Hazrat Kabsha Ansariya RadiAllahuTa'alaAnha
8:08 pm
Ye Qabila Ansaar Ki Bahot Hi Janisaar Sahabiya Hain. Ek Martaba RasoolAllah ﷺ Ne Inke Mashk Ke Muh Se Apna Muh Laga Kar Pani Nosh Farma Liya. To Hazrat Kabsha RadiAllahuTa'alaAnha Ne Is Mashk Ka Muh Kaat Kar Taburrukan Apne Pass Rakh Liya.
(Ibn Maajah,Safa :253,
Isti'aab, Jild 4, Safa :1907)
Tabsira :
Isse Pata Chalta Hai Ke Hazraat Sahaba o Sahabiyaat RadiAllahuTa'alaAnhum Ko Huzoor ﷺ Se Kitni Walihana Muhabbat Thi Ke Jis Cheez Ko Bhi Huzoor Se Ta'aluq Ho Jata Tha Woh Cheez Unki Nazron Me Ba'ais e Ta'azeem Aur Laiq e Ehteraam Ho Jaya Karti Thi.
Kyun Na Ho Ke Yahi Imaan Ki Nishani Hai Ke Musalmaan Na Sirf Huzoor ﷺ Ki Zaat Se Muhabbat Kare. Balke , Huzoor ﷺ Ki Har Har Cheez Se Bhi Muhabbat Kare Aur Huzoor Ki Har Cheez Ko Apne Liye Qabil e Ta'azeem Jane Aur Uska Imaani Muhabbat Ke Sath Aezaaz O Ikraam kare ..!
0 comments