Apne Oont Per So Rehti.
Phir Chalne Ke Waqt O Oont Ki Mihaar Hath Me Le Kar Paidal Chalne Lagta.

Isi Tarha Usne Mujhe "Quba" Tak Pahoncha Diya Aur Ye Kehkar Wapis Makka Chala Gaya Ke.. Ab Tum Chali Jao Tumhara Shohar Isi Gaon Me Hai.

Chunanche Hazrath Umme Salma RAdiAllahuTa'alaAnha Ba Khairiyat Madina Pahonch Gayen.
(Zarqani, Jild :3,Safa :239)

Phir Dono Miyan Biwi Madine Me Rehne Lage. Chand Bachche Bhi Hogaye To Hazrath Umme Salma RAdiAllahuTa'alaAnha Badi Bekasi Me Padh Gayee(n). Chand Chote Chote Bachchon Ke Sath Bewagi (Bewa Ki Halat) Me Zindagi Basar Karna Dushwaar Ho gaya. Unka Ye Haal e Zaar Dekh Kar RasoolAllah صلى الله علیه و سلم Ne Unse Nikah Farma Liya. Aur Bachchon Ko Apni Parwarish Me Le Liya Is Tarha Ye Huzoor صلى الله علیه و سلم Ke Ghar Aagayee(n) Aur Tamam Ummat Ki Maa Ban Gayee(n).

Hazrath Bibi Umme Salma RAdiAllahuTa'alaAnha Aql O Fahem, Ilm O Amal, Diyanat O Shuja'at Ke Kamal Ka Ek Be-Misaal Namuna The(n). Aur Fiqha O Hadees Ki Malumaat Ka Ye Alam Tha Ke Teen Saw Athehattar(378)  Hadeesen Inhe Zubani Yaad Thi.

Madine Munawwara Me Chourassi(84) Baras Ki Umr Pa Kar Wafaat Payi. Inke Wisaal Ke Saal Me Bada Ikhtelaaf Hai. Baaz Morikheen Ne 53 Sane  Hijri Baaz Ne 59 Sane Hijri Baaz Ne 62 Sane Hijri Likha Hai.Aur Baaz Ka Qoul Hai Ke Inka Inteqaal 63 Sane Hijri Ke Baad Huwa Hai. Inki Qabr Mubarak Jannat ul Baqi Me Hai.
(Zarkhani Jild 3 Safa 238 - Safa 242)

Allahu Akbar..Hazrath Bibi Umme Salma RAdiAllahuTa'alaAnha Ki Zindagi Sabr O Isteqamat Jazba e Imaani Josh e Islami, Zahidana Zindagi, Ilm O Amal, Mehnat O Jafakashi Aql O Feham Ka Ek Aysa Shahkara Hai Jiski Misaal Mushkil Hi Se Mil Sakegi.

Inke Kaarnamon Aur Bahadduri Ki Dastanon Ko Tareekh e Islam Ke Awraaq Me Padh Kar Ye Kehna Padhta Hai Ke..

Aye Aasman..! Bol... Aye Zameen...! Bata.
Kya Tumne Hazrath Umme Salma RAdiAllahuTa'alaAnha Jaisi Sheer Dil Aur Paikar e Imaan Awrat Ko Unse Pehle Kabhi Dekha Tha.?

Maa -  Behno!
Tum Pyare Nabi Ki Piyari Biwiyoun Ki Zindagi Se Sabaq Hasil Karo.. Aur Khuda Ke Liye Socho Ke O Kya The(n)?
Aur Tum Kya Ho?
Tum Bhi Musalmaan Awrat Ho. Khuda Ke Liye Kuch To Unki Zindagi Ki Jhalak Dikhao!.

Aksar Log Khususan Aurate'n Maah e Saffar Ko Manhoos Janti Hai Koyi Naya Kaam Nahi Karti. Aur Unhi Main Kuch Jahil Aakhri Chahar Shamba Ko Khushi Manate Hain ke Huzoor Alaihissalam Ko Is Din Sihat Huwi. Lekin Haqiqat Ye Hai Ke Duno'n Baate Galat Hai.

Ahadees Se Saabit Hai Ke..
Na Ye Mahina Manhoos Hai,
Na Is Main Shadi Karna Mana,
Na Makaan Ki Ta'ameer Karna Ki Ibteda Baa'ise Takleef.
Saheeh Ye Hai Ke Huzoor Alaihissalam Ke Marz Main Iazafa Huwa Tha. Is Liye Musalmano'n Ko Chahiye Ke Is Raat Ko Ibadat Main Guzare'n Aur Nawafil-O- Tilawate QurAan Main Masroof Rahe.
(Iqbaal Ahmad Noori)

Dino'n Aur Mahino'n Ke Manhoos Hone Ka Islaam Se Qabl Ke Tasawwur -O- Aqaa'id Ka Jis Tarah Huzoor ﷺ Ne Muqabila Farmaya.Isse Huzoor Alaihissalam Ke Irshaadaat Ka Khulasa Ye Hasil Hota Hai Ke...Jis Tarah

Tarjuma: Ye Rasool Hain Ke Hamne In Main Ek Dusre Par Afzal Kiya. In Main Kisi Se Allah Ne Kalaam Farmaya. Aur Koyi Wo Hai Jise Sab Par Darjo'n Buland Kiya.
(Sure Al-Baqra:253)

Goya Sab Aala Hain Aur Koyi Aala Se Aala Hai Allah Ta'Aala Ke Fadl Se Koyi Nabi -O- Rasool Adna Nahi. Isi Tarah Din Aur Mahine Ko Ek Dusre Par Fazeelat To Hai Magar Koyi Din Ya Koyi Mahina Manhoos Nahi.Jis Tarah Huzoor Anwarﷺ Ka Noor Mubarak Hazrat Abdullah RadiYallahu Ta'Aala Anhu Se. Hazrat Aamina RadiyAllahu Ta'Aala Anha Ko Muntaqil Hone Se Jumu'atul Mubarak Aur Rajjab Ko Aur Aaqa -O- Maula Noore Mujassam ﷺ Ki Paida'ish Ki Waja Se Peer Ko Azmat-O- Buzrugi Haasil Huwi To Iska Ye Hargiz Matlab Nahi Ke Digar Paanch(5) Din Manhoos Qaraar Payege_. Ya Tamaam Eido'n Ki Jaan -O- Sabab Rabi-ul-Awwal Shareef Main Huzoor Alaihissalam Duniya Main Tashreef Laye To Rabi-ul-Awwal Shareef Ko Fazeelat Aur Buzrugi Hasil Huwi.Ramzan-ul-Mubarak Usi Ke Mahboobe Aazam Par Khaaliqe Kaainaat Ne QurAane Hakeem Nazil Farma Kar Apne Mahboobe Aazam Ka Nabi-O- Rasool Hone Ka Izhaar Farmaya Jiski Waja Se Ramzan-ul-Mubarak Ko Azmat Aur Buzrugi Haasil Huwi To Iska Ye Hargiz Matlab Nahi Ke Digar Nau(9) Ya Paanch(5) Mah Manhoos Hain. Yahi Wajah Hai Ke Huzoor Pur Noor ﷺ Ne Baar Baar Yahi Irshad Farmaya Ke  Koyi Din Aur Koyi Mahina Manhoos Nahi.
(Anees Ahmad Noori)

Aamileen Aakhri Chahar Shamba Ki Shab Ke Liye Farmate Hain Ke..
Is Raat Main 4_Rakat Namaaz Is Tarah Padhe Ke Pehli Rakat Ba'd Alhamd Shareef , Sure Kaafiroon 15 Baar Padhe.
Dusri Rakat Main Sure IkhLaas_____ 15 Baar Padhe.
Tisri Rakat Main Sure Falaq_____15 Baar Padhe.
Chauthi Rakat Main Sure Naas_____ 15 Baar Padhe.
Phir Namaaz Puri Karke Salaam Ke Ba'd 
Durood Shareef____70 Baar Padhe.
Kalima Tayyeba____70 Baar Padhe.
Phir Durood Shareef ___ 7 Baar Padh Kar Iska Sawaab Huzoor Sarware Du Aalam ﷺ Aur Aal-O- Ashaab Ki Arwah Ko Bataure Nazar Pesh Kare. Phir Apne Liye Dua Kare. In shaa Allah Jo Haa'jat Ho Puri Ho.

Wazifa Chahar Shamba: 

Kitaab-ul-Auraad Main Likha Hai Ke Jo Shakhs Aakhri Chahar Shamba Mahe Saffar Main Sure Inshirah ,Sure Atteen,Sure Nasar ,Sure IkhLaas 80-80 Baar Padh Kar Dua Kare To Umar Uski Daraaz Ho  Aur Rizq Main Barkat Ho Dil Ghani Ho.

Ye Dua Yakam Saffar Se Aakhri Taareekh Tak Jitni Baar Padh Sake Padhe Aur Baccho'n Par Dam Kare 

لِیۡ خَمۡسَةࣱ اُطۡفِیۡ بِهَا حَرَّ الۡوَبَآءِ الۡحَاطِمَةࣱ 
اَلۡمُصۡطَفٰے وَ الۡمُرۡتَضٰے وَابۡنَاهُمَا وَالۡفَاطِمَةࣱ

19/20 Saffar Ko Daata Nagri Shaher Lahoor Main Hazrat Sayyad Ali Hijweri Daata Ganj Bakhsh Rahmatullahi Ta'Aala Alaih Ka Urs Mubarak Badi Aqeedat -O- Mohabbat Se Manaya Jata Hai.

25 Saffar Ko Imam Ahle_Sunnat Maulna Ash-Shah Ahmad Raza Khaan Fazile Bareillvi Rahmatullahi Ta'Aala Alaih Ka Urs Mubarak Duniya Bhar Main Jaha Jaha Sunni Rehte Hain Taqriro'n Aur Na'atiya Musha'iro'n.Khane Ke Langaro'n Ki Shakal Main Manate Hain. Aur Khususan Bareilly Shareef Bharat Main Teen(3) Roza 24 /25 / 26 Saffar Ko Ye Ruhani Taqreeb Bade Aehtamaam Se Ada Ki Jati Hain Jis Main Duniya Bhar Se Ulma Aur Mashyikh Shirkat Karte Hain.

(Ref>>> Pakistani Panj Surah Qadri Razvi , Safa:313 to 315)

Han Un Mardo Se Jo Aurat Ke Mehram Hon Unse Parda Karna Aurat Par Farz Nahi.
Jaise Baap, Dada, Chacha, Mamu, Nana, Bhai, Bhatija , Bhanja , Pota, Nawasa, Khusr(father-in-law ) In Logon Se Parda Karna Jaruri Nahi Hai.

Dewar Aurat Ke Haq Me Esa Hi Khatarnak Hai Jaise Mout. Aur Aurat Ko Dewar Se Isi Tarah Door Bhagna Chahiye Jis Tarah Log Mout Se BhagTe Hain.
(Mishkat Shareef, jild:2,Safa:268)

Huzoor صلى الله عليه وسلم (Qur'an ki aayat) Se Aurton Ka Imtihan Farmate the Jo Aurat Is Ayat Ka Iqrar Kar Leti Thi to Aap صلى الله عليه وسلم Us Se Farmate the Ki Myne Tujh Se Yeh Bait Leli. Yeh Bait Ba-Jariye Kalam Hoti Thi Khuda Ki Qasam Khabhi Bhi Huzoor صلى الله عليه وسلم Ka Hath Kisi Aurat Ke Hath Se Bait Ke Waqt Nahi Laga ..

Download Book