Ye Huzoor Gouse Aazam Muhiyuddeeen Jeelani RahmatullahiTa'alaAlai Ki Phuphi Hain. Badi Aabida Zahida Aur SaHib e Karamat Waliyah Theen.

Ek Martaba Geelaan Me Bilkul Barish Nahi Huwi Aur Log Qahet Se Pareshaan Haal Ho Kar Inki Khidmat Me Dua Ke Liye Hazir Huwe To Aap Ne Apne Sahen Me Jhadu De Kar Aasmaan Ki Taraf Sar Uthaya. Aur Ye Kaha Ke .

رب انا كنست فرش انت

Yaani..
Aye Parwardigaar.! Maine Jhadu Dediya. Tu Chidkaao Karde.

Is Dua Ke Baad Fouran Hi Mousuladhaar Barish Hone Lagi. Aur Is Qadr Barish Huwi Ke Log Nihal Aur Khush haal Ho Gaye.
(Bahjatul Asraar & Qala’id ul Jawaahir)

Tabsira:

Allahu Akbar.! Khuda Ke Neek Bandon Aur Neek Bandiyoun Ki Wilayat Aur Karamat Ka Kya Kehna? Jo Log Awliya Se Aqidat Wa Muhabbat Nahi Rakhte Woh Bahot Bade Mehroom Balke Manhoos Hain.
Isliye Har Musalmaan Mard Awrat Per Lazim Hai Ke In Buzurgon Se Aqidat O Muhabbat Rakhe Aur Fateha Padh Kar Inki Niyaaz Dila Kar Inke Ruhon Ko Sawaab Pahonchta Rahe. Aur Inko Wasila Bana Kar Khuda Se Duaen Mangta Rahe .

Awliya Khuda Ke Mehboob Aur Pyare Bande Hain. Isliye Jo Musalmaan Awliya Se Ulfat O Aqidat Rakhta Hai Allah Ta'ala Us Musalmaan Se Khush Ho Kar Usko Apna Pyara Banda Bana Leta Hai Aur Tarah Tarah Ki Ne'maton Aur Doulaton Se Us Bande Ko Mala Maal Aur Khush Haal Bana Deta Hai  Is Qism Ke Hazaron Waqi'aat Hain Ke Agar Inko Likha Jaye To Kitaab Bahot Moti Ho Jayegi.!