Ye Mahina Allah ka Mahina hai.aur Allah ke Mahino me Neeki ka Sawab Azeem hai Magar Gunah ka azab bhi isi Qadar hai. Afsoos ke is Mubarak Mahine me Aksar Musalmaan Biddaat, Bad Rusumaat,Gunaah o Kharafaat me ziyada mubtila rehte hain.Shehr aur dehaat me Khawateen ka Sajh ban kar gharon se Nikalna aur Ghair Mehram ku Dawate Nazara dena aur khud ghair Muhraman ku dekhna hi mamuli gunah nahi.us per ghazab ye ke Damate Asmat ki dhajjiyan hona.ghair Muslimon se ISlam ka Mazhaka udhwana.
Mamno Kaam na kiye jayen:

>> Ashure ke Din Siyah kapde pehanna,
>> Seena kubi karna,
>> Baal noochna,
>> Nuha(matam) karna,
>> Mooh peetna,
>> Churi ya chakhoo Waghaira se badan zakhmi karna jaisa ke Rafziyoun ka tareekha hai.
Haraam aur Gunah hai...
>>>Aise Af'aal E Shaniaa se ijtinabe kulli(Bachna aur door rehna) karna cahhiye..
>>>Aise Af'aal per saqth tareen waeeden aayi hain.
(Mouzuaatul Kabeer ,Mishkat Safa150,Muslim Shareef)
Musalmano ku chahiye ke rawafiz ki iqtida se khud bhi bachen aur apne Auraton ku bhi bachayen.
Alam,taqth,Taziyoun se Ahle Sunnat ku koi lagao nahi .Na Deen E Mubeen me iski Asliyat hai.baja Waghaira to Yazeedi Afaal hain aur Gunahe Kabeera.
Haan Niyaz Fateha karna Mehmood o Maghbool e bargahe ilahi hai.Khoob Isale Sawab karen.Apne ghar ke murdon aur khususan Shaheedane Karbala o deegar Buzurgane deen ku iska Sawab pahonchana bahot achcha Amal hai.Aur jo Sawab Bakshega isku iska Das gunah Ajar milta hai.



Huzoor SallallahuAlaihiWaSallam Farmate hain ke Mujhe Allah Tala per gumaan hai ke Allah Tala Aashure ka Roza Ek Saal pehle ke Gunah mita deta hai
(Sahi Muslim)

Awliya E keraam Farmate hain jo Shaqkhs Aashura Yani 10vi Muharram ku 2 Rakat Namaz is Tarha padhe ke pehli Rakaat me Alhamd Shareef Sure Anaam Aur Doosri Rakat me baad Alhamd Shareef ke Sure Yaseen padhe usku Hazaar(1000) baras ki ibadat ka sawab milta hai.Is mah ku bahot buzurgi ata farmayi hai.aur iski fazilat me bahot si Hadeesen Warid hain.


Chunanche Ek Hadees me hai ke Farmaya Rasoole Khuda SallallahuAlaihiWaSallam ne ke Fazil tareen Roza baad MAhe Ramzaan ke MAhe Muharram ka hai.Aur Fazil Tareen Namaz baad Faraz Namazon ke Namaze Tahajjud ki hai.aur farmaya Huzoor SallahuAlaihiWaSallam ne jis ne mahe Muharram ke pehle din aur Zil Hajj ke Aakhri Din ka Rooza Rakha usne Naya saal Roze se shuru kiya aur gushista Saal Roze se khatam kiya. aur Haq Ta'ala in dono Rozon ku uske 50 sala Gunahon ka kaffara kar dega.
Muharram ke 10vi tareekh ke Din ka Roza rakhna bahot bada Sawaab hai.Ibtida e ISlam me Musalmaano per ye roza farz tha.aur Mehbube khuda SallallahutalaAlaihiWaSallam ne is din me Roza rakhne ka hukm farmaya tha.,Magar jab Ramzan Mubarak ke Roze farz kiye gaye to Moharram ke Roze NAfil rah gaye.


Ibne Abbas RadiAllahuAnhu se Marwi hai ke Farmaya Hazrath SallallahuTalaAlaihiWaSallam ne kisi Roz ku kisi roz per Fazilat nahi hai Roza Rakhne me, Magar Mahe Ramzan Aur Aashure ku.
Mustahab hai ke 9vi aur 10vi ku Roza rakhen ke baaz Ulma ne tanha Aashure ke Roze ku ba-waghe Mushaabahate Yahood ke makru kaha hai, Aur Agar 11vi ku bhi Roza rakhe to Afzal hai.Shab e Aashure ku ta'at o Ibadat me Masroof rehna bade Sawaab ka Muwajjib hai.

Aashure ke Rooz Dua e Aashura padhe Yani ek(1) paher din chadhe baad ghusul kare aur 4 Rakaat Namaze Nafil ek Niyyat se kare Har Rakat me baad Alhamd ke Sure Ikhlaas yani 
Qull hu-wa llahu ahad ......15 baar padhe baad Salam ke 10 Martaba man darje Zail Dua padhe aur is Namaz ka Sawab Sayyadina Imam e Hassan Aur Sayyadina Imam e Hussain RadiAllahuAnhum ki Arwahe purfutuh ku baksh de ke Sawabe Aazeem hai. Ye Dono HAzrath uski Shafa'at farma kar Apne hamrah bihist me le jayenge.Ye Namaz aur Dua Aksar Mashaikhe kiram o Buzurgane Uz'zam se manqool hai.aur uski bahot badi fazilat hai.




Is roz ke Aadab se hai 
● Ghusul karna
● Rooza Rakhna
● Roza Iftiyaar karana,
● Nafil Namaz padhne,
● Dua mangna,
● Ulma e Deen ki ziyarat karna,
● Bimaar pursi karna,
● Yateem ke Sar per Shafaqat se HAth pherna,
● Sadqa karna,
● do(2) Mukahlifoon ke Darmiyaah sulaah karana ,
● Khuda ke khoof se roona,
● Surma lagana,
● Mud'dayiyoun ku Razi karna,
● Apni khatayen maaf karana,
● Ahlo Ayal ku khana wafar dena,
● Khusbu lagana,
● Gumrahon ki Rahnumai karna,
● Qur'an Paak ki Tilawat karna,
● 70 martaba Kalmaye Tamjeed padhna,
● Qabron ki ziyarat karna,
● Akhrabaat se milna,
● Maa Baap ki khidmat karna,
● Laghu aur Behuda kamon se door rehna,

Shohda e Karbala

Huzoor SallahuAlaihiWaSallam ne Farmaya ke
"Ali Mujh se hain Aur my Hazrath Ali se hoon"
SubhanAllah...
Matlab ye hai ke Mera Gosht Inka Gosht hai aur Mera Khoon inka Khoon hai AllahuAkbar.Ye hai Moula E Kainat ka Bargahe Nubuwat me o Kamale khurb ke jis ki Nudrat o latafat ku wahi samjh sakta hai jis ku Khuda Wande Khuddus ne imaani Nigahe Mohabbat aur Irfani Feham o Farasat se Nawaza hai.
Allah Allah...Farmaya ke Ali Mere Badan ka juz hain aur my Ali ke badan ka juz hoon.
Allahu Akbar...Rahmate Aalam ka Kamale Karam to dekho ke Ali ku Apne Badan ka tukda aur Apne ku Ali ke Badan ka tukda farmaya. Aur elan Farma diya ke Mera Dost Ali ka Dost aur Ali ka Dost Mera Dost hai aur Mera Dushman Ali ka Dushman Aur Ali ka Dushman Mera Dushman hai.
Nabi O Ali ka wahi M'amla hai ke jo kisi Shayer ne kaha hai ke -
Man tu Shudam Tu Man Shudi,
Man Tan Shudam Tu Jaan Shudi
Takas NaGoyad Baad Azeen
Man Deegaram Tu Deegari
Yani 
My "Tu" hogaya Tu "My" hogaya
My Tera Badan Hogaya aur Tu Meri Jaan Hogaya
take koi ye na keh sake ke
My Dosri cheez hoon aur Tu doosri cheez.


Isi tarha Hazrath Fatimatuz Zahara RadiAllahuAnha ke fazail ke bare me kya puchte ho??? Ye Noore Nubuwwat ka o Tukda hain jin ke bare me saaf saaf farma diya ke Fatima Meri Beti to Mere Badan ki ek boti hai.Jisne iska Dil dukhaya usne mujhe dhukh pahoncha kar ieza di.




Isi tarha Imam Hasan o Imam Husain RadiAllahuAnhumAjmaeen ke Marateeb O Darjaat ka ye Aalam hai ke Rahmate Aalam kabhi in dono ku Apne Seene Nabuwwat se chimta kar kabhi Doshe Anwar per bithakar ye Dua farmate the ke ye Dono mere Bete aur Meri Beti ke Bete hain.Aye Allah My in Dono se Muhabbat karta hoon,lehaza Tu bhi in Dono se Muhabbat farma aur Tu un logan se bhi Muhabbat farma jo Un Donose Muhabbat Rakhte hain.
Hazrath Anas bin Malik farmate hain ke Huzoor Aqdas SallahuAlaihiWaSallam in Dono Sehzadoon ko Soonghte the aur apne Seene se chimtaya karte the.
(Tirmizi jild 6 Safa 420)

SubhanAllah....Duniya me to sab log apne Pyare bachhon ko choomte hain ,Magar Huzoor(SallahuAlaihiWaSallam) Apne Dularon ku Soongha karte the.Kyun na ho??? Ke Rahmate Aalam ne in Pyaron ke bare me Baar Baar ye farma diya ke Hasan Aur Hussain dono mere "PHOOL" hain jo khuda ne mujhe Duniaya me ata farmaye hain aur ye zahir baat hai ke Phool soonghe jate hain Phool chume nahi jate.Isliye Huzoor SallahuAlaihiWasallam Hazrath Hasan Aur Hussain apne Dono Phulon ku Soongha karte the...
SubhanAllah kya khoob farmaya Aala HAzrath RadiAlalhuTalaAnhu ne
Kya Baat Raza? Is Chamanistane karam ki
Zahra hai kali jiske Husain aur Hasan Phool...




Ek Martaba Huzoor SallahuAlaihiWaSallam Hazrath Hasan ku Kamale Muhabbat se Apne Doshe Nabuwwat per Sawar karke chal rahe the to kisi Sahabi ne ye Manzar dekh kar arz kiya ke....
"Aye Bachhe Teri Sawari kitni Achchi hai"
SubhanAllah....
To Sarkar E DoJahan SallahuAlaihiWaSallam ne Fouran Irshad farmaya ke
"Aye Mere Sahabi tune ye to dekh liya ke Sawari kitni Achchi hai?? Magar ye bhi to dekh ke Sawar kitna Pyara hai??"
(Mishkaat 571)


"Rehana tur Rasool" aur "Kahtim-ul-khulfa" Hazrath Imam Hasan Mujtaba RadiAllahuAnhu 15 Ramzan 3 Hijri ki Shab me Madine Tayyaba ke andar tawallud huwe aur Hazrath Ali KaramAllahuWajhu ki Shahadat ke baad chand maah chand Rooz masnade khilafat per Ronakh afroz rahe phir aapne taakhte khilafat Hazrath Ameere Mawiyah RadiAllahuAnhu ku ta'fveez farma diya . Iske baad kisi khabees ne aap ku Zahar khila diya. Zahar ke asar se aap ku ishal kabdi lahaq huwa aur aanton ke tukde kat kat kar is haal me kharij hone lage.us silsile me 40 Roz Sakht takleef rahi aur 5 Rabi-ul-Awwal 49 Hijri me aapne is daare napaye daar se Madine Munawwara me daare Aakhirat ki taraf Rohlat farmayi ...aur Shahadat se Sarfaraz huwe....

 إِنَّا للهِ وَإِنَّـا إِلَيْهِ رَاجِعونَ ..aur jannatul baqi me Apni Walida e Majida Hazrath Bibi Fatima Zahara RadiAllah Anha ke pehlu me jigar Goshaye Rasool farzandae Batool madfoon huwe .

Khareeb e wafat jab Hazrath Imam Husain RadiAllahuAnhu ne daryafat kiya ke aap ku kisne zaher diya hai?? To Aapne farmaya ke kya tum log usku khatal karoge?? Hazrath Imam e Husain RadiAllahuAnhu ne jawab diya ke Beshak - To aap ne farmaya ke jis shakhs per mera gumaan hai agar waqi wahi mera khatil hai to Khuda Wande Khahar wa Jabbar muntaqime haqiqi hai wahi usse Mere Khoon ka intehaam lega agar o nahi hai to my nahi cahta ke mere sabab se koi Be-Gunah mara jaye. Behre haal kisi ku ye nahi maloom ho saka ke aap ka khatil koon hai?? Baaz Mo'arriqeen ne ye likh diya hai ke Jada binte Ashas bin Qais aap ki Zouja ne yazeed paleed ke hukm se Aap ku Zehar diya aur yazeed ne isse nikah ka wada kiya tha isi laluch me usne Hazrath Imam ku Zahar diya lekin is Riwayat ki koi Sahi Sanad moujood nahi hai.Isliye baghair kisi Sahi sanad ke kisi Musalmaan per Imam ke qatal ka ilzam lagana bhala kis tarha jaiz ho sakta hai.Ahle bait ku Qatil ka ilm tha nahi.Hazrath Imam e Hasan RadiAllahuAnhu ne daryafat karne per bhi Khatil ka naam nahi bataya aur Hasnain ke sahebzadon ne apni Aakhri umr tak "Jada" se
koi shari moukhiza bhi nahi farmaya to phir Jada ku khatil tehrane wala koun hai?? Isliye tajub nahi ke ye kharjiyoun ka ek battareen tabarra ho ke O Hazrath Imam ki Biwi ku ghair ke sath saz baaz karne ki tohmat laga rahe hain..Nouzbilla...
WallahTala Aalam...

Zameene Karbala ka Khooni Manzaar

Sayyadus Shohda Hazrath Imam e Hussain Shahide Karbala ki Wiladat Ba-Saadat 5 Shabaan 4 Sane Hijri ku MAdine Munawara me huwi.Aap ki kuniyat "Abu Abdullah" aur Naame Naami "Husain" Aur Laqab "Sibte Rasool" Aur "Rehana tur Rasool" hai.
Allahu Akbar...Jigar Goshaye Rasool Farzand e Batool , Rakhibe Dooshe Payember aur Karbala ke Ghaziyoun ke Meere Lashkar Imam Aali Maqam Shahide Karbala HAzrath Imam E Husain Sayyadus Shohda RadiAllahuTAlaAnhu ki Azmate Shaan kis Zabaan ki Taqat hai ke kama Huqqa bayan kar sake.


Rajjab 60 hijri me Ameere Muawiyah RadiAllahuTA'ala Anhu ne BaMaqame Damish Laqwe ki beemari me Mubtila ho kar Wafat Payi.Aap ne Ba waqte Wafat ye Wasiat farmayi ke mere pass Huzoor Rahmatul-lil-Aalameen SallallahuAlaihiWaSallam ke 5 TAbarukaat hain.jin ku my ne Apni zindagi bhar apni jaan se ziyada Azeez tar samajh kar apne khazane me mehfooz rakha hai .Huzoor e Aqdas SallalahuAlihiWaSallam ka 
1. Izaar Mubarak
2.Chadare Aqdas
3.Khameese Anwar
4.Moo-E-Mubarak aur
5.Naqune Mubarak ke Tarashe
Aap ne Farmaya ke Mujhe Huzoor Rahmate Aalam ke Tehband Shareef aur Muqaddas pairahan ka Kafan Diya jaye.Aur mere Aaza e Sajda aur Aankhon me Moo-e-Mubarak aur tarashaye Naakhoone Munawwar rakh kar khabar me lita kar Arhamur Rahemeen ke Supurd kar diya jaye.Chunanche,Logon ne aapki wasiat ke mutabiq aap ku dafan kiya.



Hazrath Ameere Muawiyah RadiAllahuAnhu ki Wafat ke baad aap ka Na-qalaf aur intihai Shafi aur Bad-Naseeb beta "yazeed" taqt Saltanat per Firoune Zamana ban kar baitha.aur isne apni baiat lene ke liye atrafe Saltanat me har taraf farman aur khasid rawana kiye.
yazeed Koun tha??aur kaisa tha??MAzAllah....Yazeed Bin Muawiyah umwi O battareen Shakhs hai jis ki peshani per Ahle Baite Nabuwwat ke Khoone NaHaq ka Qiyamat tak na mitne wala siyah dagh hai.Yahi o Bad Naseeb aur Shaqeeul Qalb Zalim hai jis per Qiyamat tak Tamam Duniya e ISlam Tahqeer o Malamat ke patthar barsati rahegi.Ye Nan'ge Qandane Bani Ummiya 25 Sane Hijri me Hazrath AAmeere Muawiyah RadiAllahuAnhu ke Ghar me Mysun binte Bahdal ke peth se paida huwa.Intahi Bad Shakal ,Mota Bhadda, Pure Badan per Baal, Intehayi Bad Qalkh, BAd Mizaj,Fasiq O Fajir,Sharabi o BAd Kirdaar zalim O ghaddar Aur Intehayi Be Adab O gustakh tha.Mahrumaat ke Sath Nikah aur Sood Waghaira minhayate Shariyah ku is Be-Deen ne Elaniya Riwaj diya.

HAzrath Abdullah bin Hanzala Ghaseel ne farmaya ke.... Wallah....Hamne yazeed per us Waqt khurug kiya Jab hamku ye dar hogaya ke Kaheen yazeed ki Bad-Aamaliyoun aur BadKariyoun ki wajah se hamare Oper Aasmaan se Azab ke pathar na barsne lage(Waaqdi)

Isi TArha ek martab kisine HAzrath Umar bin Abdul Azeez ke darbaar me yazeed ku Ameerul Momineen Keh diya to aap ne isku 20 durre maar kar Saza di ke yazeed jaise badtareen Shaksh ku Aameerul Momineen kehna jurm e Azeem hai.(TAriqul Khulfa Safa: 231).


Hazrath Abu Hurairah Jo un Shaba me shumaar kiye jate hain jo Rehmate Aalam ke Raaz Daar aur Sahibe Israar hain.Aapne 59 Sane Hijri me Ye dua mangi ke.... 
Ya Allah my 60 Sane Hijri ki Shuruaat aur Ladkon ki hukumat se teri panah mangta hoon Hazrath Abu Hurairah RadiAllahuAnhu ku maloom tha ke 60 Sane Hijri me yazeed KI Hukumat hogi aur ye bade fitno ka waqt hoga.Isliye aapne isse Panah mangi .Chunanche, aap ki ye Dua Bargahe Khuda wandi me Maqbool ho gayi,aur 59 Sane Hijri hi me aap ki Wafat ho gayi..(Tariqul Khulfa)


Behre Kaif yazeed paleed Taqte Saltanat per qabiz hone ke baad usne har taraf apni baiat ke liye hukumNaame aur khasid bheje.Chunanche,MADINE MUNAWWARA ke hakim Waleed bin Uqba ku yazeed ne ye farmaan bheja ke tum mera ye farmaan dekhte hi sab khaas o Aam aur amaaide Madina se meri baiat lo.Aur khas kar Hazraath Imam e Husain aur Abdur Rahman bin Abu Bakar Aur Abdulla bin Umar aur Abdulla bin Zubair RadiAllahuTalaAnhum ku to ek lamhe ki bhi mohlat na dena.aur sabse pehle in logon se baiat lena.Chunanche,yazeed ka farmaan milte hi Walid bin Uqba ne Hazrath Imam e Husain ku apne Darul Imarat (Govt House) me bulaya aur yazeed ka farmaan suna kar aap se baiat ka talib huwa.Imam Aali Maqam ne Saaf Saaf Farma diya ke yazeed apne fisq o fujoor aur zulm o udwaan ki wajah se hargiz is khabil nahi hai ke my uske hath per baiat karon .Isliye My Hargiz Hargiz kabhi bhi uski baiat nahi kar sakta.Sach hai...


Aaeen-e-Jawanmardan, Haq Goyi-o-Bebaki
Allah Ke Sheron Ko Ati Nahin Roobahi

Jis waqt Imam Aali maqam ne yazid ki baiat se inkaar farma diya to Walid bin Uqba ne Aap ku bahot narmi ke sath samjhaya.aur iske Khatarnaak Anjaam ki taraf Tawajjo dilayi.Magar jab aapne pure Azm-e -mohkam ke sath baiat se inkar farma diya to Walid bin Uqba ne aap ku pure aezaaz ke sath Ruksat kar diya.aur Arz kiya ke Aye Ibne RasoolAllah Aap is mamle me jald baazi ke sath koi faisla na farmaye balke is waqt aap apne Doulat khane per tashreef le jayen aur itminaan se Sooch bachar kar koi faisla farmayen aur kal isi tarha phir yahan Khadam Ranja Farmaye to bahot behtar hoaga.

Imam Aali Maqam ku khoob achchi tarha maloom tha ke baiat ke inkar se yazeed nabakar intahi mushta'al hoga aur meri jaan ka dushman aur khoon ka pyasa hojayega.lekin Farzande Rasool se Bhala ye kab Mumkin tha?? Ke taqwa aur diyanat ku thukhra kar mehaz apni jaan bachane ke liye ek fasiqe nabakaar aur fajire bad kaar ka khilafat aur Haqdaar tasleem karlen aur Muslamano ki tabahi aur Deeni Millat ki barbaadi ka kuch khiyaal na kare...Musalmano!! Isme Koi Shak nahi ke Imam Aali Maqam yazeed ki bayyat farma lete to yakheenan yazeed isku Aap ka Ehsaan Azeem samajh kar aap ki Intahi Khadar-o-manzilat karta aur firte aqidat se Aap ke Khadam dho dho kar peeta aur bani ummiya ke khazano ki kunjiyan aap ki Muqaddas Jutiyoun per dal deta aap ku beshumaar maal o Doulat bhi deta.Balke kisi Sube ki governari aur hukumat bhi pesh kar deta.Magar Imam e Bar-HAq ki Haq parast Nigahon ke Samne Aaftab ban kar ye Haqikhat chamak rahi thi ke Agar my yazeed ki baiat kar leta hoon to nizame Islam darham barham hokar Millate Islamiya me aisa Azeem fasad barpa ho jayega jiska door karna na mumkin aur mahaal hojayega.Deen mit jayega aur Parchame ISlam ki Dhajiyan para para hokar Faza-e-Aasman me bikhar jayengi.Kyunke zahir hai ke jab aap yazeed ki baiat Farma lete to aap ki baiat yazeed ki har badkari ke jawaz ke liye sanad ban jati.aur tamam Musalmaan ye samajh lete ke yazeed ka har amal Islam ke mutabiq hai..Kyunke har Shaksh yahi kehta ke agar yazeed Islam ke khilaf amal karta to Bani-e-Islam ke Noore Nazar aur Millate Islam ke Azeem Rehbar Imam Aali Maqam hargiz kabhi iski baiat na farmate.Yahi O Wahid sabab tha ke Jigar Goshaye Rasool aur Farzande Batool ne bade bade Aalaam o Masaib ku bardasht farmaya.Balke apne Phule-Phale Gulshan ku apni nazron ke samne zulm o udwan ki khazan-o-veeraan o barbaad hote dekha.Balke apne khoon ka Aakhri khatra aur Apni Zindagi ki aakhri sans khuda ki rah me khurbaan karke Millate ISlamiya ki Doobti aur Dagmagati Kashti ku Gumrahiyoun ke toofan se nikal kar Sahile Najat per pahoncha diya.Aur Qiyamat tak ke liye Islam ka parcham Sar buland hogaya.

Yazeed ne tamam Ahle Madina me sabse pehle Imam e Aali maqam hi se bait ka mutaliba isliye kiya ke isko ye maloom tha ke Agar Hazrath Imam baiat farma lenge to phir Rooe Zameen me kisi ko mere baiat se inkaar ki gunjaish baqi nahi rahegi.Magar Hazrath Imam Aali maqam ki isteqamat aur Inkare baiat se iska sara mansuba Khak me mil gaya aur yazeed mare ghaiz o ghazab ke aag babola hogaya.Aur yahan tak apni khabasat per utar aaya ke usne Hakim-e-Madina Waleed ko ye farmaan bhej diya ke agar Imam e Hussain meri baiat se inkaar kare to unka sar kaat kar mere yahan rawana karde.Jab is mazmoon ke chand Hukm naame mutuwatir Walid ke paas pahonche to Walid ne majboor ho kar Imam e Aali Maqam ko yazeed paleed ke us napaak mansube se aagah kiya.
Aapne mukhliseen-e-Sahaba se mashwara kiya to logon ne aap ko ye salah di ke aise mahool me aap ka MAdine Munawwara se Makka Mukarrama chala jana ziyada munasib hai.Chunanche,Aapne aur Hazrath-e-Abdullah bin Zubair ne Makka Mukarrama ki rawangi ka Azam farma liya,Saman bandhe jane lage.Oonton per kajawe kas dale gaye.aur Ahle Nabuwwat ka ye Muqaddas Khafila Madina tur Rasool(SallahuAlaihiWaSallam) ki judayi ke Sadme se Rote huwe Apne Gharon se nikal pada.aur Imame Aali Maqam aapne Nana Jaan ke Roza e Aqdas per Aakhri Salam ke liye Hazir Huwe.

Us ruh fursa manzar ke tasaw'ur se dil o dimag ke gushe gushe mai sadmat ka ek aisa kohe aatish fisha phat padhta he ke badan ke rongte rongte mai iztarab o beqarari or aankho mai girya o zaari or ashk bari ka ek tufani selab omand padhta he ke Allah ! Allah! Kya Aaftab o mahtaab ki aankhe ka bhi wo manhoos din bhi dekhegi?? Ke Rasool Akram ﷺ ki Aagushe Nabuwat ka pala hazrat Ali or Hazrat Bi Bi Fatima ki Aankho ka ujala husain Sayyede Aala is tarah madina se nikala jayega?? Musalmano ! Ah Ah ek wo din tha ke unke Nana Jaan ne jab makka mukarrama se hijrat farma ker Madina munawwara ko apne Qudoom Maimunat lazoom se sarfaraz farmaya tha to Ahle madina ke budhe or jawan jhoom jhoom ker ye istaqbaliya Nazsm Gate The

طلع البدرعلینا
من ثنیات الوداع
وجب الشکر علینا
مادعی للہ داعی
or madina ki nanni nanni bacchiya farte musarrat mai apni bareek or sureli aawaz se ye nagma gati thi ke
نحن جوار من بنی النجار
یا حبذا محمدمن جار
Yani ham Bani najjar ki choti choti bacchiya he. Wah re! Hamare acche din ! Ke ab Muhammad Rasool Allah ﷺ
Hamare padusi hojayege. Har taraf farah o suroor ka bol baalaa or madina mai ujala hi ujala tha or aaj wo din he ke Ahle madina ka har chota bada Apne pyare Rasool Akram ﷺ ki yaad gaar ko hamesha hamesha ke liye rukhsat hota dekh kar be-qarar or ranj o gum se ashkabar he or madina ke har ghar mai ranj o gum ke siyah badal mandla rahe he or har taraf andhera hi andhera nazar aaraha he.
Afsoos !
Us tasaw'ur janka se mere dil mai aisa dard he ke agar bayan karo to zaban jal jayegi or agar ah khinchta ho to mujhe andesha he ke meri haddiyo ka magaz jal ker khaakh hojayega.



Hazrat Imam Aali Maqam apne kaashane aqdas se nikal ker apne Nana jaan ﷺ ke Aakhri salam ke liye hazir ho rahe hai.
Mazare Mustafa per sham hote hi Imam Aaye
Ijazat ki Garaz se Aakhri kerne Salam Aaye
Kaha ro ker salam Ae Taajdare Aalam Imka
Salam ae Sarware Aalam Salam ae Sarware Zeeshan
Zara dekho to chahre se otha ker gusha-e- Daama
Husain Ibn Ali per Tang hai Taiba ki Ab Galiya
Yazidi door he islam he sarkar khatre mai
Nawasa aapka us waqt he dushman ke narge mai

4 shaban hijri- 60 ko jumma ki rath mai madina munawwara se aap makka mukarrama ke liye apne ahle o ayaal or khuddam ke hamra rawana hogaye jab aap ki sawari chali to rah mai jo log milte hairat se sawal kerte the ke ya ibne Rasool Allah ﷺ madina cchod ker kaha ki tayyari he?? Aap ye sun ker Faraqe Rasool ﷺ mai zaar zaar rute or apne dil be-qarar ka haale zaar suna ker dusro ko bhi rulate. Jab makka mukarrama ke qareeb puhche to tamam bashind gaane haram , budhe or jawan khushi mai ye tarana padhte huwe istaqbal ke liye dour padhe
Jin se rushan he madina o qamar aate hai
Jinka ma'adan he najaf mai wo guhar aate hai
Hazrat sarware Aalam ke pisar aate he
Sayyada Fatima ke lakhte jigar aate hai !
Phir aap makka mukarrama pahonch ker baqiya Shaban or ramzan o shawwal o zilqada nihayat hi aman o amaan ke sath rahe or Ahle makka aap ke fayooz o barakat se mala maal hoker maare khushi ke par le nahi samate the.
Saeed bin aas jo yazid ki janib se makka mukarrama ka governer tha usne bhi aap ke sath mazahamat nahi ki. Lekin usne makka mukmukarrama mai aap ki Tashreef aawari or Ahle makka ki aap ke sath be-panah aqidat ki italla yazid ke pass rawana kerdi jisse yazeed or bhi zyada barham hogaya.





Yazeed ki intahai koshisho ke bawajood sirf ahle shaam ne yazeed ki bait ki ahle iraq khususan kufa wale to hazrat ameer mavaviya Radiyallahu Ta'aala Anhu ke zamana hi mai hazrat Imam Husain Radiyallahu Ta'aala Anhu ki khidmat mai dar-khawaste bhejh rahe the or aap ki Tashreef aawari or aap ki bait ke liye intahi mushtaq o tamannai the. Magar imam Ali maqam hamesha inkar farmate rahe ab hazrat ameer maaviya Radiyallahu Ta'aala Anhu ki wafat or yazeed ki takht nasheeni ke bad ahle iraq ka ishtiyaq or bhi zyada badh gaya. Chunancha ahle iraq ki tamam jama'ato ke sardaro or sarbaraho ne aap ki khidmat mai khutoot or arziya rawana kiye or taqriban dedh saw (150) khutoot or iltija naame us mazmoon ke aap ki khidmat mai bheje gaye ke
Ae Ibne Rasool Allah ﷺ !

Ham "sheaan Ali" hai or aapke walid buzrugawar , shere khuda , dul-dule sawar ke intahai farma bardar o janisar hai or aap hote huwe ham yazeed paleed jaise fasiq o badkar ke muzalim mai giraftar hai. Ham yazeed ki gumrahiyo or us ki ger shara'ee hukumat se bezar or aap ki bait o ita'at ke liye be-qarar hai. Aap jald se jald kufa Tashreef La Ker hame yazeed ki zalimana saltanat ke zulm o istabdad se najat dilaye or apne nana jaan ﷺ ki ummat ko ek gumrah or zalim o fasiq ki bait o ita'at se bachale. Ham chashme barah ho ker aapka intazar ker rahe hai or ahad o iqraar kerte hai ke ham apni jaan o maal ke sath aapke wafadar o jaanisar rahege. Aap farzande Rasool or jigar bande Ali o Batool hai. Ummat ki hidayat o dastagiri aapka mansab he lihaza tashreef La ker hamari hidayat o dastagiri farmaiye.
Is tarah ki darkhawasto or iltaja naamo ke tasalsul ne imam Aali maqam ke samne ek buhat hi aham or qabile tawajja masla paida ker diya jis se agmaad o aaraaz kerna mumkin na tha.



or wo masla ye tha ke agar koi Quom kisi zalim o fasiq ki bait per razi na ho or wo kisi aise shakhs se bait ki darkhawast kare jo her aetabar se Ahle or Bait o ita'at ka haqdar ho or wo shakhs us quom ki istad'aa or darkhawast ko thukda de to uska matlab yahi huwa ke wo shakhs us quom ko usi zalim o fasiq ke hawale kerna chahta he
Ab Goar farmaiye.... ke Imam jo her tarah se Amirul Momineen hone ke Ahal o Mustahiq the agar us waqt kofiyo ke un darkhawasto ko Qabool na farmate to qayamat ke din darbare khuda wandi mai kofiyo ke us mutaliba ka imam ke pass kya jawab hota?? Ke
Ya Allah ! Hamne her chand imam se bait ki darkhawast ki lekin imam barhaq ne hamari arziyo ko thukda diya is liye hame yazeed ke zulm o tashaddud se majbor ho ker uski bait kerni padhi.
Ye ek aisa Masla imam ke samne darpesh hogaya ke us masla ka bajuz uske koi hal hi nh tha ke Imam Aali Maqam ko kofiyo ki darkhawast manzoor farma ker kufa Tashreef le jaye. Chunancha jab bade bade As'haabe kubbar maslan hazrat Abdullah bin abbas , Hazrat Abdullah bin Umar , Hazrat jabir , Hazrat Abu Saeed, Hazrat abu waqad leshi wagera ham Radiyallahu Ta'aala Anhum
ne aap ko kufa ke safar se mana farmaya to aap ne unke samne yahi masla pesh farmaya ke Aakhir Ahle kufa ko istad'aa ko radd kerne ke liye mere pass uzra shara'ee kya he?? Algarz !
Hazrat Imam ke samne ek buhat hi pecheeda masla aan pada tha. Ek Jaleel ul Qadar Sahaba ka Israar tha ke aap herGiz kufa tashreef na le jaye
Dusri taraf kofiyo ki darkhawast radd kerne ke liye aap ke pass koi uzra shara'ee na tha is liye aap ne ye faisla farmaya ke pehle Hazrat Muslim bin Aqeel Radiyallahu Ta'aala Anhu ko bheja jaye. Ager kofiyo ne bad-Ahdi o bewafai ki to uzra shara-ee mil jayega or ager wo apne ahad per Qaim rahe to Sahaba ko tasalli o itminaan dilaya ja sake Ga.


Chunanche Imam Aali maqam ne apne chacha zaat bhai Hazrath Muslim bin Aqeel ku kufa bheja aur Ahle Kufa ke naam ye farmaan wala Shaan tahreer farmaya ke aye Ahle Kufa- My tumhare be-panah Israr se mutasir ho kar Hazrath Muslim bin Aqeel ku apna Nayab bana kar rawana karta hoon.Agar tum logon ne apne Qoul per sabit Khadam rah kar inke hath per baiat kar li aur unhone mujh ku tumhari wafadari o Jaanisari ki ittila dedi to fouran hi my bhi Kufe ka Azme Safar kar loonga.Chunanche Hazrath Muslim apne do Bacche ko Muhammad aur Ibrahim ku Apne hamrah le kar kufa rawana ho gaye aur kufa pahonch kar Mukhtaar bin Ubaid ke makan per Qiyaam farmaya aur isme shubah nahi ke Kufiyoun ne aap ka bahot hi shaandaar isteqbaal kiya.aur be-panah jazba-e-Aqidat aur joshe Muhabbat ka izhaar kiya yahan tak ke 40,000 kufiyoun ne Aap ke daste haq parast per baiat karli aur in logon ka josh o khuroosh ka ye aalam tha ke aisa maloom hota tha ke ye lashkar sailab ki tarha badh kar Yazeedi saltanat ku garat o barbaad kar dega,aur Yazeed ku jaan bachane ke liye koi raah na milegi.Chunanche ,Hazrath Muslim bin Aaqeel ne Kufa aur Ahle Iraq ki aaqidat o Baiat se mutmaeen ho kar Imam Aali Maqam ki khidmat me ye A'ariza likh kar bhej diya ke 40,000 ke lashkare jarrar ne mere hath per bai'at karke aap ki jaani sari o wafadari ka ahad kar liya hai.Lihaza jald as jald aap kufa tashreef le ayen.Take jald se jald khuda ke bandon ku Zalim yazeed ke shar se najaat dilayi jaye.aur aap ki khilafate Haqqa ka parcham Sar buland karke Khuda ki zameen ku Adal o Insaaf se bhar diya jaye.

Kufe ke governer Hazrath Noumaan bin Basheer Sahabi RaiAllahuTA'ala Anhu bawajood ye ke yazeed ke governer the magar chunke,Ahle baiat ke muhib the.ISliye unhone mamuli tour per ahle kufa ku Hazrath Muslim ki baiat se mana karke Zabite ki karwayi puri kar di.Aur is mamule me kisi khisam ki dast andazi nahi farmayi.Aur is tarha khamoosh ho kar baithe rahe ke yazeed ku bhi in waqiaat ki ittela nahi di.MAgar yazeed ke khaas jasoos Muslim bin yazeed Hazarmi aur Umara bin Waleed bin Uqba ne yazzed ku ye ittela kardi ke Muslim bin Aqeel kufa tashreef laye hain.aur hazaron aadmi inke hath per Imam Husain RadiallahuAnhu ki baiat kar chuke hain.Lekin,kufe ke governer Noumaan bin basheer ne koi karwayi inke khilaaf nahi ki hai.yazeed ye khat padh kar ghiaz o ghazab me jal bhun gaya aur fouran kufe ke governer Noumaan bin basheer ki mazuli ka farmaan likha aur basra ke governer Ubaidulla bin zayyad ku kufe ka governer bana kar bhej diya.Ubaidulla bin zayaad intehayi zalim aur bala ka fareebi o makkar tha isne apni fouj ku to khadsiya me choda.aur khud hijazi libaas pehan kar chand aadmiyoun ke hamrah khamushi ke sath raat ki tareeki me kufa pahoncha.aur apne darul imarat(government house) me dakhil ho gaya.aur raat bhar yazeed ke guruon se puri report sun kar suboh ku ibne zayyad ne kufe ke tamam raosa aur amayadeen ku intahi fareeb aur chalaki se khile ke andar bula kar khile ka phatak band kar liya.aur unhe hukumat ka farmaan padh kar sunaya aur khoob khoob daraya dhamkaya. phir usne Mohammad bin Ashas ku fouj ke ek dasta ke sath HAzrath Muslim bin Aaqeel ki giraftari ke liye bheja.Us waqt Hazrath Muslim HAni bin Urwah ke makan per tashreef farma the .Muhammad bin Aashas ne Hani bin Urwa ko fouran giraftaar karke khile me bhej diya.Is waqt Hazrath Muslim bin Aqeel ne apne mutawasseleen ku pukara to dam zadan me 40,000 ka lashkar aap ke samne hazir ho gaya.aur ibne ziyyad ke khile ka mahasira kar liya.Is waqt josh o khirosh ka ye aalam tha ke agar Hazrath Muslim bin Aqeel hamle ka hukm farma dete to chand minton me khila fatah hojata aur ibne zayyad giraftaar ho kar pa ba-zangeer aap ka khaidi ban jata aur yahi lashkar tufaan ki tarha badh kar yazeed ke takh o taaj ku bhi apne qadmon ka foot baal bana kar yazeedi saltanat ka naam o nishan mita deta magar!! Sachhi baat aur waqi hakhikkhat to yahi hai ke...

LAKH TADBEER KARE BANDA TO KYA HOTA HAI
WAHI HOTA HAI JO MANZURE KHUDA HOTA HAI
Hazrath Muslim bin Aqeel ne khile ka muhasira to kar liya magar lashkar ku hamle ka hukm nahi diya aur ek raham dil aur Aadil Badesha ki tarha aap musalahat ki gutagu ka intezaar farmane lage.Ibne zayyad jo intihai makkar o kiyad tha usne is waqfe se pura faida utha liya.Chunanche,itni der me usne kufe ke raosa aur amayadeen ku majboor kar diya ke o khile ke faseel per chadh kar apne aazeezon aur zere asar logon ku Hazrath MUslim bin Aqeel ki nusrat o himayat se alahda kar den.Ye raosa aur aamayad pehlehi se khile ke andar khaid the. ibne zayyad ne in logon ku ye dhamki di ke agar tum logon ne Muslim bin Aqeel ki jamaat ku na muntashar kiya to my tum logon ku is klhile ke andar intehai be dardi ke stah zabah kar dalonga aur phir yazeed shamiyoun ka lashkare jarrar bhej kar tumhare bacche bacche ku khatal aur tumhari bastiyoun ku taqat o taraaj kar dalega.





Ibne zayyad ki ye dhamki sun kar Iraq ke Sardaon aur raosaon ka haal patla hogaya.aur sab ke sab laza ba-randam ho kar hampte kampte khile ki faseel per aaye.aur ro ro kar apne azeezon reshtedaron aur ghashiya bardaroun se kehne lage ke Lillah ham per Rahem karo aur HAzrath Muslim bin Aqeel ka sath chod do.Dekhlo ham is waqt ibne zayyad ki khaid me hain.agar tum logon ne is khile ku fatah bhi kar liya to tumhare yahan pahounchne se pehlehi ibne zayyad hamare jismon ke tukde tukde klar dalega,phir yazeed khmoosh nahi baitha rahega.Balke,iska lashkar tumhe rond dalega.aur tumhare ek ek bachhe ku khatal karke tumhara naam o nishan mita dega.lihaza apne anjaam per naraz dalo hamare haal per raham karo aur apne apne gharoun ku chale jao.

Afsoos!!!! ke abhi abhi jo lashkar janab Muslim bin Aqeel ke chashm o Aabru ke ishare per apne khoon ka aakhri khatra baha dene ke liye tayyar khada tha.O apne sardaroun ki itnihi taqreer sun kar muntashar hone laga.Yahan tak ke jab Hazrath Muslim bin Aqeel ne Maghrib ki namaz shuru ki to sirf 500 admi rah gaye the jo aap ke sath Namaz me shareek huwe.Lekin, jab aap Namaz se farigh huwe ye bhi farar ho chuke the.Aur aap ke nanhe nanhe do bachhon ke siwa 1 admi bhi aap ke sath na tha.Kufe ki masjid ghurbat o musafirat ka alam koi haal puchne wala nahi.Hairaan hain ke kidhar jaye??Kahan khiyam kare??? chote chote bachon ku kahan khilaye??kahan sulayen??Afsoos ke kufe ke itne bade shaher me BAni Hashim ke itne Bade mou'ziz mehmaan ke liye koi apna darwaza tak kholne ke liye tayyar nahi tha.Is bekasi o bebasi ke aalam me jab ke na koi yaar o madadgaar hai na monis o Gham khar.
Baar Baar Aap ko Hazrath Imam Hussain RadiAllahuAnhu ki yaad aati thi aur ye soch soch kar sadmaat se aap ke seene me dil pash pash ho jata tha.Ke haye Afsooss...!! Myne Imam Aali Maqam ku ye khat likh diya hai ke 40,000 jaanisaroun ka lashkar tayyar hai .Aap fouran kufa tashreef le aayiye.Yakheenan Jihgar Goshaye Rasool FArzande Batool mera khat padh kar ma-Ahlo Ayaal kufe ke liye rawana ho chuke honge aur yahan kufiyoun ki bad ohdi ka ye haal hai ke anaaaj ka ek daana aur paani ka ek khatra deena to badi baat hai koi baat karna wala nahi,aur mere hath per apni jaan o maal fida karne ke ahad aur baiat karne wale hi ab Ibne zayyad ke sath saz baz karke mere khatal ka mansuba bana rahe hain. HAye!! Gulshane Zahra ka sabse Haseen Phool Hussain Farzande Rasool be-qabri me kufa pahonch kar in ghaddaron ke narghe me kaise kaise mazalim ki baad sar sar ka nishana banega.Ye soch soch kar Dil zakhmi aur jigar ghayal ho raha tha.isi hairani o pareshani ke aalam me aap ku pyaas lagi samne ek makan nazar aaya jahan "Tou'a" naami ek aurat khadi thi aapne usse paani manga us Neek bandi ne aap ku pehchana aur nihayat Adab o Ehteram ke sath apne ghar me bithakar paani pilaya itne me ubaidulla bin zayaad ne kufe ke kotwal "umar bin hurais" aur "Mohammad bin ash'as" ku aapki giraftari ke liye bheja.in gustakhon ki be-adbi per aap ku Hashimi jalal aagaya aur apni talwar le kar in zalimon ke maqabile ke liye tayyar hogaye.aur aap ke sherana hamlon se bahot se sipahi zakhmi huwe aur baaz maare bhi gaye ye dekh kar ke Hashmi jawan ki shamsheer be nayaam khahare ilahi ka paigham ban kar saikdon kufiyoun ku lukhmaye ajal bana dalegi.aur fouj ka ye chota sa dasta hargiz hargiz kabhi Hazrath Muslim ku giraftar na kar sakega.to fareeb ka putla Muhammad bin Ashas ye chaal chal gaya ke aman o sulah ka elan kar diya aur dast basta arz karne laga ke jang ki koi zarurat nahi hai.Aur ham aap se jang ke liye nahi aaye hain,ham to sirf isliye hazire khidmat hain ke aap government house me tashreef le chalen aur Ubaidulla bin Zaid se guftagu karke mamula tai farmalen.

Hazrath Muslim ne jawab diya ke my bhi jang nahi cahta is waqt to my kya jang lkaroonga jab 40,000 ka lashkar mere sath tha us waqt bhi myne ladhne ka irada nahi kiya aur guftago e masalihat ka intezaar karta raha,my khud khoon rezi ku pasand nahi karta, aur my ba-khushi Ibne zayyad se guftagu karke itmame hujjat ke liye tayyar hoon. 




Chunanche, Ye Dono makkar Hazrath Muslim Bin Aqeel Aur Inke Dono Farzandon Ko Intahi Ezaz O Ikram Ke Sath Le Kar Khile Ki Taraf Rawana Huwe.Ibne Zayyad BadNihad Pehle Hi Se Apne Sipahiyoun ko Hukm De Rakha Tha Ke Nangi Talwaren Kheenche Khade Raho Aur Jounhi Hazrath Muslim Khile Ke Darwaze Me Dakhil Hoon Fouran Unhe Dhoke Se Khatal Kar Dalo.Chunanche,Bahot Se Shaqi Darwaze Ke Dono Janib Nangi Shamsheere Liye Khade The Aur Jaise Hi Hazrath Muslim Bin Aqeel Khile Ke Phatak Me Dakhil Huwe Saf’fakon Ne Achanak Aap Per Qatilana Hamla Kar Diya Aap Is Waqt Aayat Tilawat Farma Rahe The Aur Qabal Iske Ke Aap Apni Talwar Niyam Se Nikal Kar Hamla Farmaye Kisi Bad-Naseeb Ne Aisi Talwar Mari Ke Aap Shaheed Hogaye..Inna Lillahi Wa Inna Ilayhi Raji'un.
Phir Aap Ke Dono Sahebzadon Ko Bhi Zalimon Ne Apni Teghe Sitam Se Shaheed Kar Diya Aur Aap Ke Meharbaan Mezban Hani Bin Urwa Ko Bhi Khatal Karke Suli Per Latka Diya Aur In Sab Shohda-e-Keram Ke Saroun Ko Nezoun Per Chada Kar Kufa Ke Kucha O Bazar Me Phira. Khoob Khoob Apni Behayai O Shaqawat aur SangDili O Mehman Kushi Ka Mazahira Kiya.


Kufawalon Ki Is Be-Ohdi Dagha-Bazi Aur Bewafai Per Qiyamat Tak AaneWali Nasle Insani Nafrat O Malamat Karti Rahegi Ke Aise Moaz'ziz O Mohtaram Mehmaan Ku Jise Badi Badi Tamannaon Aur Iltejaon Ke Sath 150 Arziyan Bhej Kar Bulaya Aur Phir Uske Hath Per Baiat Karke Uski Nusrat O Himayat Ka Ohde-Mohkam Kiya Aur Phir Is Tarha Use Bekasi O Bebasi Ke Aalam Me Khoonkhar Dushmano Ke Hawale Kar Diya Ke O Aur Uske Nanhe Nanhe Bachhe in Kufiyoun Ke Samne Tahe Tegh Kar Diye Gaye Aur Ye Behaya Beghairat Qoum in Mazlumon Ke Saroun Ko Neezon Per Chadha Kar Kochaye Bazaar Me Phirane Ka Tamasha Dekhti Rahi.
Hazrath Muslim Bin Aqeel Aur Unke Farzandon Ke Shahadat 3 Zil Haj 60 Sane Hijri Ko Huwi Aur Yahi O Tareeq Hai Ke Hazrath Imam Hussain RadiAllahuAnhu Hazrath Muslim Ka Khath Padh Kar Apne Ahl-o-Ayal Ke Hamrah Makkah Mukkarram se Kufa Ku Rawana Hote Hain.Aur Imam Aali Maqam Ku Kuch Bhi Pata Nahi Hai Ke Wahan Hazrath Muslim Per Khath Tehreer Karne Ke Baad Kya Guzri.




Hazrath Muslim Ka Khath Mulahza Farmane Ke Baad Kufiyoun Ki Dawat Khubool Farmalene Me Tashwish O Tarad'dud Ki Koi Baat Hi Na Thi Aur 40,000 Insano Ke Halkhaye Iradat Me Dakhil Hojane Aur Baiat Kar Lene Ke Baad Kisi Khisam Ke Khouf O Hiraas Ka Koi Sawal Hi Nahi Tha.Aur Kufe Ke "ShianeAli” Ke Ghaddar Aur Bewafayi Ka Bazahir Koi Shuba Tak Na Tha.Isliye Hazrath Imam ne Safare Kufa Ka Azm Farmaliya Aur 3 Zil Haj 60 Sane Hijri Ku Apne Ahl o Ayal Aur Azizoun Aur Rafikhon Aur Ghulamoun Ku Sath Le Kar Kul 82 Aadmiyoun Ke Khafile Salar Ban Kar Aap Makka Mukarrama se kufe ke Liye Rawana Hogaye.Is Muqaddas Khafile me 70 ya 72 Sawar Aur Baaqi Payada-pa The.
Isme Koi Shubah Nahi Ke Hazrath Muslim Ke Khath Se Pura Pura Itminaan Ho Chuka Tha Magar Phir Bhi Aakabire Sahaba Aap ku Israar Ke Sath Is Safar Se Rook Rahe The Khususan Hazrath Abdullah Bin Abbas ,HAzrath Abdulla Bin Umar,Hazrath Jabir ,Hazrath Abu Sa'id Khudri ,Hazrath Abu Waqad Leshi, To Aap Ku Is Safar Se Rookne Ke Liye Intahi Israar e Baleegh Kar Rahe The Aur Ye Sab Ke Sab Aakhir Tak Yahi Koshish Karte Rahe Ke Aap Kufa Tashreef Na Lejayen.Lekin Hazrath Imam Aali Maqam in Muqlis Sahaba Ki Istedwa Qubol Farmane Se Majboor The.Kyunke Aap Ku Ye Khiyal Tha Ke 40,000 Aqidat Mandon Ki Muqlisana iltijaoun Ku Jo Deen Ki Himayat O Paas-Dari Ke Jazbaat Se Bhari Huwi Hain Thukra Dena Ahle Baite Nabuwwat Ke Buland Aqlakh ke Shayane Shaan Nahi Hai.Phir Hazrath Muslim Bin Aqeel Ke Dawat Name Ku Rad Karna Aur Unki Pur Khulos Istedwa Ku Be-iltefati Ki Nazar Se Dekhna Kabhi Hargiz Hargiz Imam Aali Maqam Ku Gawara Nahi Ho Sakta Tha.Isliye Hazrath Imam Ne Hazraath Sahaba-e-Keram Ki Istedwa Ku Khubool Farmane Se Mouzirat Farma Di Aur Sahaba-e-Keram Ne Rote Huwe Aap Ku Ruksat Farmaya.Haqikhat Ye Hai Ke Sahaba-e-Keram Ku Kufiyoun Ki Bad-Ohdi Ka Tajruba Tha.Isliye O Unki Taraf Se Hargiz Mutmain Na The Aur Hazrath Abdullah Bin Abbas RadiAllahuTA’alaAnhu Ne To Yahan Tak Farmaya Ke Aye Imam Agar Aap Kisi Ki Baat Nahi Mante Aur Kufe Ke Safar Per Aap Ku Israr Hi Hai To Kam Se Kam Meri itnihi Arz Dasht Khubool Farma Lijiye Ke Auratoun Aur Bachon Ku Hamrah Na Le Jayiye.Magar Aap is Per Bhi Razi Nahi Huwe Asal Baat To Ye Hai Ke Taqdeer Ka Likha Huwa Mitne Wala Nahi.Bahothi Sach Kaha Hai Kisi Shayar Ne Ke

Chaak Ko Taqdeer Ke Karna Nahi Mumkin Rafu 
Sozan-e-Tadbeer Gar Sari Umer Seeti Rahay

Imam Aali Maqam Ki Taqdeer Me To Ghurbat-o-Musafiart Aur intehayi Bekasi Ke Aalam Me Maidan-e-Karbala Ke Andar Shahadat Likhi Huwi Thi isliye Bhala Aap Kufa Kyun Na Tashreef Lejata???Aap Ku To Shahadat Ki Kashish Kheenche Liye Ja Rahi Thi Aur Hazrath Imam Ka Is Waqt Wahi Haal Tha Jo Kisi Ne Kaha Hai Ke

Do Qadam Bhi Nahi Chalne Ki Hai Taqat Mujh Me 
Ishq Khinche Liye Jata Hai My Kya Jata Hoon

Behrehaal ,Hazrath Imam Apne 82 Insano ke Mukhtasar Khafile Ke Sath Kufa Rawana Hogaye is Muqaddas Khafile Me Ahle Bait-e-Nabuwwat Ke Koun Koun Sehzade The Ke inki Fehrist Bhi Aap Ku Bayan Kar Doon Take Aap Ku Maloom Hojaye Ke Qandane NAbuwwat Ke Kaise Kaise Roshan Sitare Karbala Ki Zameen Me Ghuroob Huwe Aur Kaise Kaise Anmol LaaL o Gohar is Dashte Karbala Me Madfoon Huwe.




IS safar me Hazrath Imam Hussain RadiAllahuAnhu Ke 3 Farzand Hamrah The Hazrath Ali Ausat Ka Laqab Zainul Aabideen Hai,Ye Hazrath Sahar Banu Ke Batan Se The. Inki Umr is Waqt 22 Saal Ki Thi Aur Bimar The Imam Aali Maqam Ke Dosre Sahebzade Ali Akbar jo Umm-e-Laila Bint-e-Abi Marra ke Shikam Se The inki Umr 18 baras ki Thi.Ye Karbala Me Shahid Huwe.Imam Aali Maqam Ke Teesre Farzand Ali Asgar Jinki Walida Bani Quda’a Me Se The.Ye Sheer-Khar Bachhe The.Hazrath Imam Ki Ek Sahebzadi Hazrath Sakina Bhi Sath Then Jin Ki Umr 7 Baras Ki Thi Aur inki Walida Ka Banu Rubab Binte Umraul Khais Se Tha .Hazrath Imam Ki Do Bibwiyan Sath Then,Ke Ek Hazrath Sahar Banu Dosri Hazrath Ali Asgar Ki Walida inke ilawa Hazrath Imam Hasan Bin Ali RAdiAllahuTAlaAnhu Ke 4 Noujawan Farzand Hazrath Khasim Bin Hasan, Hazrath Abdullah Bin Hasan Hazrath Umar Bin Hasan, Hazrath Abu Bakar Bin Hasan Bhi Imam Aali Maqam Ke Hamrah The Aur Ye Sab Karbala Me Shaheed Huwe .Aur HAzrath Moula e Kainaat Ali Murtuza RadiAlalhuTA’alaAnhu Ke 5 Farzand Hazrath Abbas Bin Ali, Hazrath Usman Bin Ali HAzrath Abdullah Bin Ali ,HAzrath Muhammad Bin Ali HAzrath JAfar Bin Ali Bhi Hamrah The Aur Sab Jaame Shahadat Se Serab Huwe Aur Hazrath Aqeel Bin Abi Talib Ke Oulaad Me HAzrath Muslim Bin Aqeel To Apne Do Farzandon Muhammad Aur Ibrahim Ke Sath Kufa Hi Me Shaheed Ho Chuke The Lekin 3 Farzand Hazrath Abdullah Bin Aqeel HArath Abdur Rahaman Bin Aqeel, HAzrath JAfar Bin Aqeel . HAzrath Muslim Bin Aqeel Karbala Me Hazir Ho Kar Shaheed Huwe Isi Tarha HAzrath Imam ke 2 Bhanje Hazrath Muhammad Bin Abdulla Aur Hazrath Aoun Bin Abdullah Jo Imam Aali MAqam Ki Haqikhi Behan Hazrath Zainab Binte Ali ke Sahebzadegaan Hain.KArbala Me Ye Dono Bhi Shahadat Se Sarfaraz Huwe Auratoun Me Se HAzrath Imam Ki Behan Hazrath Zainab Aur Dusre Shohdaye Ahle Bait Ki Biwiyan Bhi Hamrah Then.Ahle Bait Me Se 17 Hazraath Imam Aali Maqam Ke Sath Rudbaye Shahadat Se Musharraf Huwe Aur Hazrath Imam Zainul Aabideen Beemar Aur Doosre Kam Umr Sehzadegan Maslan…Umar Bin Hasan Aur Muhammad Bin Umar Bin ali Khaidi Banaye Gaye..RadiAllahuAnhum Ajmaeen…
(Sawane KArbala)

HAzrath Imam Aali Maqam Bahot Tezi Ke Sath Safar FarmaRahe The Jab Aap Ek Mashoor Manzil "Zate Arkh” Per Pahounche To Basheer Bin “Ghalib Asdi” Se Mulaqaat Huwi Jo Kufa Se Makka Mukarrama Ja Rahe The .Hazrath Imam Ne Unse Kufa Ka Haal Daryafat Farmaya To Unhone Jawab Diya Ke Ahle Kufa Ke Dil To Aap Ke Sath Hain Magar Unki Talware Bani Ummiya Ke Sath Hain.Aur Khuda Jo Cahta Hai Karta Hai Aur Aage Badhe To Mashoor Shayar “Farzookh” Se ,Mulaqaat Huwi Usne Bhi Yahi Jawab Diya .BehreHaaal Hazrath Imam Ne Apna Safar Jari Rakha .Yahan Tak Ke "Batnur Rumma“ Ke Maqam Per Ubaidulla Bin Mat’i Se Mulaqaat Huwi Ye Ahle Bait Ke Bahot Hi Janisaar Aur Shaidayi The Unhone Hazrath Imam ku Intehai Israr Ke Sath is Safar Se Mana Kiya Aur Arz Kiya Ke Aap Ahle Kufa Per Hargiz Hargiz Itemaad Na Farmayen.Kufa Me Abtak Yazeed Ka Governer Moujood Hai Aur Wahan Aap Ka Tashreef Lejana Khatre Se Khali Nahi Hai.Magar Imam Aali MAqam Ne Inku Bhi Wahi Jawab Diya Jo Makka Mukarrama Me Hazrataate Sahaba e Keram Ku Diya Tha.Aur Ye Farmakar Aap Aage Badh Gaye..Hami Wahi Musibat Pahounch Sakti Hai Jo Allah TA'ala Ne Hamare Liye Muqaddar Farmadi Hai…




Algharaz Harath Imam Manzil Ba Manzil Safar Farmate Huwe Chale Ja Rahe The Aur Ab Tak Kufa Me Imam Muslim ki Shahadat Aur Wahan Ke inqelabi Halaat Se Bilkulhi Be Khabar The Ke Ekdam Nagaha Manzil “Salbiyah” Per “Bakre-Asdi” Se Mulaqqat Huwi Jo Kufa Se Aa Rahe The,Unhone Khadam Boos Ho Kar Kufa Ke Taza Tareen Halat Se Hazrath Imam ku Aagah Kiya Aur Hazrath Muslim Aur Unke Farzandoun Ki Shahadat Ke ibrat Kheez Aur Darnaak Halat Ku Mufas'sil Tour Per Bayan Kiya.Hazrath Imam Kufiyoun Ki Ghaddari Aur Ahad Shikni Ki Dastan Sun Kar Hairaan Rah Gaye.Aur Shiddate Gham Se Dil Masoos Kar Bechain o Bekharar Ho Gaye itne Me Hazrath Muslim Shaheed Ki Ek Choti Bacchi jo is Safar Me Sath Then Hazrath Imam ke Samne Aagayen Hazrath Imam Ne Unhe Intehayi Mohabbat o Shafakhat Bhari Nigahoun Se Dekha Aur Unke Sar Per Dast e Shafaqqat Phirane Lage Aur Be iqtiyar Aanson Ki Dhar Aap Ke Muqaddas Ruksaar Per Jari Hogayen..O Sehzadi in Khara'in Se Tadhgayen..Aur Arz Karne Lagen Ke Chacha Jaan Aaj To Aap Mere Sar Per Is Tarha Hath Phira Rahe Hain Jis Tarha Yateemon Ke Sar Per Hath Phera Jata Hai.My Aap Ku Parwardigaar Ki Khasam Dilati Hoon Sach Sach Batayiye Kya Mere Baba Jaan Shaheed To Nahi Hogaye??? Bachhi Ke is Sawal Per Hazrath Imam ka Damane Sabar Tar Tar Hogaya Aur Aap Be-iqtiyar Shiddate-Gham Se Bekharar Ho Kar Zaar Zaar Rone Lage Aur Tamam Ahle Baite Nabuwwat Aap Ke Gird Jama Hogaye Aur Aap Ne Hazrath Muslim Aur inke Farzandon Ki Shahadat Aur Kufiyoun Ki Bad Ohdi Ka Sara Haal Sunaya Ye Sun Kar Baaz Logon Ne Arz Kiya Ke Aye ibne RasooolAllah. Allah- Aap Apne Aur Apni Ahle Bait Per Reham Farmayen Aur Yaheen Se Wapas Tashreef Le Chalen Chunanche Hazrath Imam Ne Wapasi Ka Irada Farma Liya Magar Hazrath Muslim Ke Bhayioun Ne Ro-Ro Kar Arz Kiya Ke Aye Imam Ab Bhai Ki Ayse Dardnaak Aur Mazlumana Shahadat Ke Baad Ham Log Zinda Rah Kar Kya Karenge Wallah....Ham To Zaroor Kufa Jayenge Aur Apne Bhayi Aur Bhatijon Ke Khoone Nahak Ka Badla Lenge.Ya Khud Bhi Shaheed Ho Kar Khuld-e-Bari Me Apne Bichde Huwe Bhai Se Ja Milenge.Ye Sun Kar Imam Aali Maqam Ne Farmaya Ke Bahot Achcha Agar Tum Logon Ki Yahi Khushi Hai To Chalo My Bhi Tumhare Sath Chalta Hoon Jo Tumhara Haal Hoga O Mera Haal Bhi Hoga Kyunke Tumhare Baad Meri Zindagi Be-Lutf Aur Mera Jeena Wabaal Hoga. Chunanche,Khafila Aage Chal Pada Yahan Tak Ke Jab Kufa Do Manzil Baqi Rah Gaya




To Nagahan Ye Nazar Aaya  Ke Kufa Ka Ek Mashoor Bahadur Aur Jangjo Shah Sawar Hur Bin yazeed Riyahi Ek Hazar Sawariyoun Ke Lashkar ke Sath Aap Ka Rasta Rook KAr Khada Huwa Hai.Hur ne Hazrath Imam Ku Salam Kiya Aur Arz Kiya Ke Aye FArzande Rasool Mujhe Kufa ke YAzeedi Governer Ubaidullah Bin Zayyad Ne Aap ki Giraftari ke Liye Bheja hai.Aur Sath Hi Sath Usne Ye Mau'zirat Bhi Pesh ki ke Khuda Gawah hai ke My Ba-Dile Naqasta Aaya Hoon.Aur Mujhe Aap ki Muqaddas Janab me Baal Barabar Jurrat o Gustakhi Bhi Intai NAgawar Hai.Lekin My Is Zalim Ke Hukm Se Majboor Aur Lachar Hoon.Hazrath Imam Ne Farmaya Ke Aye Hur My Is Shaher ME Khud Ba Khud Nahi Aaya Hoon Balke Ahle Kufa Ne Mujhe 150 Khutoot Likh Kar Bulaya Hai.Aur Ye Khutoot Aksar inhi Logon Ke Dastakhat Aur Mohar Se Likhe Gaye Hain Jo Is Waqt Tumhare is Lashkar Me Meri Giraftari Ke Liye Aaye Hain.Hur ne Khasam Kha Kar Kaha Ke Wallah..Mujh Ko iska Kuch Bhi Ilm Nahi Hai.Kya Aap ke Paas Kab Khutoot Bheje Gaye Aur Kin Kin Logon Ne Khutoot Bheje Aur My Na App Ku Chod Sakta Hoon Aur Na Wapas Lout Sakta Hoon .Ye Sun Kar Hazrath Imam Ne Khutoot Ka Thaila Ulat Diya Aur Farmaya Ke Dekhlo Ye Kutoot Ka Ambaar HAi Inku Padhlo Inki Mohren Dekhlo Phir Aap Ne Naam Lele Kar Pukara Ke Aye Sheesh Bin Rabi’e, Aye Khais Bin Ash’as,Aye Zaid Bin Haris Sach Sach Bolo Kya Tum Logon Ne Arziyan Likh Likh Kar Aur Khasmen De de KAr Mujhe Nahi Bulaya Hai?? Imam Ki Pukar Sunkar Ye Sab Be-Haya Aur Na-Bakar Sharam Se Gardane Jhukayen Khade Rahe Aur Kisine Koi Jawab Nahi Diya.Iske Baad Hazrath Imam ne Itmame Hujjat Ke Liye Ye Bhi Farmaya Ke Behre Haal Aye Kufiyoun Agar Tum Log Apne Ohad Per Khayim Hoto My Tumhare Shaher me Khadam Rakhhon Warna My ISke Liye Bhi Tayyar Hoon Ke My Yaheen Se Apne Watan Ku Wapas Chala JAoon .

Abhi Hur Se Hazrath Imam ki Guftago Jari Hi Thi Ke Ek Dam Nihayat Hi Tezi ke Sath Ek Sandni Sawar Aaya Aur Ubaidulla Bin Zayyad Ka Ye Khat Hur ku Diya Ke Jis Maqam Per Tumhe Mera Ye Khat Mile Tum Hazrath Imam Ku Usi Maqam Per Roklo Na Unhe Kufa Shehar Me Dakhil Hone Do Na Watan Wapas Loutne Do.Khat Padh Kar Hur Ne Arz Kiya Ke Aye Ibne RasoolAllah Dekh Lijiye Aap Ku Giraftaar Karne Ke Liye Ubaidullah Bin Zayyad Ka Kis Khadar israr Hai.Isliye Ab My Bilkul Hi Majboor O Lachar Hoon Ke My Aap Ku Kisi Tarha Chod Nahi Sakta.Hur Ne Ye Kaha Lekin Shiddate Gham Se Uski Aankhoon Me Aansu Aagaye Aur Aaawaz Bhar Aane Lagi.

isme Koi Shuba Nahi Hai Ke Hur Ke Dil Me Ahle Bait Ki Be-Panah Azmat Thi.Chunanche,O Namazon Me Barabar Hazrath Imam Hi ki Iqteda Karta Raha .Lekin,O Ibne zayyad Bad-Nihaad Ke Zulm O istebdad Se Lachaar Aur Majboor Tha .Aur isko Ye Bhi Dar Tha Ke Agar Baal Bara Bar Bhi O Hazrath Imam Ke Sath Koi Ria’yat Karta To Ek Hazar Ki Lashkar Ki Moujoodgi Me Ye Raaz Poshida Nahi Rah Sakta Tha .Aur Agar Ibne Zayyad Ku Pata Chal Jata To O Hur Aur Uske Pure Qaandaan Ke Tukde Tukde Kar Dalta..Isi Khouf Se Hur Apni Baat Per Ada Raha.Yahan Tak Ke Jigar Goshaye Rasool Farzande Batool Ko Kufe Ki Rah Se Hath Kar Karbala Ki Us Be Abh-O-Aaya Sarzameen Me Utarna Pada Jahan Sar Chupane Ku Darakht Ka Ek Paata Aur Pyas Bujhane Ku Pani Ka Ek Khatra Bhi Moujood Nahi Tha.



2 Moharram 61 Sane Hijri Ki Tareeq Islami Tareeq Me O Na Qabile Faramosh Tareeq Hai.Isi Tareeq Me Ibne Rasool Allah Ne Apne Ahle-Bait Ke Ek Mukhtasar Se Khafile Ke Sath Karbala Me Nuzool Farmaya.Hazrath Imam Ne Is Maqam Ka Naam Daryaft Farmaya To Maloom Huwa Ke Is Maidan Ka Naam Karbala Hai..Karbala Ka Naam Sunte Hi Hazrath Imam Ka Matha Thinka.Kyunke Bachpan Hi Se Aap Ki Shahadat Ki Shorat Thi Aur Hazrath Imam Ku Khoob Maloom Tha Ke Karbala Ka Maidan Hi O Khouf Naak Biya-Baan Hai.Jahan Ahle Bait Nabuwwat Ka Muqaddas Khoon Nihayat Bedardi Ke Sath Bahaya Jayega.Aur Is Biyabaan Ka Regzaar Shohda E Ahle Bait Ke Khoon Se Rangeen O Lala Zaar Banaya Jayega.

Abhi Hazrath E Imam Karbala Ke Maidan Me Itminan Se Baithne Bhi Na Paye The Aur Aap Ka Sara Samaan Yunhi Be Tarteeb Idhar Udhar Pada Huwa Tha Ke Ek Dam Kufe Se Ubaidulla Bin Zayyad Ka Qasid Ye Khath Le Kar Pahonchta Hai Ke Aap Yazeed Ki Baiat Ki Jiye Ya Jang Ke Liye Tayyar Hojayiye.Hazrath Imam Ne Ye Khath Padh Kar Hikharat Ke Sath Zameen Per Daldiya Aur Farmaya Ke Mere Paas Is Khath Ka Koi Jawab Nahi Hai.

Kya Sitam??? Ke 150 Khutoot Bhej Kar Aap Ku Bulaya To Isliye Gaya Hai Ke Ahle Kufa O Iraq Aap Ke Daste Haq Parast Per Baiat Karenge.Lekin Jab O Moazziz Mehman Safar Ki Mushakhaten Bardasht Karke Tashreef Late Hain To Unka Haqqe Mehmani Is Tarha Ada Kiya Jata Hai Ke Zaher Me Bichaye Huwe Neze Aur Chamakti Huwi Barhana Talwaren Dikha Kar Unhi yazeed Paleed Jaise Ayeb e Mujassam Ki Baiat Per Majboor Kiya Ja Raha Hai.Jis Ki Baiat Kisi Tarha Imam Ke Liye Jaiz Hi Nahi Thi ....Allahu Akbar..In Kufiyane Purdagha Aur Dushmanane Be-Haya Ku Zara Bhi Ghairat Nahi Aayi Ke Jis Mehmane Mukarram Ku Hazaroun Tamanna O Iltijaoun Ke Sath Bulaya Hai.Iske Sath Kya Sulook Kar Rahe Hain???Musalmano Gahliban Duniya Me Ayese Azim-us-Shan Ke Mehman Ke Sath Itne Bade Zulm O Udwaan Ka Badtareen Sulook Na Kabhi Huwa Hai Na Aainda Kabhi Hoga.Jo Fatimah Ke Laal O Ali Ke Naou-Nihaal Ke Sath Kufiyane Bad Khisal Ne Rawa Rakha.Hazrath Imam Ku In Ghaddaroun Ki Bad Ohdi Per Intehayi Hairat Thi Isiliye Aapne Farmaya Ke Mere Paas Is Khath Ka Koi Jawab Nahi Hai.

Ibne Zayyad Hazrath Imam Ka Jawab Sun Kar Aur Ziyada Aatish E Ghaiz O Ghazab Me Jal Kar Kabab Hogaya Aur Intehayi Taish Me Aa kar LashKaron Ku Tayyari Ka Hukm Dediya.Aur Umar Bin Sa’ad Ku Is Lashkare Jarrar Ka Sipah Salaar Bana Kar Zameene Karbala Ki Taraf March Karne Ka Farmaan Jari Kar Diya.




Ibne Sa’ad Ek Jannati Sahabi Hazrathe Sa’ad Bin Abi Waqqas Ka Beta Tha.Aur O Ahle Bait Ke Azmat O Jalalat Se Khoob Waqif Tha.Isliye O Is Fouj Ki Siphe Salari Se Pehlu Tahi Karne Laga.Balke Saaf Inkaar Kar Diya.Ke My Farzande Rasool Ke Khoon E Nahaq Se Apne Daman Ku Dagh Daar Nahi Kar Sakta.Magar Ibne Zayyad Ne Isku Majboor Kar Diya Ke Ya To O Iran Ki Governari Se Dast Bardaar Ho Jaye Ya Hazrath Imam Se Jang Karne Ke Liye Tayyar Hojaye.

Hiris Duniya O Hukumat Ki Tama, O Buri Bala Hai Ke Jab Ye Aafriyat Ban Kar Kisi Ke Sar Per Sawar Hoti Hai To O Kitna Hi Bada Isteqamat Ka Pahad Hi Kyun Na Ho Magar Iske Khadam Ku Mutazalzal Hi Kar Deti Hai.Chunanche,Ibne Sa’ad Iran Ki Governari Ke Lalach Me Bawajood Nagawar Samjhne Ke Haidare Karrar Ke Gohare Aabdaar, Jawanane Jannat Ke Sardar Hussain E Naam Daar Ka Gala Katne Ke Liye Tayyar Ho Gaya.Aur 5,000 Payada O Sawar Ki Fouje JafaKaar Ka Sipeh Salaar Ban Kar Karbala Ke Maidane Karzaar Ki Taraf Rawana Hogaya.Aur 7ve Moharram Mangal Ke Din Karbala Me Pahonch Kar Daryaye Furat Ke Kinare Padao Kiya.Aur Apna Fouji Markaz Khayim Kiya Aur 500 Maslah Sawaroun Ka Daryaye Furat Ke Kinare Pehra Bitha Diya Ke Khabardaar Khabardaar- Paani Ka Ek Khatra Bhi Saqi -e-Kousar Ke Farzand Aur Ahle Bait Ke Khime Ke Andar Pahounchne Na Paaye.

Aur Ibne Zayyad Bad-Nihad Baar Baar Kufe Se Foujen Rawana Karta Raha.Yahan Tak Ke Ibne Zayyad Ke Paas 22,000 Payada O Sawar Jama Hogaye
(Sawane Karbala)

Kitni Hairat Ka Maqam Hai Ke Hazrath Imam Ke Sath Kul 82 Insano Ka Khafila Hai.Inme Auraten Bhi Hain Aur Bachhe Bhi Hain Aur Budhe Bhi Hain Aur Jawan Bhi. Inhi 82 Musafiroun Me Aabid Bimaar Bhi Hain Aur Asgar Sheer Khawar Bhi .Ye Log Jang Ke irade Se Bhi Nahi Aaye Hain.Aur In Logon Ke Paas Samane Jang Aur Kafi Hatiyar Bhi Nahi Hain.Lekin, Iske Bawajood Inke Maqabile Ke Liye 22,000 Ka Lashkar Tayyar Karke Bheja Jata Hai. Magar Is Per Bhi Kufe Ke Bade Bade Dilawaroun Aur Jang Aazma Bahadduron Ke Dil Laraz Rahe Hain.Aur O Khouf O Dehshat Se Larza Barandam Ho Rahe Hain.

Kyun Na Ho??? In Rubah Shift Kufiyoun Ko Achchi Tarha Maloom Tha Ke Ham Aaaj Kisse Jang Karne Ke Liye Aaye Hain??? O Achchi Tarha Jante The Ke Aaj Fateh Khibar,Ali Haidar,Asadullah Ghalib,Ali Bin Abi Talib Ki Kachar Ke Sherane Haq Se Maqabila Hai.Aur Unhe Is Baat Ka Pura Pura Yaqeen Tha Ke

Ali Ka Ghar Bhi O Ghar Hai Jis Ghar Ka Har Ek Bachha
Jahan Paida Huwa Shere Khuda Maloom Hota Hai.




In Duniya Ke Kuttoun Ku Achchi Tarha Tajruba Tha Ke Ham In Khuda Ke Sheron Ke Maqabile Ki Taab Nahi La Sakte .Chunanche,Yahi Wajah Hai Ke In Zalimon Ne Ye Tadbeer Ikhtiyaar Ki Ke In Shere Khuda Ke Sheron Per Paani Band Karke Inhi Pyaas Ki Shiddat Se Nidhal Kar Diya Jaye.Aur Jab Ye Bilkul Hi Muzmahal Aur Ja-Balb Ho Jayen To Inse Jang Shuru Ki Jaye.Isiliye Ibne Sa’ad Ne Hukm Dediya Ke Darya Furaat Ka Thanda Thanda Meetha Meetha Paani Yahood O Nasara Noush Kar Sakte Hain.Kuffar O Mushrikeen Is Se Seraab Ho Sakte Hain.Kutte Aur Khinzeer Bhi Pi Sakte Hain.Magar Saqi E Kousar Ke Nouni-haal Aur Fatimah Ke Laal Ku Ek Khatra Bhi Na Diya Jaye.

Teri Khudrat Jaanwar Tak Aab Se Sairaab Ho 
Pyaas Ki Shiddat Se Tadpe Be Zabane Ahle Bait

Kya Tareqe Islam Ka Ye Qiyamat Numah Sane Kabhi Bhi Nasle Insani Faramosh Kar Sakti Hai???? Ke Darya Ke Kinare Saqiye Kousar Ke Pyare Fatimatuz Zahra Ke Aankhon Ke Tare Paani Ke Ek Ek Khatre Ke Liye Taraste Aur Tadapte The..Allah Alalh- Kitna Hosh Ruba Aur Ruh Farsada Manzar Hoga??? KE Gulshane Fatimah Ka Sabse Nanhha Pauda Doodh Pita Bachha Ali Asgar Maa Ki Goud Me Bhook Pyaas Se Tadap Raha Hai. 3 Din Ki Bhooki Pyaasi Maa Ke Seene Me Doodh Khushkh Ho Chuka Hai.Bhooka Pyaasa Bachcha Baar Baar Maa Ke Seene Me Moh Lagata Hai,Magar Jab Use Doodh Ka Ek Khatra Bhi Mayyasar Na Hota ,To O Kabhi Bilak Nilak Kar Zaar Zaar Rota Hai.Aur Kabhi Basoor Basoor Kar Muh Bigadta Hai.Kabhi Hairat Se Aankhen Phad Phad Kar Apni Maa Ka Udaas Cehra Dekhta Hai.Kabhi Maa Ki Goud Me Machal Machal Kar Apni Sukhi Zabaan Apni Khushkh Hotoun Per Phirata Hai.Bezaban Bachha Bol Nahi Sakta.Magar Hairaan Hai Ke Meri Maa Ke Seene Me Jo Rahmat Ke 2 Chasme The O Aaj Kyun Khush Ho Gaye??.My Pehle Isi Seene Se Muh Lagata Tha To Mera Muh Doodh Se Bhar Jata Tha.Magar Aaj Kya Hogaya Ke In Doodh Ke Chashmon Se Mujhe Ek Khatra Bhi Doodh Nahi Mil Raha Hai.??? Allah Allah- Registani Maidan,Chil Chilati Huwi Dhoop,Garam-Garam Ret,Jhulusti Huwi Lu Ke Thapede Ali Asgar Sheer Khawar Ke Patle Patle Naram O Nazuk Gulabi Honth Jin Ki Nazakat Per Gulab Ki Nanhi Nanhi Pankhdiyan Khubaan Hoti Then.Aaj Is Qiyamat Numa Garmi Ki Shiddat Aur Pyaas Ki Tapish Se Khushkh Ho Kar Kaale Padh Gaye Hain.Aur Ye Noor Ki Tasweer Pyaas Ki Shiddat Se Ja Balb Hai.Mamta Ki Maari Dukhyari Maa Jo Khud Bhi Bhook Pyaas Se Muzmahal Thi Apne Is Noore Nazar Ki Be Qarari Aur Girya O Zari Ku Dekh Kar Aur Bhi Ziyada Betab Hojati Thi Aur Baar Baar Uske Seene Me Sadmaat Se ShiShaye Dil Pash Pash Ho Jata Tha.Magar Sabar O Shukur Ke Siwa In Isteqamat Ke Mujassimon Ki Zanban Per Koi Dosra Lafz Nahi Aata Tah.Allah Allah- 

O Jalti Ret Ki Garmi O Dhoop Aur Pyaas Ki Shiddat
Karen Sabr O Tahammul Meere Kousar Ayse Hote Hain



Algharaz ,Dosri Moharram Se 10vi Moharram Tak Isi Tarha Ahle Bait Ka Ye Mazloom Khafila Karbala Me Muqeem Raha.Aur Rozana Ibne Zayyad Ka Qasid Yahi Paigham Laata Raha Ke Aye Imam- Agar Aap Apna Paak Hath Yazeed Ke Na Paak Hath Per Rakh Kar Uski Baiat Farmalen To Ye 22,000 Ka Lashkar Jo Aap Ke Khoon Ka Pyasa Khada Hai.Aapke Khadam Dho Dho Kar Piyega .Aur Yazeed Aap Ki Muqaddas Jutiyun Ku Apna Taaj Bana Kar Apne Khazanon Ki Kunjiyan Aap Ke Khadmon Me Daal Dega.Aap Ku Izzat Aur Doulat Milegi .Kisi Sube Ki Governari Aur Hukumat Bhi Milegi .Aur Aye Imam Agar Aap Ne Yazeed Ki Baiat Nahi Ki To Aap Aur Aap Ke Ahle Bait Ke Muqaddas Khoon Se Karbala Ki Zameen Rangeen Bana di Jayegi.Aap Ke Nanhe Nanhe Bachhe Qatal Kar Diye Jayenge Aur Aap Ki Good Ke Paale Nounahalon Ku Aap Ki Nazron Ke Samne Zabah Kar Diya Jayega Aur Phir In Shaheedon Ki Lashon Per Ghode Douda Kar Inki Haddiyoun Ko Chakna Choor Kar Diya Jayega.Aur Inke Saron Ku Nezon Per Chadha Kar Kufa Aur Damish Ke Bazaron Me Phiraya Jayega.Aur Inki Lashen Karbala Ki Zameen Me Be-Gour O Kafan Padi Rahengi.Kufe Ki Gunde Aap Ke Khime Ku Loot Ker Jala denge.Aur Ahle Bait Ki Sehzadiyon Aur Hazrath Fatimah Zahra Ki Un Effat Maab Betiyoun Ku Jinhe Aaftab O Mehtab Ki Nigahen Bhi Ehteraam Ke Sabab Achchi Tarha Nahi Dekh Sakti Then.Be Parda Oonton Per Bitha Kar Karbala Se Kufa Aur Kufa se Damishq Tak Chalne Ki Majboor Kiya Jayega.

Algharaz,Hazrath Imam Ku Is Qadar Lalach Digayi Aur Hirs O Tama Ke Ayse Ayse Sunehre Aur Dilkash Manazir Imam Ke Samne Pesh Kiye Gaye Ke Agar Himalaya Bhi Hota To Uske Paye Isteqamat Me Lagzish Aajati .Aur Is Qadar Daraya Gaya Aur Aysi Aysi Khouf Naak Dhamkiyoun Se Ma'roob Kiya Gaya .Ke Agar Rustum Bhi Hota To Uske Housle Past Hojate Aur O Mare Dehshat Ke In Zalimon Ke Samne Sare-Nayaz Jhuka Deta.Magar Farzande Fatimatuz Zahra Jin Ke Khoon Ke Khatre Khatre Me Rasoole Khuda Ka Khoon Shamil Tha.O In Aafat O Masaib Ke Hujoom Me Bhi Azm O Isteqlal Ka Pahad Ban Kar Khade Rahe Aur Nuksan Maal O Jaan Ke Bade Bade Tufaan Me Bhi Unke Paye Isteqamat Ku Lagshish O Jumbish Nahi Huwi.Aur Aap Hamesha Yahi Jawab Dete Rahe Ke .Aye Kufiyon Aur Yazidiyon , My Is Waqt Ek Ayse Do Rahe Per Khada Huwa Hoon Jahan Se Do Raste Nikalte Hain.Ek Rasta To Ye Hai Ke My Yazeed Ki Baiat Karlon To Ye Sahi Hai Ke Mujhe Izzat O Doulat Aur Kisi Sube Ki Governari Zaroor Milegi Aur Yazeed Mera Mamnune Ehsan Ho Kar Mujh Per Jaan O Maal Se Qubaan Ho Jayega.Lekin Iska Anjaam Ye Hoga Ke Mera Paak Hath Yazeed Ke Napaak Hath Per Pahonchte Hi Deene Muhammadi Ka Parcham Sarangon Ho Jayega.Aur Islam Ka O Darakht Jisku Mere Nana Jaan Ne Sahaba Ke Khoon Se Seench Seench Kar Hara Bhara Kiya Hai Ek Dam Uski Shakhen Aur Tehniyan Be Deeno Ki Bade Sar Sar Se Taaq O Taraaj Ho Jayengi.Aur Azmate Islam Fana Aur Shoukate Deen Mit Jayegi.Aur Dosra Rasta Ye Hai Ke My Yazeed Ki Baiat Na Karon To Ye Bilkul Sahi Hai Ke My Aur Mere Ahle Bait Intehai Be Dardi Ke Sath Khatal Kar Diye Jayenge .Aur Phir In Shahidon Ki Muqaddas Lashon Ku Ghodon Ki Tapon Se Rond Kar Inke Saron Ku Nezon Per Chadha Kar Kucha O Bazar Me Gasht Karaya Jayega.Aur Ahle Bait E Athaar Ku Be Panah MAsaib Aur Nuksan E Jaan O Maal Se Do-Chaar Hona Padega.Lekin Iska Natija Ye Hoga Ke, Perchame Islam Ki Azmat Ka Nishan Buland Se Buland Tar Hojayega.Aur Shohdae Karbala Ke Khoon Se Sairaab Ho Kar Islam Ka Hara Bhara Darakht Is Khadar Sar Sabz Shadaab Ho Jayega Ke Qiyamat Tak ilhaad O Be-Deeni Ki Koi Khizan Is Mosame Bahaar Ku Nigah Otha Kar Dekhne Ki Bhi Jurrat Na Kar Sakegi.Lehaza Aye, Yazidiyo- Mera Aakhri Faisla Yahi Hai Ke Ham Khud 72 Zakham Kha Kar Ghode Ki Zen Se Zameen Per Gir Padenge .Magar Ham Kisi Haal Me Bhi Islam Ke Parchame Azmat Ku Sarangu Nahi Hone Denge.Ham Khud Kat Jayenge Magar,Ham Qu’an Ka Ek Lafz Bhi Katne Nahi Denge.Ham Khud Mit Jayenge ,Magar Farmane Mustafa(SallallahuAlaihiWaSallam) Ka Ek Zeer O Zabar Bhi Mitne Nahi Denge Aur Aakhri Dam Tak Yahi Naara O Elaan Rahega Ke

JO JAAN MAANGO TO JAAN DENGE,JO MAAL MANGO TO MAAL DENGE
MAGAR NA HOGA YE HAMSE HARGIZ NABI KA JAH O JALAL DENGE.

Chunanche Karbala Ka Zarra Zarra Gawa Hai Ke Fatimah Ke Laal Ne Duniya Ki Doulat O Hukumat Per Thokar Maar Kar Rahe Haq Me Aane Wali Tamam Musibaton Ka Khush Dili Ki Sath Khair Muqaddam Kiya. Aur Apna Gala Kata,Aur Ghar Lutana Gawara Kar Liya.Magar Yazeed Paleed Ki Baiat Karke Islam Ke Damne Taqaddus Ku Dagh Daar Karna Manzoor Nahi Farmaya.SubhanAllah…

GHAR LUTANA SAR KATANA KOI TUJH SE SEEKHLE
JAAN E AALAM HO FIDA AYE KHANDANE AHLE BAIAT

Isme Koi Shuba Nahi Ke Hazrath Imam Ne Is Jang Ku Talne Ki Intehayi Jad-O-Jihad Farmayi,Lekin,Jafakaar O Sitamgaar Qoum Ne Maslihat Ki Koi Baat Hi Manzoor Nahi Ki.Aur Hazrath Imam Ku Yakheen Ho Gaya Ke Ab Is Jang Ku Difa Karne Ka Koi Tareeqa Baqi Hi Nahi Rah Gaya .Kyunke Ye Log Na Sahre Kufa Me Dakhil Hone Dete Hain.Na yazeed Ke Pass Le Jane Per RazaMand Hote Hai,Na Watan Jaane Dete Hain,Na Mulk Chodne Per Inki Tasalli Hoti Hai Is Waqt Majburan Hazrath Imam Ne Apne Qeeme Ke Gird Khandakh Khoodne Ka Hukm Diya.Chnanche,Khandakh Khodi Gayi Aur Sirf Ek Rasta Rakha Gaya Jahan Se Nikal Kar Dushmano Se Mukhabila Kiya Jaye Aur Klhandakh Me Aag Jaladi Gayi Take Ahle Khima Dushmano Ki Yalghaar Se Mehfooz Rahen.


10vi Muharram 61 Sane Hijri Jumma Ka Pur Aashub Din Aagaya.Aur Duniya Se Safar Karne Wale Ghareebul-Watan Musafiron Ne Apni Zindagi Ki Aakhri Namaze Fajar Ada Karli .Idhar Suraj Tulu Huwa Odhar Ibne Sa’ad Ne Apne 22,000 Lashkar Ku In Ghareebane Be-Watan Ka Khoon Bahane Ke Liye Maidan Me Lakar Jang Ka Nakhara Baja Diya Aur Khud Pehla Teer Chala Kar Jang Ki Ibtida Kar Di Aur Ye Elan Kar Diya Ke .Aye Ahle Sham O Iraq Gawah Rehna Ke Sabse Pehla Teer Myne Hi Jigar Goshae Rasool O Farzande Batool Per Chalaya Hai.
Hazrath Imam Ye Manzar Dekh Kar Ghode Per Sawar Ho Kar Itmame Hujjat Ke Liye Maidane Karzar Me Tashreef Le Aaye Aur Khoone Nahaq Ka Azab Suna kar O Apne Hasab O Nasab Aur Fazail Ka Bayan Karke Sitamgaron Ku Zulm Se Baaz Rakhne Ki Koshish Farmayi .Lekin,Hazrath Imam Ka Khutba Abhi Tamam Bhi Nahi Huwa Tha Ke Sitam Shuaaroun Ne Shoor O Ghul Machana Shuru Kar Diya.Aur Kehne Lage Ke Aye Imam Ham Aap Ke Fazail Se Achchi Tarha Waqif Hain.Lekin,Is Waqt Ye Masla Zere Bahas Nahi Hai. Is Waqt Jang Ke Liye Aap Kisi Ku Maidan Me Bhejiye.


Zalimon Ka Ye Gustakhana Jawab Sun Kar Hazrath Imam Apne Qaime Ki Taraf Rawana Hogaye.Itne Me yazeedi LashKar Ka Ek Bebaak Malik Bin Urwa Ghoda Kuda Kar Samne Aagaya .Aur Usne Jab Qime Ke Gird Aag Dekhi To Intehayi Be-Adbi Ke Sath Ye Kaha Ke Aye Hussain Tum Ne Wahn Ki Aag Se Pehle Yahin Aag Lagali??…Hazrath Imam Ne Farmaya Ke Aye Dushmane Khuda Tu Jhoota Hai.Kya Tera Ye Gumaan Hai Ke My Jahannam Me Jaoonga??? Imam Ke Janisaron Me Se Hazrath Muslim Bin Ausaja Ne Intahayi Taish Me Aakar Is Bad Zuban Ke Moh Per Teer Marne Ki Ijazat Talab Ki .Magar Hazrath Imam Ne Farmaya Ke Nahi..Nahi..- Hamari Taraf Se Hargiz Koi Jang Ki Ibteda Na Kare. Take Hamare Khoone Na Haq Ka Pura Pura Wabaal Inhi Zalimon Ki Gardan Per Rahe.Lekin Hazrath Imam Ne Majrooh Dil Se Ye Dua Mangi Ke Khudawanda Tu Is Bad-Naseeb Ku Nare Dozakh Se Pehle Hi Aag Ke Azaab Me Mubtila Kar.Chunanche, Fouran Hi Malik Bin Urwa Ka Ghoda Phisla Aur Ye Is Tarha Gira Ke Ghode Ki Rikab Me Iska Paon Ulaj Gaya .Aur Ghoda Isku Ghaseet Te Huwe Khandakh Ki Taraf Le Kar Bhaga .Aur Ye Khandhak Ki Aag Me Gir Kar Khak Ka Dher Ho Gaya.

Isi Tarha Ek Aur Darida Dahan Ne Ye Keh Diya Ke "Aye Hussain Tum Ku Rasool E Khuda Se Kya Nisbat”?? Is Lafz Se Hazrath Imam Ka Jigar Shakh Ho Gaya Aur Aap Ne Janabe Baari Me Arz Kiya Ke Ilahi Tu Fouran Is Be-Baak Ku Apne Qahar Me Giraftaar Kar.Chunanche,Ek Dam Is Khabees Ku Baitul Khula Ki Hajat Ho Gayi.Aur Ye Nanga Ho Kar Ek Jhadi Me Khazaye Hajat Ke Liye Baitha.Achanak Ek Siyah Zehrile Bichho Ne Isku Dank Mara Aur Ye Dard Se Bil Bilata Huwa Najast Me Lat Pat Ho Kar Bhaga .Aur Lashkar Ke Samne Tadap Tadap Kar Zillat O Ruswayi Ki Mout Mar Gaya.

Isi Tarha Ek Bad Lagam Muzni Ne Nihayat Gushtakhi Ke Sath Ye Kaha Ke "Aye Hussain ..Dekhlo Daryaye Furaat Mouje Maar Raha Hai.Magar Tum Ku Usme Se Ek Khatra Bhi Nahi Milega.Aur Tum Pyase Mar Jaoga”…Hazrath Imam Ne Uske Liye Ye Dua Farmayi Ke Aye Allah Isku Pyasa Maar .Chunanche,Ek Dam Muzni Ka Ghoda Bhag Nikla .Aur Ye Usku Pakadne Ke Liye Douda.To Usper Pyaas Ka Intehayi Ghalba Huwa.Magar Jab Paani Pita Tha To Ek Khatra Bhi Halakh Se Neeche Nahi Utarta Tha.Yahan Tak Ke Pyaas Ki Shiddat Se Tadap Tadap Kar Mar Gaya.

Chahiye To Ye Tha Ke Imam Aali Maqam Ki In Iman Afroz Karamaton Ku Dekh Kar Zalimon Ke Sino Me Dil Laraz Jata .Aur O Isse Ibrat Pakad Kar Khoone na-Haq Se Baaz Aajate.Magar Ye Shararat Ke Mujassime Jin Ke Saron Per Hirse Duniya Efreet Ban Kar Musallat Ho Chuki Thi.In Ibrat Aaamoz Karaamat Se Koi Sabakh Na Le Sake .Balke Aur Ziyada Gustakhi O Be-Baaki Ke Shaitane Mujassam Ban Kar Rijiz Gate Huwe Hatyaar Chamka Chamka kar Hazrath Imam Se Ladhne Ke Liye Maidane Jang Me Nikal Aaye.

Lekin Hazrath Imam Aur Inke Jaanisaar Sathi Bhi Inki Kasrat Aur Shaitani Taqat Se Na Dare Na jhichke.Balke Sab Ke Sab Khouf O Hiraas Se Be-Nayaaz Ho Kar Jazbaye Shahadat Se Sar Shaar Aur Khuda Ki Rah Me Apna Sar Katane Ke Liye Be Qarrar The .Chunanche Khandane Ahle Bait Ke Jawano Aur Haidare Karrar Ki Kachaar Ke Sheron Ne Intehayi Dileri Ke Sath Aage Badh Kar Istarha Dade Shujaat Dene Ka Azam Kar Liya Ke..


Ishrat- e -Qatal Gah, Ehl- e -Tamanna Mat Puch
Eid Nazara Hai Shamsheer Ka Uryaan Hona!!


Magar Kurb O Jawar Ke O Jaani Saar Jo Is Hadise Ki Khabar Paa Kar Hazire Darbaar Hogaye The.O Hazrath Imam Ke Khadmon Per Gir Kar Machal Gaye.Aur Arz Kiya Ke Aye Ibne Rasoolallah - Ye Ghair Mumkin Hai Ke Jab Tak Ham'mese Ek Jaani Saar Bhi Baqi Hai..Ahle Baite Nabuwwat Ka Khoon Zameen Per Gir Pade Isliye Pehle Ham Apna Sar Aap Ke Khadmon Per Khurbaan Karenge.Chunanche,Ek Ke Baad Degare In Wafa Shuaaron Ne Maidan Jang Me Nikal Kar Aysi Shujaat O Jaan Baazi Ka Mazahira Kiya Ke Dushmanon Ke Dilon Per Apni Bahadduri Ka Sikka Bitha Diya.Yahan Tak Ke Ladte Ladte Ye Tamam Jaani Saar Rahe Khuda Me Apni Jaane Qurbaan Karke Shahadat Se Sarfaraz Ho Gaye.

In Wafadaar Jaanisaron Ke Naam Aur Inki Jaan Baziyoun Sar Furoshiyon Ke Tazkire Tarreeq Ki Kitabon Me Is Tarha Naqshe Wafa Ban Kar Chamak Rahe Hain.Ke Qiyamat Tak Gardishe Lail O Nahar Inku Mahu Nahi Kar Sakti .Agar In Ja Bazon Ka Zikr Shuru Karen To Bahot Taweel Hojayegi .Lekin, Behre Haal Phir Bhi Inme Se Chand Ba-Wafaon Ka Zikr Agle Post me Bataya Jayega..



Lashkare Aada Me Sabse Pehle Jo Do Shaqi-Ul -Qalb Hazrath Imam Se Ladhne Ke Liye Nikle O Dono Ubaidulla Bin Zayyad Ke Ghulam The Ek Ka Naam Yasar Aur Dose Ka Naam Salim Tha .Ye Dono Bad-Naseeb Apni Safon Se Nikal Kar Mubariz Talab Karne Lage.In Dono Ki Surat Dekh Kar Hazrath Abdullah Kalbi Joshe-Jihad Me Aape Se Baher Ho Gaye.Aur Hazrath Imam Se Ijazat Le Kar In Dono Ke Muqabile Ke Liye Nikal Pade.Yasar Ne Badh Kar Aap Per Talwaar Ka War Kiya .Magar Aap Ne Ekdam Kamale Hunar-Mandi Se Aysa Panitra Badla Ke Dushman Ka Waar Kahli Gaya Aur Phir Palat Kar Shamsheere Aab Daar Ka Ayesa Bhar Poor Hath Mara Ke Khabees Khoon Me Lat Pat Ho Kar Zameen Per Dher Ho Gaya.Salim Apne Sathi Ku Is Tarha Qatal Hota Dekh Kar Gusse Me Surukh Hogaya .Aur Jihlla Kar Aap Per Talwar Se Hamla Kiya .Aapne Uske Is Waar Ku Baye Hath Per Roka.To Aap Ki Ungliyan Odh Gayen.Magar Aap ne Bhi Jhapat Kar Usku Aysi Shamsheer Mari Ke O Do Tukde Ho Gaya.Abdullah Kalbi Apni Biwi Ke Sath Jaani Sari Ke Liye Aaye The.Unki Biwi Ne Jab Ye Dekha Ke Mere Sohar Ki Ungliyoun Se Khoon Ke Fawware Jari Hai.To O Bhi Josh-E-Jihad Me Be Khud Ho Gayen..Aur Khime Ki Ek Choob Hath Me Le Kar Maidan Me Nikal Paden.Aur Apne Sohar Ku Josh Dilate Huwe Kehne Lage Ke Shabash Mere Pyare Shohar- Shabash My Tere Qurbaan- Mere SarTaaj Tum Jaldi Jaldi In Yazidi Taghuton Ku Mout Ke Ghat Utar Kar Aale Nabi Pe Qurbaan Ho Jao .My Bhi Tumhare Sath Shahadat Ki Tamanna Me Maidane Jang Ke Andar Nikal Padi Hoon .Ye Kahkar..Dushmano Ki Taraf Doudh Pade.Lekin Imam Ne Farmaya Aye Bibi- Tum Aage Na Badho Tum Aurat Ho.My Hargiz Hargiz Tumhe Maidane Jang Me Jane Ki Ijazat Nahi De Sakta.Famane Shahi Sun Kar Ye Bibi Saheba Majburan Wapas Aagaye..Magar Hazrath Abdullah Kalbi Aakhri Dam Tak Intehayi Jaan Baazi Aur Sar Faroshi Ke Sath Ladte Rahe.Aur Bahot Se Yazeediyoun Ku Mout Ke Aagosh Me Sula Kar Aur Khud Bhi Uruse Shahadat Se Ham Aagosh Hogaye…إِنَّا لِلّهِ وَإِنَّـا إِلَيْهِ رَاجِعونَ"





Isi Tarha Muslim Bin Ausaja Jo Hazrath Shere-Khuda Ali Murtaza RadiAllahuAnhu Ke Khaas Shagird Aur Ahle Bait Ke Intehayi Wafadaar O Jaanisaar The.Aur Joshe Jihaad Aur Jazbaye Shahadat Se Sar Shaar The.Hazrath Imam Ke Qadmon Ka Bosa Lekar Maidane Kaarzaar Me Nikle.To Ek Intehayi Maghroor Pehalwaan Aap Se Jang Ke Liye Talwar Chamkata Huwa Aage Badha.Aur Aap Per Talwar Se Qatilana Waar Kiya.Lekin Aap Ne Uske Waar Ku Rad Karke Iske Seene Me Is Tarha Neza Mara Ke Pusht Se Paar Hogaya.Aur Isku Neeze Ki Nook Per Uth Kar Is Zoor Se Zameen Per Patka Ke Iske Sar Ka Bheja Pash Pash Ho Kar Bikhar Gaya.Phir Aage Piche Kai Jang Aazma Sha-Sawar Feel Mast Ki Tarha Aap Se Takraye.Magar Jab Aap Ki Burrakh Talwar Ka Hath Bada To Aap Ne Sab Ku Kheere Aur Kakdi Ki Tarha Kaat Kar Rakh Diya.Aur Aap Ki Haibat O Shaja'at Se Dushmanon Ki Fouj Zeer O Zabar Hone Lagi. Aur Pure Lashkar Me Tahalka Mach Gaya.Aakhir Ibne Sa'ad Ne Apni Fouj Ku Lalkara...Ke Aye Buz-Dilo Tumhe Sharam Nahi Aati..Ke Ek Aadmi Ku Tum Log Khatal Nahi Kar Sakte ??? Majburan Usne Fouj Ka Ek Daste Ku Hukm Diya Ke ...Tum Log Charoun Taraf Se Yalghar Karke Isku Muhasire Me LeLo.Aur Phir Sab Ke Sab Ek Baargi Hamla Karke Iska Sar Kaat Lo.Chunanche, Rubah Sift Kufiyon Ne Is Shere Haq Ku Naghe Me Le Liya.Aur Teer O Talwar Aur Nezon Ki Maar Se Is Shah Sawar Ku Ghode Se Gira Diya...Aur Aap Ku Ghode Se Girta Huwa Dekh Kar Hazrath Imam Aur Habeeb Bin Mazahir Fouran Doudh Pade.Aue Sarhane Khade Ho Kar Pukara..Ke Muslim Bin Ausaja Shahadat Mubarak...Aye Mujahide Jaanbaaz..Ghabrao Nahi...Tumhare Bahot Se Sathi Jannat Me Pahunch Chuke Hai..Aur Ham Bhi Bahot Jald Tumhare Peeche Aa Rahe Hain..Muslim Bin Ausaja Me Zara Zara Si Jaan Baqi Thi Imam Ki Aawaaz Sun Kar Aap Ne Aankhen Khool Den..Aur Jab Dekha Ke Ibne Rasool Allah..Sarhane Khade Hain...To Labon Per Muskurahat Ke Asaar Namudaar Huwe Aur Ek Dam Ruh Parwaz Kar Gayi.

Nishan-e-mard-e-momin ba too goyam?
Choon marg aayad tabassum bar lab-e-ost

SubhanAllah SubhanAllah...Is Joshe Jihaad Per Qurbaan Jayiye..Aur Is Zoukhe Shadat Ki Lazzat Ka Kya Kehna???



Isi Tarha Hazrath Wahab Bin Abdullah Kalbi Ki Mujahidana Sarfaroshi Ki Dastaan Bhi Qayamat Tak Faramosh Nahi Ki Ja Sakti.Ye Qabile Bani Kalb Ke Bahot Hi Haseen O Khubsurat Noujawan The..Aur Inki Shadi Ku Abhi Sirf 17 Roz Hi Huwe The.Inki Maa Ne Kaha Beta Aaj Mere Rasool Ka Pyara Nawasa Aur Hazrath Khatune Jannat Bibi Fatimah Ka Noore Nazar Be Yaar O Madadgaar Dushmano Ke Narghe Me Girattaar Ranj O Gham Ka Shikaar Hain..Aye Beta ,Isliye Meri Tamanna Hai Ke Tera Khoon Jo Mere Doodh Se Bana Hai..Aaj Iska Ek Ek Khatra Rahe Haq Me Baha Kar ,Tu Apni Jaan Ahle Bait Per Qurbaan Karke Meri Maghfirat Ka Samaan Kar De.Chunanche, Wahaab Bin Abdullah Apni Walida Aur Apni Nayi Naweli Dulhan Ku Sath Le Kar Karbala Me Aye.Aur Hazrath Imam Se Ijazat Le Kar Ghode Per Sawar Huwe Aur Koondti Huwi Bijli Ki Tarha Maidane Jang Me Pahonch Gaye..Aur Mujahidana Lehje Me Jhoom Jhoom Kar Rijz Ka Ye Sher Padhne Lage..


Yani Aye Yazeediyon Sunlo!!... Mera Elan Hai Ke Yazeed "Ameerul Momineen" Nahi Hai.Balke "Ameerul Momineen" Hussain Hain.Aur O Behtareen "Ameerul Momineen" Hain.Inki Chamak Damak Roshan Chiragh Ki Tarha Munawwar Hai.yazeedi Fouj Ke Bade Bade Sorma Aur Jangjo Bahaddur Aap Ke Muqabile Ke Liye Aaye.Magar Jo Bhi Samne Aaya Aapne Talwar Se Iska Sar Udha Diya..Aur Bahot Se Zalimon Ku Mout Ke Ghat Utar Kar Apni Maa Aur Biwi Ke Paas Aaye ..Ye Dono Ab Wahab Bin Abdullah Ka Mujahidana Jaanbaaziyon Ka Nazara Dekh Dekh Kar Khush Ho Rahi Then..Aap Ne Arz Kiya Ke Aye Meri Muqaddas Maa Ab To Aap Mujh Se Khush Ho Gayen??Maa Ne Dil Khol Kar Duayen Diye..Kaha Ke Beta My Tujh Se Khush To Ho Gayi..Lekin, Mere Laal Meri Khushi Ki Meraj To Jab Hoti Ke Maidane Jang Me Dushmano Ki Zarab Se Tera Jism Chalni Hojaye.Aur Tu Surkh Posh Dulha Ban Kar Uruse Shahadat Ki Aagosh Me Jannati Mehmaan Aur Mere Liye Rasoole Arbi Ki Shafat Ka Samaan Ban Jaye.Phir Wahab Bin Abdullah Ne Apni Roti Huwi Nayi Naweli Dulhan Ke Sar Per Hath Rakh Kar Tasalli Di ..Itne Me Dushman Ki Safo Me Se Mohkim Bin Tufail Ek Namigirami Pehlwaan Mast Hathi Ki Tarha Jhoomta Huwa Nikla.Wahab Bin Abdullah Ko Jang Ki Dawat Dene Laga.

Hazrath Wahab Uske Aawaz Sun Kar Fouran Ghode Per Sawar Ho Gaye.Aur Apni Muqaddas Maa Aur Pyari Dulhan Ko Aakhri Salam Karke Shere-Nar Ki Tarha Maidane Jang Ki Taraf Badhe.Aur Mohkim Bin Tufail Ke Muqabile Ke Liye Tayyar Ho Gaye.Mohkim Bin Tufail Apne Intehai Ghuroor Ke Nashe Me Sar Shaar Tha.Itrata Huwa Aage Badha Aur Intehayi La Parwahi Ke Sath Janab Wahab Per Talwaar Ka War Kiya.Magar Janab Wahab Ne Intehayi Phurti Aur Chabuk Dasti Ke Sath Usku Neeza Maar Kar Neeze Ki Ani Per Utha Liya. Aur Is Zoor Se Zameen Per Patka Ke Uski Haddiyan Chakna Choor Ho Gayen.Ye Dekh Kar Ishkhiyaye Lashkar Per ayesi Haibat Aur Sara-Seemgi Cha Gayi.Ke Yazeedi Lashkar Ka Dil Ba-Dil Dahel Gaya.Chunanche Hazrath Wahab Neeza Hila Hila Kar yazeedi Sormaon Ku Lalkarte Aur Jang Ki Dawat Dete The.

Magar In Buz Dilon Me Se Kisi Ki Taab O Himmat Nahi Padhti Thi.Aap Ke Muqabile Ke Liye Maidaan Me Nikalta.Idhar Jaanab Wahab Shoukhe Shahadat Me Is Qadar Wa-Rafta Ho Rahe The.Ke Dam Bhar Ke Liye Qarar Nahi Tha.Jab Aap Ne Dekha Ke Koi Bhi Mere Muqabile Ke Liye Maidaan Me Nahi Nikalta To Aap Khud Hi Dushmano Ku Lalkarte Huwe Bhuke Sheer Ki Tarha Dushmano Per Hamla Awar Hogaye.Aur Is Zoor Ka Mujahidana Hamla Kiya Ke Dushmano Ki Saffon Ku Darham Barham Karte Huwe Qalbe Lashkar Tak Pahonch Gaye.Aur Apne Neeze Ki Maar Se Bade Bade Bahadduron Ko Ched Kar Chilni Bana Dala.Yahan Tak Ke Aap Ka Neeza Toot Gaya.Phir App Ne Biphar Kar Miyan Se Talwar Nikali Aur Apni Shamsheer Aab Daar Ki Maar Se Bahot Se Zalimon Ku Kheere Aur Kakdi Ki Tarha Kaat Kar Rakh Diya.Aap Joshe Jihaad Me Intehayi Jaan -Bazi Ke Sath Talwaar Chala Rahe The.Ke Achanak Kisi Khabees Ne Nishana Bandh Kar Aap Ke Ghode Ki Peshani Per Aysa Teer Mara Ke Ghoda Nidhal Ho Kar Zameen Per Gir Pada.Aur Aap Piyada Pa Ho Gaye.Itneme Ibne Sa'ad Ne Apne Lashkar Ku Hukm Diya Ke Iska Muhasira Karlo.Chunanche Har Taraf Se Ashkhiyane Dhawa Karke Is Bahaddur Mujahid Ko Gheer Liya Aur Charon Taraf Se Is Tarha Neze Barsaye Aur Is Tarha Neeza O Talwaar Se Lagataar Hamla Karne Lage.Aap Lachar Ho Kar Zameen Per Gir Padhe.Aur Ek Shaqi Ne Aage Badh Kar Aap Ka Sar Kaat Liya Aur Hazrath Imam Ke Samne Phenk Diya.Wahab Ki Maa ne Doudh Kar Apne Bete Ke Sar Ku Apni Good Me Utha Liya .Aur Intehayi Pyaar O Mohabbat Ke Sath Pashani Ku Choom Kar Apne Kalije Se Laga Liya.Sheer Dil Maa Baar Baar Apne Mujahid Aur Shaheed Bete Ke Sar Ku Boosa Deti Thi Aur Kehti Thi Ke Aye Mere Supoot Bete ,Aye Mere Bahaddur Bete...Khuda Gawah Hai Ke Aaj Tune Mere Doodh Ka Haq Ada Kar Diya.Aye Beta Tujhe Mubarak Ho.Khuda Aleem Hai Ke Aaj Teri Maa Tujh Se Khush Ho Gayi.Phir Maa Ne Apne Bete Ka Sar Dulhan Ki Good Me Rakh Diya. Aur Kaha Ke Beti Tujhe Mubarak Ho Ke Maidane Mehshar Me Khuda Ka Munadi Tujhe Ek Shaheed Ki Bewa Kah Kar Pukarega.To Us Waqt Tera Sar Faqar Se Ooncha Ho Jayega Ke Tu Is Mujahide Jaanbaaz Ki Refeeqe Zindagi Hai.Jo Tere Bistare Urusi Se Oth Kar Aaya Aur Khuda Ki Rah Me Apna Khoon Ka Khatra Baha Kar Aur Apne Khoon Me Naha Kar Surkh Posh Dulha Ban Kar Shahadat Ki Dulhan Se Ham-Aaghosh Ho Gaya.Dulhan Ne Walihana Josh O Mohabbat Ke Sath Apne Sartaaj Ke Sar Ku Apne Seene Se Chimta Liya.Magar Uske Gore Gore Gaal Kale Kale Haseen Baal Ku Khaak O Khoon Me Lat-Pat Dekh Kar Uska Kaleja Phat Gaya.Shiddate Gham Se Uska Haal Is Qadar Nidhal Ho Gayake Garam Garam Aansu Ki Dhar Uske Ruksaar Per Behne Lagi Aur Ba-Wajood Zabpt Ke Ek Cheekh Nikal Gayi Aur Zabane Haal Se Usne Sohar Ke Kate Huwe Sar Se Ye Kaha Ke...

رفتی و مرا خبر نہ کردی 
بر بیکسی ما نظر نہ کردی

Phir Ek Sar Daha Ke Sath Iska Taire Ruh Parwaaz Karke Apne Dulha Ke Sath Ham-Aaghosh Ho Gaya."إِنَّا لِلّهِ وَإِنَّـا إِلَيْهِ رَاجِعونَ



Karbala Ke Un Jaanisarane Ahle Bait Me Jinhone Duniya Ki Doulat O Izzat Ku Thokar Maar Kar Apne Azeez Jaano Ku Hazrath Imam Ke Qadmon Per Qurbaan Karke Dono Jahan Me Sarkhurui Hasil Ki.Unme Hur Bin Yazeed Riyahi Ka Naam Nami Bhi Qiyamat Tak Faramosh Nahi Kiya Ja Sakta.

Hur Yazeedi Lashkar Me Ek Daste Ke Sipah Salaar Ki Haisiyat Se Khade The. Magar Jis Waqt Ibne Sa'ad Ne Apne Lashkaron Ku Hazrath Imam Ki Taraf Yalghar Ka Hukm Diya To Ek Dam Hur Ke Chehre Par Intehai Pareshani Aur Bekharari Ke Aasaar Namudar Hogaye.Chehra Zard Ho Gaya.Aur Khouf O Hiraas Se Qadam Dag Magane Lage. Hazrath Hur Ke Bhai Janaab Mas'ab Bin Yazeed Ne Jab Bhai Ka Ye Haal Dekha To Hairaan Ho Kar Kaha Ke Bhai Jaan - Aap To Maidane Kaar-Zaar Ke Bahot Purane Tajrube Kaar Shah Sawar Hain.Maidane Jang Aap Ke Liye Koi Nayi Cheez Nahi.Aap Ne To Isse Pehle Bade Bade Khooni Manazir Dekhen Hain..Magar Aaj Aap Ka Kya Haal Hai?? Ke Aap Per Is Qadar Wa'hshat O De'hshat Sawar Hai Ke Aap Intehayi Pareshan O Beqarar Nazar Aa Rahe Hain..Hur Ne Kaha Mere Pyare Bhai - My O Bahaddur Nahi Ke Maidane Jang Dekh Kar Ghabrajaon,My To Zarb O Harb Ku Bacchon Ka Khel Samajh Ta Hoon.Lekin Aaj Ki Jang Khuda Gawah Hai Ke Ye Allah O Rasool Se Jang Aur Apni Aqibat Se Ladai Hai.Is Liye Is Jang Ke Tasawwur Hi Se Mere Seene Me Dil Laraz Raha Hai.Aur Mere Jism Ka Rongta Rongta Larza Barandaam Ho Raha Hai..Bhai Ma'sab - My Ye Dekh Raha Hoon Ke Ek Taraf Jannat Ke Khushrang Phool Khile Huwe Hain..Aur Ek Taraf Aatishe Jahannam Shola-Zan Hai.Aur My Is Waqt Jannat O Jahannam Ke Darmiyaan Me Khada Hoon.

Hazrath Hur Ne Bhai Ku Ye Jawab Dekar Ibn-e-sa'ad Ku Pukara...Aur Kaha Ke Kya Waqi Tu Ibne RasoolAllah Ku Qatal Kar Dalega???..Ibne sa'ad Ne Kaha ...Haan Beshak - Sirf Imam Hussain Hi Ku Nahi Balke My To Gulshane Nabuwwat Ke Ek Ek Phool Ku Masal Dalonga.Aur Ahle Bait Ke Ek Ek Bachche Ku Zabah Karke Dam Dunga.Hazrath Hur Ne Kaha Ke Kya Tujhe Hazrath Imam Ki Pesh Ki Huwi Masalihat Ke Sharten Manzoor Nahi??? Ibne sa'ad Ne Jhillakar Kaha Ke Bilkul Nahi.Ab To My Hazrath Imam Se Jang Ke Siwa Khuch Kehna Hi Nahi Hai.Ibne sa'ad Ka Ye Sharat Aamez Jawab Sun Kar Hazrath Hur Ke Dil Me Ekdam Haqqaniyat Ke Sekhdon Chiragh Roshan Ho Gaye...Aur Aap Ne Tadap Kar Farmaya..Ke Aye Mardod - Tu Kal Qayamat Ke Din Khuda Ke Samne Kya Jawab Dega??? Aur Rasoole Khuda Ku Kya Moh Dikhayega?? Khuda Ki Khasam - Agar Mere Jism Ke Tukde Tukde Kar Diye Jayen...Jab Bhi My Ibne RasoolAllah Aur Noor-e-Chasme Haidare Karrar Per Talwar Nahi Utha Sakta..Hur Ne Ye Kaha Aur Ek Dam Ghoda Kuda Kar Hazrath Imam Ki Khidmat Me Hazir Ho Gaya.Aur Khadam Boos Ho Kar Arz Karna Laga..Ke Aye Jigar Gosha-e-Rasool O Farzande Batool - My Wahi Rusiyah Hoon Jisne Aap Ka Rasta Roka Tha.Magar Khuda Ki Khasam Mujhe Ye Waham Bhi Nahi Tha Ke Yahan Tak Noubat Pahonchegi.Aur Ye Badbaqt Ashkhiya Aap Ka Sar Kaatne Ke Liye Tayyar Ho Jayenge..Lekin Behre Haal My Ab Tayab Ho Kar Bargahe Aali Me Hazir Ho Gaya Hoon..Lillah...Huzoor Wala Mere Jurmon Ku Apne Damane Afu-o-Karam Me Chupa Kar Ab Mujhe Ahle Bait Per Jaan Khurbaan Karne Ki Ijazat Marhamat Farmayen..Hazrath Imam Ne Hur Ku Apne Qadmon Se Otha Kar Seene Se Laga Liya..Aur Ye Basharat Di Ke My Ne Teri Khata Maaf Kar Di..Aur Meri Dua Hai Ke Khudawande Sattar O Ghaffar Bhi Teri Touba Ko Qubool Farmaye..Hur Hazrath Imam Ki Zaaban Se Ye Muzhdaye Jaan-fiza Sun Kar Bagh Bagh Hogaye. Aur Jang Ki Ijazat Pa Kar Maidane Jang Ki Taraf Rawana Huwe..Aur Ghoda Chamka Kar Bijli Ki Tarha Dushmanane Ahle Bait Ki Safon Per Khahre Ilahi Ban Kar Jhapte. Hur Ke Bhai Mas'ab Ne Ye Dekha Ke Mera Bhai Neemate-Darain Se Sarfaraz Aur Doulat-e-Konain Se Mala Maal Hogaya.To Iske Dil Me Bhi Haqqaniyat Ka Wal Wala Aur Haq Shanasi Wa Haq Parasti Ka Jazba O Hosh Bedaar Ho Gaya...Aur O Bhi Ghoda Doudha Kar Bhai Ki Taraf Badha..Yazeediyoun Ne Ye Samjha Ke Bhai Se Ladhne Ke Liye Jaa Raha Hai..Lekin Unki Hairat Ki Koi Inteha Na Rahi Jab Unhone Ye Dekha Ke Mas'ab Janaab Hur Se Ye Kehne Laga Ke Mere Bhai - Khuda Tera Bhala Kare Ke Tu Mere Liye Khizre Raah Ban Gaya Aur Tune Bahot Badi Hilakat Se Mujhe Najaat Dilayi..Mere Bhai - My Abhi Tere Sath Ahle Bait Ki Azmat Per Apni Jaan Qurbaan Karke Dono Jahan Ki Saltanate Izzat Ka Sultaan Banne Ki Tammanna Rakhta Hoon..Hur Ne Khush Ho Kar Apne Bhai Mas'ab Ku Gale Se Laga Liya Aur Dono Bhai Yazeedi Lashkar Ke Samne Seena Tan Ke Joshe Jihaad Me Bhare Huwe Khade Ho Gaye..Aur Pehle Hur Ne Maidan Me Nikal Kar Rijz Ka Ye Sher Padha...

My Hur Hoon Aur My Mehmaan Nawaz Hoon
My Talwar Si Tumhari Gardane Odha Dunga

Ibne sa'ad Apne Lashkar Ke Ek Sipah Salar Yani Hur Ki Sherana Garajdaar Aawaz Sun Kar Ghabra Gaya..Aur Usne Bahot Kuch Soch Bichar Kar Ek Bahot Hi Nami Pehalwan Yani Shaitan Sift Sifwan Ku Bheja ..Ke Hur Ku Samjha Bujha Kar Mere Paas Le Aa..Aur Agar O Na Mane To Uska Sar Kaat Le ..Chunanche, Sifwan Chala Aur Hur Ke Paas Aa Kar Kehne Laga..Ke Aye Hur - Ham Teri Aqal O Nadani Per Waz Karte The.Magar Aaj Ham Teri Nadani Per Matam Karte Hain..Ke Tune Is Lashkare-Jarrar Se Nikal Kar Aur Yazeed Ke Giran Khadar ,Inam O Ikram Ku Thukra Kar Un Chand Be Kas Musafiron Ka Sath Diya Hai. Jinke Toshe Dano Me Roti Ka Ek Tukda Aur Jin Ki Mashkhon Me Paani Ka Ek Qatra Bhi Nahi Hai...Afsoos - Teri Aqal Kahan Mari Gayi??? Hur Ne Tadap Kar Jawab Diya Ke Mardod - My Nadani Nahi Kar Raha Hoon..Balke Tum Log Apni Himaqat O Nadani Ka Matam Karo..Ke Tum Logon Ne Tahir ko Chod Kar Najis Ku Khubool Kiya..Aur Duniya E Fani Ke Chand Darham O Denar Ke Badle Aalame Baqi Ki Anmol Aur Lazawal Nematon Ku Bech Dala..Aye Zalimon-- Tum Me Se Koun Nahi Jaanta Ke Rahmate Aalam SallallahuAlaihiWaSallam Ne Hazrath Imam Hussain Ku Apna Phool Farmaya Hai..Magar Tum Log Gulshane Risalat Ke Is Phool Ku Masal Kar Pamal Karne Ke Liye Tayyar Ho Gaye Ho..Lekin Yaad Rakho Ke Jab Tak Mere Jism Me Khoon Ka Ek Khatra Bhi Baqi Hai My Gulshane Nabuwwat Ke Is Phool Per Aanch Nahi Aane Dunga..My Yazeed Ke Inam O Ikran Ke Khazano Ku Thokar Maarta Hoon Mujhe To Nalaine Mustafa Ku Apne Sar Ka Taaj Banane Ki Tamanna Hai.Tum Darya E Furat Ke Paani Per Naaz Karte Ho..Magar My Saqi E Kousar Ke Muqaddas Hathon Se Kousar O Salsabeel Ka Jaam Pine Ka Ummeed Waar Hoon...
"Sifwan" Ne Bahot Kuch Charb Zabani Se Kaam Liya..Magar Usne Jab Dekh Liya Ke Harzath Hur Ka Sena Ahle Bait Ki Muhabbat Ka Safeena Ban Chuka Hai..Aur Koi Hirs Aur Lalach Iske Qadam Ku Jadahe-Mustaqeem Se Bargashta Nahi Kar Sakti..To Usne Dhoke Se Janab Hur Ke Sene Per Ek Teer Maar Diya..Janab Hur Teer Kha Kar Zakhmi Sher Ki Tarha Sifwan Per Neze Se Hamla Aawar Huwe aur Neza Ka Ek Aysa Bhar Pur Hath Iske Seene Me Mara Ke Sene Ku Chedhta Huwa Pusht Ke Paar Hogaya..Aur Isku Ghode Ke Zain Se Neze Per Utha Kar Is Zoor Se Zameen Per Patka Ke Uski Gardan Toot Gayi..Aur O Fouran Hi Margaya...Sifwan Ke 3 Bhai Jo Bhaot Hi Naamwar Jangjo The ,Apne Bhai Ko Yun Qatal Hota Dekh Kar Aapese Baher Ho Gaye..Aur Pehle 2 Bahi Hur Ke Muqabile Per Aaye Aur Dono Ne Hur Per Ba Ek Waqt Hamla Kar Diya..Magar Hur Ne Shamshere Aabdaar Ki Mujahidana Maar Se Dono Ka Sar Udha Diya..3ra Bhai Bhag Nikla ..Lekin Hur Ne Ghoda Chamka Kar Uska Taqub Kiya Aur Bhagte Huwe Uski Peet Me Aysa Neeza Mara Ke Seene Se Paar Ho Gaya..Aur O Gashkh Kha Kar Ghode Se Gir Pada. Aur Hur Ne Shamsheer Ki Ek Zarb Se Uska Bhi Kaam Tamam Kar Diya..Sifwan Aur Uske 3no Bhayiyon Ku Qatal Karke Janab Hur Hazrath Imam Ki Qidmat Me Hazir Ho Kar Arz Kane Lage Ke Aye Ibne Rasoolallah - Kya Aap Mujh Se Razi Hogaye ?? Hazrath Imam Ne Farmaya Ke ...نعم \نث حر Haan Beshak My Tujh Se Khush Hoon..Aur Tujhe Ye Khushkhabri Deta Hoon Ke Tu Jahannam Se Aazad Hai..Janab Hur Ye Basharat Sun Kar Farte Musarrat Se Jhoon Uthe..Aur Phir Maidan Me Aakar Intehayi Jaan Baazi Se Ladhne Lage..Aur Bahot Se Zalimon Ku Qatal Karke ..Phir Imam Ke Samne Aaye Aur Sukhi Zuban Dikha Kar Arz Karne Lage Ke ..Aye Imam - Ab Tishna Kami Had Se Badh Chuki Hai...Aur Pyaas Ki Shiddat Na Qabile Bardasht Ho Chuki Hai....Imam Aali Maqam Ne Farmaya Ke Hur - Mere Azeez Hur - Zara Der Aur Sabar Karo Aur Rahe Haq Me Apna Sar Kata Kar Huzoor Saqi E Kousar Ke Muqaddas Hathon Se Jaame Kousar Pi Kar Sairab Ho Jao - Hur Ye Khush Khabri Sun Kar Phir Maidan Jang Me Jaame Shahadat Ki Tamanna Me Sar Faroshana Jang Karne Lage Aur Lashkar-e-A'ada Per Aap Ki Shujaat Ka Aysa Sikka Baith Gaya Ke Bade Bade Bahduron Ke Qadam Okhad Gaye..Lekin, Ibne Sa'ad Ne Jab Apne Lashkariyoun Ku Danta Ke Tum Log Ek Sipahi Ku Qatal Nahi Kar Sakte?? To Bahot Se Saffkhon Ne Aap Ka Mahasira kar Liya .Aur Aap Per Is Qadar Teer Barsane Lage Ke Aap Ka Ghoda Zakhmon Se Choor Ho Kar Zameen Per Gir Pada..Aur Aap Paidal Ho Kar Ek Jame Ghafeer Se Tanha Ladhne Lage ..Charon Taraf Se Teeron Ke Menah Baras Raha Hai. Aur Bahot Se Piyadah Aur Sawar Neza O Talwar Se Aap Per War Kar Rahe Hain..Magar Aap Azm O Isteqamat Ka Kohe Giran Baar Bane Huwe Maidan Me Date Rahe ..Yahan Tak Ke Ek Saffak Zalim Ne Aap Per Aysa Neeza Chalaya Ke Aap Uske Kaari Zakham Ki Taab Na La Sake.Aur Ek Janisaar Wafadar Ki Tarha Dade Shuja'at De Kar Jigar Gosha-e-Rasool O Farzande Batool Ki Nusrat O Himayat Me Apni Jaan Qurban Karke Shahadat Se Sarfaraz Ho Gaye..Imam Aali Maqam Hur Ku Maidane Jang Se Otha Kar Laye Aur Apne Zanu-e-Aqdas Per Unka Sar Rakh Kar Apne Damane Athar Se Unke Cehre Ke Gird O Ghubar Ku Saaf Karne Lage..Hur Me Abhi Zara Si Jaan Baqi Thi ..Aankhen Kholden Aur Jab Ye Dekha Ke Mera Sar Farzande Rasool Ki Good Me Hai..To Apne Muqaddar Ki Khush Baqti Per Naaz Karte Huwe Firdose Bareen Ku Rawan Ho Gaye..."إِنَّا لِلّهِ وَإِنَّـا إِلَيْهِ رَاجِعونَ....

Hazrath Imam hur ki Jaanisari o Wafadari ku Yaad KArke Rote the aur Yun FArmate jate the....

Hur Bin Yazeed Riyahi Bahot Hi Achcha Hur Hai,
Jo Neezon ke Jamghate Me Bhi Sabir Raha...
★★★★★★★★★★★★★★★★★★★★
Aur Hur Kitna Achcha hai Ke Usne Hussain Ku Pukara
Aur Subh Ke waqt Usna Apni Jaan Ki Saqawat Kardi...

Hazrath Hur Ki Shahadat Ke Baad Unke Bhai Mus'ab Aur Hur Ke Farzand Ali Bin Hur Aur Hur Ke Ghulam Namrah Ye 3no Bhi Intehayi Jaan-Baazi Ke Sath Yazidi Lashkar Se Ladhte Huwe Jaame Shahadt Se Seraab Ho Gaye!

Algharaz Isi Tarha Ahle Bait Ke Tamam Rufuqa Wa Jaanisaran Noubat Ba Noubat Midane Jang Me Dade Shuja'at Dekar Apni Jaane Qurbaan Kar Chuke..Aur 50 Se Ziyada Jaanisarane Ahle Bait Shaheed Ho Chuke..Ab Sirf Khandane Ahle Bait Baaqi Rah Gaye Hain. Aur Dushmanane Khoon Khawar Inhi Ke Khoon Ke Pyase Hain...Aur Jawanane Ahle Bait Bhi Go-Mutthi Bhar Hain...Magar yazidiyon Ke Lashkare-Jarrar Ke Samne Azm-O-Isteqamat Na-Qabile Taskheer Pahad Ban Kar Date Huwe Hain.Har Jawan Shouqe Shahadat Me Imam Ki Nusrat O Himayat Ke Liye Parwanawar Nisaar Hone Per Tayyar Hai..Na Kisi Ka Housla Past Hai..Na Koi Jang Se Farar Ka Khawstgaar Hai.Har Ek Ki Yahi Tamanna Aur Har Ek Ka Yahi Israr Tha Ke Pehle Jaanisari Ka Inku Mouqa Diya Jaye..

Chunanche, Isme Koi Shubah Nahi Ke Ahle Bait E Nubuwwat Ke Noujawanon Ne Khake Karbala Ke Safhath Per Apne Khoon Se Shuja'at O Jaanisari Ke Jo Nukhush Banaye Hain.Qiyamat Tak Gardishe Lail-O-Nahar Usku Mita Nahi Sakti.Khandane Asadullah Ghalib Ke Sherane Haq Me Apne Mujahidana Hamlon Se Karbala Ki Zameen Ku Zeer O Zabar Kar Diya Aur Unki Asadullahi Talwaron Ki Zarb Se Bade Bade Bahadduron Ke Seeno Me Dil Larazne Lage...Hashmi Jawano Ne Karbala Ki Tish-Na-Zameen Ku Dushmano Ke Khoon Se Seraab Kar Diya..Inki Teghe Be-Nayam Dushmano Ke Liye Mout Ka Paigham Aur Inka Neeza-O-Satan Zalimon Ke Haq Me Qaza Ka Farman The.Jidhar Rukh Karte Dushmno Ki Safen Darham Barham Ho Jaten.Aur Ye Qalbe Lashkar Tak Pahonch Kar Istarha Dushmno Ka Qatle Aam Karte The Ke Goya Sawar Maqtalon Ke Samandar Me Tair Raha Hai.Isi Tarha Har Hashmi Jawan Apni Jaan Bazi Aur Soja'at Ke Johar Dikha Kar Aur Sainkhdon Bad-Batilon Ku Mout Ke Ghaat Utar Kar Imam Aali Maqam Per Apni Jaan Qurbaan Kar Ke Shaheed Hota Raha.yazeedi Ye Samajhte Rahe Ke Hamne Inhe Maar Dala Aur Ye Log Mar Gaye..Lein Zameene Karbala Ka Zarra Zarra Aur Sari Khudayi Pukar Rahi Thi Aur Khud Khuda Ye Elaan Farmata Raha Hai Ke...

Yani Kabhi Koi Apne Dil Me Ye Khiyal Bhi Na Laye Ke Ye Log Mar Gaye..Ye Murda Nahi Hain...Balke Ye Log "Zinda" Hain. SubhanAllah - Kya Khoob Farmaya Kisine

Tu Zinda Hai Wallah Tu Zinda Hai Wallah
Meri Chasme Aalam Se Chup Jaane Wale.

Yun To Khandane Ahle Bait Ke Har Ek Jawaan Ne Is Haq O Batil Ke Azeem M'urike Me Intehayi Jazbaye Imaani Wa Joshe Islami Ke Sath Apni Qimati Jaan Ku Qurbaan Karke. Dono Jahan Ki Sarkhuruyi Hasil Ki. Aur Aisi Sarfuroshi Wa Jaan-Baazi Ke Sath Dushmanane Deen Ka Muqabila Kiya Ke Karbala Ki Zameen Per Zarra Zarra Tahseen O Afreen Ka Nara Buland Karne Laga.Magar Is Me Chand Sohda E Ahle Bait Ki Shahadaton Ke Tafsili Manazir Ki Bhi Chand Jhalkiyan Apke Samne Likh Dete Hain...Take Aap Bhi Isku Padh Kar Apni Islami Ragon Ke Qatrate Khoon Me Jazba e Imaani Ki Hararat Mehsoos Karne Lage..




Aapne Janab Qasim Bin Hasan Ka Naam Nami Suna Hoga. Ye Ahle Bait Ke Bahot Se Jawano Ki Shahadat Ke Baad Hazrath Imam Se Jang Ki ijazat Talab Karne Ke Liye Harzir Huwe Hain..Ye Hazrath Imam Ke Haqiqi Bhatije.Yani Hazrat Hasan Mujtaba RadiAllahuTa'alaAnhu Ke Farzande Anjuman, Aur Hazrath Imam Aali Maqam Ki Dukhtare Neek Akthar Bibi Sakina Se Inki Nisbat Bhi Tay Ho Chuki Hai.Chota Sa Qad, Noujawani Ka Aalam, Sabza Aaghaz Ek Pikare Husn O Jamal Hai.Jo Hazrath Imam Se Gardan Katane Ki Ijazat Talab Kar Raha Hai.Imam Aali Maqam Ne Mohabbat Bhari Nazron Se Bhatije Aur Hone Wale Damaad Ku Ek Nigah Bhar Kar Dekha.Qalb Me Ek Thes Lagi Aur Dil Ke Jazbat Ansu Ban Kar Palkon Per Namudaar Ho Gaye...Farmaya Ke Beta Qasim Tum Mere Marhoom Bhai Ki Nishani Aur Yaadgaar Ho.Bhai Marhom Mujhe Daghe Mufariqat De Gaye.Ab Unki Yaad Aane Per Tumhi Ku Dekh Kar My Tasalli Hasil Karta Hoon.Bhala Mujhe Kab Aur Kis Tarha Gawara Ho Sakta Hai?? Ke Tum Mere Samne Khak O Khoon Me Tadapte Huwe Gala Katao.Aur My Dekhta Rahoon.Beta- My Is Sadmaye Jaankah Ku Bardasht Karne Ki Taab-O-Taqat Nahi Rakhta.Isliye My Tumhe Jang Me Jane Ki Ijazat Nahi De Sakta..Lekin, Janab Qasim Ki Beqarari Aur Girya O Zari Dekh Kar ,aur Unke Israr Se Majboor Ho Kar Bil Aakhir Hazrath Imam Ne Unhe Maidane Jang Me Jaane Ki Ijazat Dedi..Hazrath Qasim Shoukh-E-Shahadat Me Is Qadar Warafta The Ke Ijazat Pate Hi Khushi Se Uchal Pade Aur Jaldi Jaldi Jangi Libas Pehan Kar Aur Hatyaron Se Musallah Ho Kar Pehle Qime Me Tashreef Le Gaye. Aur Sab Ahle Qima Ku Aakhri Salam Karke.Hazrath Imam Ki Qidmat Me Hazir Ho Gaye.Mamta Ki Mari Maa Jaan Chidakne Wali Phupi Aur Dulhan Banne Ki Aas Lagane Wali Mangitar Bibi Sakina Ne Duniya Se Safar Karne Wale Musafir Ka Akhri Didar Kiya Aur Josh E Gham Se Sab Ki Aankhe Askh Baar Ho Gaye.Ke Ab Chand Minton Me Ye Noor Ki Tasweer Khak O Khoon Me Mil Jane Wali Hai.

Jab Imam Aali Maqam Ku Aakhri Salam Karke Rawana Hone Lage To Hazrath Imam Ne Aage Badh Kar Nihayat Garam Joshi Ke Sath Bhatije Ku Apne Sene Se Laga Liya Aur Duwayen De Kar Widah Farmaya.Janab Khasim Hazrath Imam Se Rukhsat Ho Kar Joshe Jihad Me Bhare Huwe Ghoda Douda Kar Ashkhiya Ki Safon Ke Samne Pahonch Gaye. Aur Rijz Ke Chand Ash'ar Padh Kar Farmaya Ke Aye Yazidiyo - Ab Jis Ke Sar Per Mout Sawar Ho O Mere Samne Aaye , Aur Meri Shamsheer Aabdaar Ki Asadullahi Maar Se Apne Khoon Me Nahaye.Shazade Ki Is Hashmi Lalkar Se Girohe Ashkhiya Per Aysi Haibat Sawar Ho Gayi ..Ke Bawajood Baar Baar Ki Pukar Aur Lalkar Ke Kisi Me Ye Jurrat O Himmat Nahi Huwi, Ke Aap Ke Samne Aata.Ibne Sa'ad Ne Jab Ye Dekha Ke yazeedi Lashkar Me Se Koi Bhi Hazrath Qasim Ke Muqabile Ke Liye Nahi Nikalta.To Usne Azrakh Shami Sipah Salar Ku Pukara , Jo yazeed Ki Taraf Se Salana 10,000 Dinaar Tanqa Pata Tha.Jab Azrakh Shami Ibne Sa'ad Ke Pass Pahoncha..To Ibne Sa'ad Ne Kaha Ke ..Aye Azrakh - Dekh Ye Badi Deer Se Ye Noujawan Muqabile Ki Dawat De Raha Hai.Magar Hamare Lashkar Me Se Kisi Ki Bhi Ye Jurrat Nahi Huwi Ke Iske Challenge Ka Jawab De Sake.Isliye Ab My Tujh Ku Hukm Deta Hoon Ke Tu 1,000 Sawar Le Kar Iske Muqabile Ke Liye Maidan Me Nikal Padh.Azrakh Ne Ghazabnaak Ho Kar Kaha.Aye Ibne Sa'ad - Tujhe Sharam Nahi Aati?? Ke Tujh Jaise Namigirami Pehalwan Ku Jiski Haibat Se Misr O Sham Ki Zameen Dahal Rahi Ho, Ek Ayse Kamseen Ladke Se Ladhne Ke Liye Bhej Raha Hai..Jiske Moh Se Maa Ki Dudh Ki Boo Aarahi Hai..Aye Ibne Sa'ad !!! Sara Misr O Sham Jaanta Hai Ke My Akela Ek Hazar Bahadurane Naamdar Ka Maqabila Karta Hoon..Ke Aaj My Ek Bachche Ke Muqabile Me Jaa Kar Apni Naak Kata Doon??? Agar Myne Is Bachche Ko Qatal Kar Doon To Jab Bhi My Badnaam Ho Jaonga..Ke Myne Ek Bachche Se Jang Ki..Khuda Ki Khasam!! Agar Tu Mere Jism Ke Purze Purze Udha Dega Jab Bhi My Ek Bachche Ke Khoon Se Apni Talwar Ku Aaluda Nahi Karonga...Ibne Sa'ad Ne Kaha...Ke Aye Azrakh!! Are Tu Kis Ghumand Me Hai??? Tu Inki Kamsini Aur Nazuk Badni Ku Mat Dekh..Afsoos!! Tu Inhe Pehchanta Nahi Ke Ye Koun Hain??? Are Ye Sher Dil Hazrath Imam Hasan Mujtaba Ke Farzande Arjuman Aur Fateh Khibar Ali Haidar Ke Pote Hain..Khuda Ki Khasam Agar Ye Bhooke Pyase Na Hote To..Ye Akele Hi Kha'hre ilahi Ki Bijli Ban Kar Hamare Pure Lashkar Ke Hurmane Zindagi Ku Khaksatar Bana Dalte..Jab Ibne Sa'ad Ne Lagatar Israr Se Azrakh Shami Ku Majboor Kar Diya To Usne Kahe Ke..Aye Ibne Sa'ad - Khwah Kuch Bhi Hojaye...Magar My Is Bachche Se To Nahi Ladunga..Teri Khwahish Hai To Is Jang Me Mere 4 Farzand Moujood Hain..Jo Shuja'at O Dilawari Me Sohra E Aafakh Hain..My Inme Se Ek Ku Bhej Deta Hoon...O Chand Minto Me Iska Sar Kaat Kar Layega.Chunanche Azrakh Ka Ek Beta Saba Raftar Ghode Per Sawar Ho Kar Apni Kheemati Talwar Chamkata Huwa Aur Badal Ki Tarha Garjta Aur Durrata Huwa Maidan Me Nikla.Hazrath Qasim Ne Isku Aata Dekh Kar Nihayat Be-Khoufi Ke Sath Ye Farmaya Ke Afsoos!! Tere Baap Ku Tujh Per Raham Nahi Aaya??? Ke Tujh Ku Meri Talwar Luqma Banne Ke Liye Miadan Me Bhej Diya??? Achcha Aage Badh ..Chunanche, Jaise Hi O Hamle Ke Liye Aage Badha Hazrath Qasim Ne Apna Khanjar Uske Shikam Me Bhonk Diya.Aur O Is Zakham Ki Taab Na La Kar Ghode Ki Zain Se Zameen Per Gir Padha.Phir Aapne Nihayat Hi Purti Aur Chabuk Dasti Ke Sath Jhapat Kar Uski Talwar Cheen Li..Aur Uske Lambe Lambe Balon Ku Pakad Par Jo Ghoda Doudhaya To O GhaseetTe GhaeetTe Mar Gaya.Phir Aapne Uski Lash Ku Ghode Ki Tapon Se Rond Kar Uske Haddiyon K Bhi Chakna Choor Kar Diya..Azrakh Ka Dosra Beta Apne Bhai Ku Is Tarha Qatal Hota Dekh Kar Aape Se Baher Ho Gaya.Aur Diwanawar Aage Badh Kar Ek Dam Janab Qasim Per Qatilana Hamla Kar Diya ..Hazrath Qasim Ne Mudh Kar Aysa Panitra Badla Ke Dushman Ka War Khali Gaya..Aur Aapne Palat Kar Pehlu Me Aysa Neza Mara Ke Idhar Se Udhar Paar Ho Gaya.Aur O Waheen Ghode Se Gir Kar Zameen Per Dher Hogaya..Phir Azrakh Ka Teesra Beta Hamla Ke Liye Jhapta..To Aapne Isku Bhi Ek Neeza Maar Kar Halak Kar Diya..Ab Azrakh Ka Coutha Beta Apne 3no Bhaiyon Ka Inteqam Lene Ke Liye Pagalon Ki Tarha Talwar Ghumata Huwa Doudh Pada.Aur Moh Me Jhag Bhar Kar Galiyan Dene Laga..Hazrath Qasim Ne Farmaya Ke Bad-Lagam - Hosh Me Aa..Auraton Ki Tarha Galiyan Aur Kosne Dena Mardon Ki Shan Nahi Hai.Agar Jurrat Hai To Aage Badh Kar Hamla Kar.O Kehne Laga Ke Qasim!! Tumne Mere 3no Bhaiyon Ki Qatal Kar Diya..Khuda Ki Qasam Jab Tak My Tumhe Qatal Karke Apne Bhai Ka Badla Na Lunga Mujhe Kharar Naseeb Nahi Ho Sakta.Hazrath Qasim Ne Has Kar Farmaya...Ke Mat Ghabra My Tujhe Qarar Dene Aur Tujh Ku Tere Bhaiyon Ke Paas Pahoncha Dene Ke Liye Tayyar Hoon...Ye Kaha Aur Talwar Ke Ek Bhar Poor Janchatula Hath Mara.To Maghroor Ka Sidha Hath Kat Kar Door Ja Pada...Aur O Jaan Bacha Kar Bhag Nilkla..Aapne Lalkarte Huwe Iska Taqub Farmaya..Magar O Apni Lashkar Me Jaa Ghusa. Aur Zakham Ki Tab Na La Kar Ghode Se Gir Pada Aur Mar Gaya.

Azrakh Apne 4 Honihar Aur Mashoor Shah Sawar Beton Ku Is Tarha Zillat Ke Sath Qatal Hota Dekh Kar Ghaiz O Ghazab Me Apni Hosh O Hawas Kho Baitha.Aur Moh Me Jhag Bhar Ke Gusse Me Dant Pieste Huwe Aur Ghillahat Me Dadhi Ke Baal Nounchte Huwe Ghoda Khuda Kar Maidan Me Nikal Pada. Aur Kehne Laga Ke Bachche!! Tum Ne Bachon Ko To Maar Liya , Lekin Ab Tujh Ku Mujh Se Pala Pada Hai.Sambhal Ja !! Ke Ab 
Teri Zindagi Se Sirf Chand Hi Lamhaat Baaqi Rah Gaye Hain.Janab Qasim Ne Hiqarat Ke Sath Usku Jawab Diya Ke Azrakh !! Zara Hosh Ki Dawa Kar, Tu Shamiyon Ke Liye Taqat Ka Pahad Hoga.Abhi Tak Tune Hashmi Kachar Ke Sheron Ku Nahi Dekha Hai.Hamari Ragon Me Haidare Karrar Ka Khoon Hai.Hamari Nigahe Qa'har O Jalal Ke Samne Tu Ek Makkhi Aur Machhar Se Ziyada Haisiyat Nahi Rakhta..Azrakh Ye Khoon Khola Dene Wala Tana Sun Kar Aur Bhi Aag Babagule Ho Gaya.Aur Neeza Baazi Shuru Kardi.Lekin, Jab Ye Dekha Ke Barabar Ki Choten Hain. To Ghazab Naak Ho Kar Talwar Nikal Li.Hazrath Qasim Ne Bhi Talwar Khenchli Aur Aage Badhe To Azrakh Ne Aankhen Phad Kar Gour Se Dekha Aur Hairan Ho Kar Pucha Ke Qasim !! Ye Talwar To Mere Ladke Ki Hai, Ye Tumhare Hath Kahan Se Aagaya??? Hazrath Qasim Ne Has Kar Farmaya ..Haan Tera Beta Apni Yaadgaar Ke Tour Per..Ye Talwar Mujhe Isliye De Gaya Hai Take Isi Se My Tujhe Mout Ka Zayiqa Chakha Kar Tujhe Tere Beton Ke Paas Pahoncha Doon.Azrakh Ye Sun Kar Farte Ghazab Se Bikhar Gaya..Aur Joon Hi Hamle Ke Liye Talwar Uthayi..Hazrath Qasim Ne Farmaya Ke Azrakh !! Sambhal Ham Tujhe Bada Tajrube-kaar Shah Sawar Samajhte The.Magar Tum To Bilkul Hi Andhe Nikle.Tum Ko Apni Ghode Ke Peti Ka Bhi Dhyan Nahi..Ke O Dhili Ho Chuki Hai.Azrakh Jaldi Se Jhuk Kar Ghode Ke Tang Ku Dekhne Laga..Itne Me Hazrath Qasim Ne Uski Kamar Per Talwar Ka ayesa Bhar Poor Hath Mara Ke O Do Tukde Ho Gaya..Aur Aap Uchal Kar Uske Ghode Per Sawar Ho Gaye..Aur Hazrath Imam Ki Khidmat Me Hazir Ho Kar Arz Karne Lage..Ke..Chachajaan .....Pyaas..... Pyaas.!!!! Imam Tishnakaam Ne Farmaya Ke Noore Nazar!! Zara Der Aur Sabar Karo Anqareeb Tum Nana Jan Ke Muqadas Hathon Se Jaame Kousar Pi Kar Sairab Ho Jaoge!! ChachaJaan Ka Farman Sun Kar Hazrath Qasim Phir Maidan Ki Taraf Palat Pade..Aur Ye Dekha Ke Ibne Sa'ad Qalbe Lashkar Me Khada Ho Kar Yazeedi Foujon Ki Kaman Kar Raha Hai. Aapne Socha Ke Kyun Na Isi Khabees Ku Qatal Karke Surkhuru Ho Jaon.Chunanche, Barqe Khatif Ki Tarha Ghoda Chamka Kar Qalb E Lashkar Me Pahonch Gaye..Magar Dushmanon Ne Har Taraf Se Aap Ku Gheer Liya..Aur Charon Taraf Se Aap Per Neeza O Talwar Ki Bo-Char Shuru Kardi.Yahan Tak Ke 27 Zakham Kha Kar Aap Nidhal Ho Gaye..Aur Ghode Se Gir Pade...Shees Bin Sa'ad Manhoos Ne Aap Ke Seene Per Ek Neeza Mara Us Waqt Aapne Kaha....Aye Chahajaan !!! Meri Qabar giri Farmayiye..Hazrath Imam Bhatije Ki Dardnaak Pukar Sun Kar Doudh Pade Aur Dekha Ke Pikare Noor Khak O Khoon Me Tadap Tadap Kar Dam Tod Raha Hai. Imam Ne Muqadas Lash Ku Intehayi Mohabbat Se God Me Rakh Liya Aur Cehrae Pur-Noor Se Khak O Khoon Ke Dhabbon Ku Saaf Karne Lage Itne Me Qasim Jaan-Baaz Ne Ankhen Khool Diyen..Aur Apna Sar Imam Ki Aaghoshe Rahmat Me Dekh Kar Farte Musarrat Se Muskuraye..Aur Ek Dam Apni Naqde Jaan Qallakhe Har Do Jahan Ke Naam Per Qurbaan Kar Ke Darul Jina Ke Mehmaan Ban Gaye.
Isi Tarha Hazrath Qasim Ke 3no Bhai Abdullah Bin Hasan Aur Umar Bin Hasan Aur Abu-Bakr Bin Hasan Bhi Intehayi Jaan Baazi Ke Sath Dushmano Se Jang Karte Huwe Shahadat Se Sarfaraz Ho Gaye.




Ab O Waqt Aagaya Ke Asadullah Ghalib Hazrath Ali Bin Abi Talib RadiAlalhuAnhu Ke Farzande Arjuman Janab Abbas Alamdaar Hazrath Imam Se Maidane Karzar Ki Ijazat Talab Kar Rahe Hain.Aur Arz Karte Hain Ke ..Bhaiyijaan ....Sab Bhaiyon, Bhatijon, Bhanjon Ne Bhooke Pyase Jaame Shahadat Nosh Kar Liya Lekin Ab Nanhe Nanhe Bachchon Ka Pyas Se TadapNa Aur Unka Bilak Na Mujh Se Nahi Dekha Jata..Lillah ..Ab Mujhe Ijazat Dijiye Ke My Apni Jaan Per Khel Kar Ek Mashq Paani Laon..Aur In Pyason Ku Sairab Karon..Hazrath Imam Zaar Zaar Rone Lage..Aur Farmaya Ke Bhai Abbas Mere Alamdar Tumhi Ho..Ab Tumhi Batao Ke Tumhare Baad Mera Alam Koun Utayega?? Aur Mere Qalbe Majruh Per Marham Koun Lagayega?? Hazrath Abbas Ne Rote Huwe Arz Kiya Ke Aye Ibne RasoolaAlah!! Meri Jaan Aap Per Qurbaan Khuda Ki Khasam Ab Zindagi Me Koi Maza Baqi Nahi Raha...Ye Sar Gardan Per Ek Baare Giran Maloom Hota Hai...Aur My Duniya Se Bilkul Tang Aa Chuka Hoon..Bas Ab Meri Aakhri Tamanna Ye Hai Ke Saqi E Kousar Ke Dularon Ku Chand Ghont Daryaye Furat Ka Paani Pila Kar My Bhi Jald Se Jald Bhaiyon Aur Bhatijon Ke Paas Pahonch Jaon..Hazrath Abbas Ke Israr Se Majboor Ho Kar Hazrath Imam Ne Ijazat Dedi.

Janab Abbas Bahot Taqatwar Aur Bahaddur Aur Intehayi Tajrube-kaar Shah Sawar The..Aur Kyun Na Ho Ke Aap Haidar E karrar Ki Quwatte Baazu Ke Warise Naamdaar The.Jis Waqt Aap Ek Mashq Khande Per Latka Kar Ghode Per Sawar Huwe Aur Misri Talwar Chamkate Huwe Razmgah Me Tashreef Laye.To Sar Zameen E karbala Ka Zarra Zarra Pukaar Utha Ke ...

Kis Sher Ki Aamad Hai Ke Ran Kanp Raha Hai
Ran Ek Taraf Charkhe Guhan Kanp Raha Hai...

Rustum Ka Badar Zere Kafan Kamp Raha Hai
Har Khasr Salateene Zaman Kanp Raha Hai

Shamsheer Bakaf Dekh Ke Haidar Ke Pisar Ku
Jibril Utar Aaye Samete Huwe Par Ku.

Kya Shaan Hai Allah Re Ziyae Rukhe Anwar
Kya Noor Hai Jis Noor Se Dhalen The Munawwar

Bas Damane Sehra Pe Giri Noor Ki Chadar
Jin Aankhen Bichane Lage Har Ek Khadam Per.

Dikhlayi Jawani Ki Chalan Jab Kabhi Ruk Kar
Seene Se Lagaya Falke Pair Ne Jhuk Kar.

Maidan Me Aakar Aap Ne Apni Garajdaar Aawaz Se Farmaya...Ke Aye Kufiyane Bewafa.., Ye Shamiyane Purdagha..Tum Logon Ne Jigar Gosha e Rasool O Farzande Batool Ku 150 Arziyan Bhej Kar Mehman Bulaya..Aur Jab O Muqadas Mehman Safar Ki Mushakhaten Bardasht Karke Tumhari Zameen Me Rounakh Afroz Huwa To..

Musafiron Ku Na Diye Bund Pani Ki,
Bula Ke Gahar Me Gharz Khoob Mehmani Ki.

Aye Zalimon!! My Abhi Kehta Hoon Ke Tum Log Hazrath Imam Ke Khoone Nahaq Se Baaz Aajao..Aur Saqiye Kousar Ke Pyare Bachchon Ku Is Tarha Pyaas Se Na TadPao .Tum Log Nawasa e Rasool Aur Gulshane Fatimah Ke Sabse Nanhe Aur Nazuk Phool Yani Ali Asgar Ki Pyas Per Raham Khao. Ke O Noor Ki Surat Aur Husn O Jamal Ka Narm O Nazul Pikar Pyaas Ki Shiddat Se Tadap Tadap Kar Bhooki Pyasi Maa Ki God Me Dam Tod Raha Hai.Kamaskam Itna Paani To Dedo..Ke Gulshane Nabuwat Ka Ye Nanha Pauda To Serab Ho Jaye...
Be Raham Kufiyon Aur Shamiyon Ke Sino Me Dil Ki Jagah Shayad Patthar Ka Koi Tukda Tha.Ke Janab Abbas Ki Taqreer Sun Kar Zara Bhi Unhe Raham Nahi Aaya .Balke Ibne Sa'ad Aur Shimar O Shees Chilla Chilla Kar Kehne Lage Ke..Aye Abbas Jab Tak Husain Bin Ali Yazeed Ki Baiat Na Krenge..Khuda Ki Khasam Ham Hargiz Hargiz Unke Qime Me Paani Ki Ek Boond Bhi Nahi Jane Denge.Balke Isi Tarha..Ahle Bait Ke Ek Ek Bachche Ku Bhooka Pyasa Zabah Kar Dalenge....Hazrath Abbas Dushmano Ka Ye Zalimana Jawab Sun Kar Joshe Jihaad Me Be-Khud Ho Gaye.Aur Ghoda Chamka Kar Bijli Ki Tarha Khanjar E Aabdaar Aur Chamakti Talwar Dhuwan Dhar Chalate Huwe Aur Guruhe Ashkhiya Ku Mout Ki Aaghosh Me Sulate Huwe Aage Badhe. Ibne Sa'ad Ku Jab Aate Dekha To Ghabra Kar Chillane Laga..Khabardaar!! Mere Sipahiyo!! Bahot Hi Chakh O Choband Aur Hoshiyar Rehna Isliye Ke

Aata Hai Qabardaar!! Ab Abbas Alamdar
Nagah Zameen Ran Ki Huwi Matlaye Anwar

Har Charon Taraf Se Ye Utha Ghalghala Ek Baar
Hoshiyar Khabardar, Khabardar, Khabardar.

Aye SallelleAla Kya Pisare Shere Khuda Hai
Ye Shere Khuda Gar Nahi Shamsheere Khuda Hai.

Sehra Huwa Pur Noor Zahe Talate Abbas 
Larza Hai Dileron Me Zahe Haibate Abbas

Milta Hai Maza Dilku Zahe Surate Abbas
Kya Husn Hai Kya Jah Zahe Shoukate Abbas

Bazue Hussain Aata Hai Shamsheere Zani Ku
Ya Shere Khuda Aate Hain Khibar Shikni Ku.

Algharaz Abbas Alamdar Apne Saba Raftar Ghode Per Sawar Ho Kar Dushamanane Sitam-Shuar Ki Safon Ke Samne Seena Taan Kar Mujahidana Shaan Ke Sath Khade Ho Gaye Aur Neeza Hila Hila Kar Farmane Lage..Ke

!!.....!!.....!!.....!!.....!!.....!!.....!!!!.....!!.....!!.....!!.....!!
Aada Ku Suna Kar Kaha Koun Aata Hai Dekhen.
Neze Ku Hila Kar Kaha Koun Aata Hai Dekhe
!!.....!!.....!!.....!!.....!!.....!!.....!!!!.....!!.....!!.....!!.....!!
Teeron Ku Hila Kar Kaha Koun Aata Hai Dekhen.
Shamsheer Dikha Kar Kaha Koun Aata Hai Dekhen.
!!.....!!.....!!.....!!.....!!.....!!.....!!!!.....!!.....!!.....!!.....!!
Ham Sher Hain Ham Ko Koi Lalkar Sakega???
Talware To Kaisi Koi Dam Maar Sakega??
!!.....!!.....!!.....!!.....!!.....!!.....!!!!.....!!.....!!.....!!.....!!
Haan Mujh Ku Rakho Yaad My Haidar Ka Pisar Hoon 
Aur Baghe Nabuwwat Ke Shajar Ka My Samar Hoon.
!!.....!!.....!!.....!!.....!!.....!!.....!!!!.....!!.....!!.....!!.....!!
My Deedae Himmat Ke Liye Noore Nazar Hoon.
Pyasa Hoon Magar Saqie Kousar Ka Pisar Hoon.
!!.....!!.....!!.....!!.....!!.....!!.....!!!!.....!!.....!!.....!!.....!!
Wallah!! Mere Zarbe Tamacha Hai Bala Ka
Dilband Hoon My Shere Khuda Shere Huda Ka
!!.....!!.....!!.....!!.....!!.....!!.....!!!!.....!!.....!!.....!!.....!!
Hoshiyar Ho!! My Fatehe Khibar Ka Pisar Hoon
Saqkhaye Haram Saqiye Kousar Ka Pisar Hoon.
!!.....!!.....!!.....!!.....!!.....!!.....!!!!.....!!.....!!.....!!.....!!
My Shere Khuda Qatile Gastar Ka Pisar Hoon.
Abbas Mera Naam Hai Haidar Ka Pisar Hoon.
!!.....!!.....!!.....!!.....!!.....!!.....!!!!.....!!.....!!.....!!.....!!
Pani Ke Liye Aata Hoon Tum Rok To Dekho
Sheron Ki Ladayi Hai Zara Tok To Dekho.

Hazrath Abbas Ne Ye Kaha Aur Ghoda Doudha Kar Dushmano Ki Saffon Ko Cheerte Phadhte Huwe Is Zoor Shoor Se Aage Badhe Ke Gird O Ghubaar Ke Badal Me Yazeedi Lashkar Ka Dal-Ba-Dal Darham Barham Ho Gaya.Aur Bawajood Ye Ke Dushmanane Kore-Batin Charkhe Shuja'at Ke Is Roshan Sitare Ku Charon Taraf Se Badalon Ki Tarha Gher Kar Neza O Talwar Ka Meh Barsa Rahe The.Magar Phir Bhi Ye Haidare Karrar Ki God Ka Pala Shah Sawar Kayi Piyada O Sawar Ku Marte Katte Huwe Daryaye Furat Ke Kinare Pahonch Gaya,Aur Maskq Ku Paani Se Bhar Liya..Is Zabardast Hamla O Maar Dhar Ki Wajah Se Aap Per Be Inteha Pyaas Ka Ghalba Ho Gaya.Chunanche,Shiddate Tishnagi Se Betab Ho Kar Aap Ne Chullu Bhar Pani Hath Me Le Kar Chaha Ke Pi Len Take Taza Dam Ho Kar Ada Se Ladhte Huwe Paani Ki Maskq Qimaye Ahle Bait Me Pahonchade.Magar Jon Hi Paani Moh Ke Qareeb Le Gaye Aabid Beemar Aur Ali Asgar Sheer Khawar Ki Pyas Yaad Aagayi..Aap Ki Ghairate Imani Ne Ye Khubool Nahi Kiya Ke Saqie Kousar Ke Bete To Pyaas Se Tadapte Rahen Aur My Pani Se Serab Ho Jaon.Chunanche, Fouran Hi Aapne Chullu Ka Paani Penk Diya.Aur Farmaya Ke Aye Daryaye Furat!! Gawah Rehna Ke Tera Ek Ek Khatra Us Waqt Tak Mujh Per Haram Hai.Jab Tak Ke My Saqiye Kousar Ke Dularon Ku Bhar Bhar Pet Pani Na Pilaon Ye Kah Aur Mishkq Ku Dahne Khande Per Latka Kar Qime Ki Taraf Ghoda Doudhaya.Ibne Sa'ad Ne Apne Lashkar Ku Lalkar Kar Kaha.!! Ke Khabardaar!! Hoshiyaar!! Agar Ye Mishqh Qimaye Ahle Bait Me Pahonch Gayi Aur Shere Khuda Ke Sheron Ku Paani Mil Gaya To Tum Me Se Koi Bhi Aysa Na Rahega Jiske Bachche Yateem Aur Jiski Biwiyan Bewa Na Ho Jayen..Ye Sunte Hi Sipah Sham Ne Abbas Tishnakaam Ka Charon Taraf Se Mahasira Kar Liya.Aur Teer O Talwar Ki Barish Karne Lage.Yahan Tak Ke Noufil Mardood Ne Piche Se Dhoka De Kar Aysi Talwar Chalayi Ke Aap Ka Dahna Bazu Shaheed Ho Gaya.Aur Aap Ne Jhapat Kar Bayen Khnade Per Maskh Latkayi Phir Kisi Sitam Shu'ar Ne Aysi Talwar Mari Ke Aap Ka Bayan Bazu Bhi Kat Kar Door Zameen Per Jir Pada.Jab Dono Bazu Kat Gaye To Aapne Jhuk Kar Mishkq Ku Daton Se Pakad Liya Aur Ghode Ki Rukab Se Dushmano Ku Thokar Maarte Huwe Qime Ki Taraf Badhte Chale Ja Rahe The Ke Naghan Kisi Zalim Ne Aysa Taak Kar Miskh Per Teer Mara Ke Mishkh Me Surakh Ho Gaya.Aur Paani Girne Laga..Yahan Tak Ke Aap Jab Qime Ke Paas Pahonche To Mishkh Me Ek Qatra Bhi Paani Nahi Tha.Aur Jism Zakhmon Se Chilni Ho Chuka Tha.Nidhal Ho Kar Ghode Ki Zain Se Zameen Per Gir Pade Aur Aakhri Waqt Me Ye Keh Kar Hazrath Imam Ku Pukara Ke ..Aye Bhaijaan Apne Bhai Ki Khabar Li Jiye ..Hazrath Imam Is Aawaz Per Betabana Doudh Kar Pahonche To Dekha Ke Abbas Alamdar Khoon Me Nahaye Huwe Bihishte Bareen Ka Surkhuru Sitara Banne Ke Liye Tayyar Hain..Hazrath Imam Ne Is Zor Se Aah Khinchi Ke Karbala Ki Zameen Shidate Gham Se Dahel Gayi..Aur Aap Ku Apne Aaghoshe Rahmat Me Utha Kar Qimaye Athar Me Laye..Aur Zabane Mubarak Per Gham Me Dube Huwe Ye Kalmat The..
Ab Meri Kamar Toot Gayi Aur Mera Sahara Koi Na Raha..Phir Aap Rote Huwe Hazrath Abbas Ke Khoon Aaluda Cehre Per Apna Muh Rakh Kar ....Aye Bhai ..Aye Bhai Kah Kar Pukarne Lage..... 
cry emoticon cry emoticon cry emoticon 

Chillaye Gir Kar Lash Pe Sha'bire Naam Dar
Bhai Tumhari Nargis E Aankhon Pe My Nisar

Is Narghe Me Bhi Tha Tumhi Bhai Ka Intezar
Aankhen Phira Ke Dhondte Ho Mujh Ku Baar Baar

Shahe Zaban Hai Band Jo Lab Kholte Nahi.
Rote Huwe Ham Aaye To Ab Bolte Nahi

Be-Tab Hai Hussain Ab Barabar Jawab Do
Aye Mere Noujan Mere Safdar Jawab Do.

Ab Jaan Balb Hai Safte Payamber Jawab Do,
Aye Noore Chashm Saqiye Kousar Jawab Do.

Luknat Zabane Khushku Hai Tishna Kaam Hain,
Bhai Tumhare Sar Ki Khasam Ham Tamam Hain.

Ye Baat Sun Ke Naza Me Abbas Thar Tha Raye
Khatre Lahu Ke Ankhon Se Aariz Pe Bah Ke Aaye.

Do Baar Sar Patak Ke Pukare Ke Haye Haye!!
Pur Khoone Dahan Hussain Ke Qadmon Ke Pass Laye.

Hichki Ke Sath Mouth Ka Khanjar Bhi Chal Gaya,
Sar Paon Per Dhara Raha Aur Dam Nikal Gaya.
.."إِنَّا لِلّهِ وَإِنَّـا إِلَيْهِ رَاجِعونَ....
cry emoticon cry emoticon cry emoticon
Isi Tarha Hazrath Abbas Ke Dosre Bhai Yani Usman Bin Ali Aur Abdullah Bin Ali Aur Muhammad Bin Ali Aur Jafar Bin Ali Sab Ek ke Baad Digare Nihayat Hi Joshe Jihad Ke Sath Ladhte Huwe Rahe Haq Me Apna Gala Kata Kar Shaheed Ho Gaye...RadiAllahuTa'alaAnhum Ajmaeen....



Ab Imam Ke Samne Aap Ke Noore Nazar Hazrath Ali Akbar Hazir Hain.Aur Maidane Jang Ki Ijazat Talab Kar Rahe Hain.Allahu Akbar..!!! Ajeeb Waqt Hai Ke, Chahita Beta Shafeqe Baap Se Sar Katane Ki Ijazat Talab Kar Raha Hai..

Agar Tu Sahebe Aulaad Hoga
Tujhe Aulad Ka Gham Yaad Hoga...

Dar Haqiqath Hazrath Imam Ke Liye Bade Imtehan Ka Waqt Tha.18 Baras Ka Jawan Beta, Budhape Ka Sahara , Peeri Ka Aasa Ijazat Den To Kis Qalbe Jigar Se Aur Nahi ijazat Dete To Gulshane Risalat Ka Gul Shadab Rang O Gham Se Khumlaya Jata Hai.Kyunke Is Aarzu Mande Shahadat Ku Shouqe Jihaad Me Is Qadar Warifta Bana Diya Tha. Ke Agar Hazrath Imam Inku Maidane Jang Me Jane Se Rok Dete To Sadmat Se Inke Seene Me Shishaye Dil Pash Pash Hojata. Char O Nachar Hazrath Imam Ku Ijazat Deni Hi Padhi...

Hazrath Ali Akbar Ka Laqab "Shabi e Payamber" Hai.Yani Inki Shakal O Surat Chehre Ka Naqsha Hubahu.Jamale Mustafa SallallahuAlaihiWaSallam Ka Aaina Tha.Hazraat Sahaba E Keraam RadiAllahuAnhum Ku Jab Deedare Muhammadi Ka Shouqh Be-Tab Karta Tha To Door Door Se Safar Karke Madine Munawwara Aate The..Aur Ali Akbar Ke Chehre Anwar Ka Jamal Dekhkar Inke Dilon Ku Tasalli Hasil Ho Jati Thi...Ye Noor Ka Paikar Aur Tanveere Mustafa Ka Mar'qa Jiske Jamale Surat Per Hazron Ronayiyan Tasadduq Aur Jis Ke Qadmon Per Noujawani Ki Lakhon Baharen Qurbaan Ho Rahi The. Jis Waqt Maidane Jang Ka Irada Karke Rawana Hone Lage To Hazrath Imam Khime Ke Andaar Tashreef Le Gaye..Aur Tabarrukat Ka Sandokh Khool Kar Behtareen Tabarrukat Jo Mehfooz The Nikal Kar Laye. Aur Uruse Shahadat Ki Good Me Qiyamat Tak Sone Wale Dulha Ku In Muqaddas Tabarrukat Se Aarasta Farma Diya.Aur Apne Shahzada Ali Akbar Ku Is Shan Se Maidan Me Bheja Ke..

Quba E Rahmate Aalam Pehnayi Jisme Athar Per,
Shahe khaibar Ke Patke Se Kamar Bandhi Gayi Kas Kar.

...Sare Anwar Pe Rakha Khud, Apni Zarrah Pehnayi,
Badayi Joshane O Chaar Aaine Se Shane Ronayi.

Saja E Dast O Bazu O Neza O Shamsheer O Khanjar Se 
Dua Mangi Utha Kar Daste Rahmat Rabbe Akbar Se.

....Ilahi Ye Mera Laqte Jigar Hai Rahate Jaan Hai,
Ye Teri Rah Me 100 Jaan Se Ab Hone Ku Qurbaan Hai.

Khudawande Jahan!!! Maqbool Farma Meri Qurbani,
Ata Kar Sabar Isku Jab Ho Isper Teer Barani.

....Dua'en Den Kaha Noore Nazar!! Jao Khuda Hafiz
Rahe Haq Me Adu Se Jang Farmao Khuda Hafiz.

Gharz, Muqaddas Baap Ki Pyari Pyari Duaon Se Daman Bhar Kar Ye Asadullahi Sher Maidan Me Aaya.Aur Zulfiqare Haidari Chamka ker Mujahidana Lahje Me Rijz Ka Ye Sher Padha...

Yani Guruhe Ashqiya!! Tum Muje Jaan Lo Aur Pehchan Lo Ke Mera Naam Ali Akbar Hai. Aur My Imam Hussain Ka Beta Hon..Aur Imam Hussain Faatihe Khibar Ali Haidar Ke Noore Nazar Hain..Aur Yaad Raklho Ke Ham "Ahle Bait" Hain. Aur Sunlo Ke Is Aasman Ke Neeche Khuda is Zameen Ke Uper Khuda Ke Nabi Ka Ham Se Ziyada Khareebi Rishtedaar Koi Nahi Hai.

Shazade Ne Jis Waqt Ye Rijz Padhi ...To App Ki Mujahidana Haibat Se Registane Karbala Ka Zarra Zarra Kanp Utha. Aur Kore Batin Yazeediyon Ku Jab Shabihe Payember Ali Akbar Ke Chehre Anwar Per Jamale Mustafa Ki Tajalliyan Nazar Padhe To O Mahwe Hairat Ban Kar Ibne sa'ad Se Puchne Lage..Ke Ye Koun Sawar Aagaya??? Ke Jiske Husn O Jamal Ki Tajalliyan Nigahon Ku Khira Kar Rahe Hain.Ibne sa'ad Ne Kaha Ke Ye Imam Hussain Ke Farzand Hain..Jo Jamale Surat Me Ham Shakle Mustafa..Aur Jamale Seerat Warise Ali Mutuza Hain..

Ye Sun Kar Yazeedi Fouj Me Ek Sannata Cha Gaya..Aur Unke Zameer Ki Aawaz Ne Unhi Jinjhoda Ke ..Allahu Akbar!! Tanweere Mustafa Ki Noorani Tasweer Per Koun Talwar Uthane Ki Jurrat Kar Sakta Hai?? Lekin Yazeed Paleed Ke Inam O Ikram Ki Tama Ka Bhoot Unke Saron Per Sawar The..Aur Duniya Ki Hiris Ne ..Inhi Is Qadar Andha Bana Diya Tha Ke ..O Ahle Bait Ki Qadar O Manzilat Aur Apne Kartoot Ki Shamat O Nuhusat Ku Jante Huwe Bhi Apni Shakhawat Se Baaz Nahi Aaye..Aur Aale Rasool Ke Khoon E Nahaq Ka Na Mitne Wala Dhabba Apni Peshaniyon Per Laga Kar ..Dono Jahan Ki Rusiyahi Me Giraftar Aur Qahre Qahhar O Ghazbe Jabbar Ke Sazawar Bane!!! Bahre Kaif Ali Akbar Ne Aada Ki Safon Ki Samne Khade Ho Kar Ek Nara Mara. Aur Farmaya Ke Aye Sitamgaron!!! Agar Tumhe Aale Rassol Ke Khoon Ki Pyaas Hai To Tumme Jo Sabse Ziyada Bahaddur Ho..Usku Maidan Me Bhejo..Aur Tum Ku Zoore Baazu E Haidar Dekhna Hoto..Mere Samne Aao..Shazade Aali Waqar Ki Mujahidana Lalkar Sun Kar Lashkare Ashrar Saham Gaya. Aur Kisi Me Bhi Ye Himmat O Jurrat Nahi Huwi Ke Zulfiqare Haidari Ka Samna Karna Jab Baar Baar Ki Lalkar Ke Bawajood Koi Khoonkhawar Aage Nahi Bada..To Aapne Fouran Hi Ghoda Khuda Kar Dushmno Ki Safon Per Hamla Kar Diya..Aur Jis Taraf Rukh Kiya Sitamgaron Ka Aahini Lashkar Kayi Ki Tarha Phat'ta Chala Gaya. Ek Ek Waar Me Kayi Kayi Dev-Pikar Khoon Kharon Ku Khere Aur Kakdi Ki Tarha Kaat Kar Dal Diya.Tabhi Lashkar Ke Maimana Per Qahre Ilahi Ki Bijli Girayi To Khouf O Hiras Se Dilawaron Ka Lashkar Zer O Zabar Ho Gaya.Aur Kabhi Palat Kar Fouj Ke Maisira Per iqaab Ki Tarha Jhapte To Bahaduron Ki Safon Ku Darham Barham Kar Dala.Aur Kabhi Qalbe Lashkar Me Ghota Laga Kar Neeze Ki Zarb Aur Talwar Ki Maar Ka Jouhar Dikhaya To Gardan Kashon Ke Sar Mosame Khizan Ke Patton Ki Tarha Jhad Kar Girne Lage..Ek Shor Barpa Ho Gaya...Aur Bade Bade Sormaon Ke Ausaan Khata Aur Bade Bade Jang-jo Bahaduron Ki Himmate Shikista Aur Housle Past Ho Gaye.Shere Haq Ka Hamla Na Tha..Balke Qahre Ilahi Ka Ek Azabe Azeem Tha..Jo Unke Saron Per Barkhe Khatif Ban Kar Musallat Ho Gaya Tha...Har Taraf Kushton Ke Pushte Laga Diye.Aur Karbala Ki Zameen Ku Zalimon Ke Khoon Se Rangeen Bana Dala..Lekin Teez Dhup Tapta Huwa Registan , Jhusa Dene Wali Garam Garam Lu Ke Thapede Me Doudh Dhoop Aur Hamlon Ki Shiddat Ne Is Mujahide Jaan Baaz Ku Pyaas Se Beqarar Kar Diya...Chunanche Aap Palat Kar Hazrath Imam ki Qidmat Me Aaye..Aur Meharbaan Baap Ku Apni Khushkh Zaban Dikhakar Arz Kiya Ke Yani Abba Jaan...Pyaas Ka Ghalba Hai..Magar Yahan Paani Kahan Tha?? Jo Is Tishnaye Shahadat Ku Sairab Kiya Jata...Shafeeq Baap Ne Apni Angushtari Inayat Farmayi..Aur Kaha Ke Beta Isku Muh Me Rakh Lo Muqaddas Baap Ki Mushaffiqana Tasalli Se Kuch Taskeen Huwi To ...Phir Razmgah Ka Rukh Kiya..Aur Farmaya Ke Aye Guruhe Ashrar!! Jis Ke Sar Per Mout Sawar Ho O Mere Samne Aaye...Aur Zulfiqar Ka Maza Chakle ..Aapne Kayi Baar Lalkar Kar Mubarz Talab Farmaya..Magar Kisi Bahaddur Ka Qadam Aage Nahi Bada..Aur Aysa Maloom Hota Tha Ke Bhooke Sher Ke Samne Bakriyon Ka Ek Galla Hai..Jo Jaan Ke Khouf Se Dam Ba Khud Aur Larza Barandam Hai...

Ye Manzar Dekh Kar Ibne sa'ad Ne Tarukh Pehalwan Se Kaha...Aye Tarukh !! Bade Sharam Ki Baat Hai Ke Ek Akela Hashmi Noujawwan Maidan Me Tum Hazaron Ku Lalkar Raha Hai..Magar Tumme Koi Bhi Aysa Ghairatmand Nahi Hai.Jo Iska Muqabila Kare...Aye Tarukh !! Agar Tu Aage Badh Kar Is Noujawan Ka Sar Katle To My Wada Karta Hoon Ke Tujhe Abdullah Bin Zayad Se Mosal Ki Governari Ka Parwana Dila dunga..Duniya ka Kutta Tarukh Governari Ke Lalach Me Farzande Rasool Ka Khoon Bahane Ke Liye Doudh Pada..Aur Neza Taan Kar Hazrath Ali Akbar Per Khatilana Hamla Kar Diya..Magar Asadullahi Shuja'at Ke Waris Ne Kamale Hunar Mandi Se Dushman Ke Waar Ku Rad Kar Diya..Aur Khud Aage Badh Kar Tarukh Ke Seene Me Aysa Neeza Mara Ke Uski Peet Se Paar Hogaya.Aur Ladhkhada Kar Ghode Se Gira..Aur Girte Hi Margaya..Aur Shahzade Ne Apne Ghode Ki Tap Se Iski Lash Ku Rond Kar Uski Haddiyon Ku Bhi Chakna Choor Kar Diya..Tarukh Ke Bete Umru Bin Tarukh Ne Apne Baap Ku Is Zillat Ke Sath Qatal Hote Dekha To Isper Khoon Sawar Ho Goya..Aur O Gusse Me Aag Bagola Ho Kar Jhillaya Huwa Aage Badha..Aur Majnunon Ki Tarha..Hazrath Ali Akbar Per Hamla Karne Laga..Magar Aapne Ek Hi Neeze Ki Maar Se Usku Bhi Iske Baap Ke Pass Pahoncha Diya..Tarukh Ka Dosra Beta Talha Bin Tarukh Baap Aur Bhai Ke Inteqam Lene Ke Liye Sholae Jawala Ki Tarha Uchalta Kudta Talwar Lekar Ghode Per Sawar Huwa Aur Hazrath Ali Akbar Per Chadh Daudha..Magar Aapne Uska Patka Pakadh Kar Aysa Jhatka Diya Ke Ghode Se Girne Laga..Phir Aapne Usku Is Zoor Se Zameen Per Patka Ke Iska Dam Nikal Gaya..Aur Hazrath Ali Akbar Ki Haibate Haidari Se Yazeedi Lashkar Me Zalzala Aagaya..Ibne Sa'ad Ne Gusse Me Aakar Misra Bin Ghalib Ku Hamle Ka Hukm De Diya.Chunanche O Nihayat Hi Mutakabbirana Andaz Me Neza Hilata Huwa Aap Ki Taraf Badha Aur Jaise Hi Usne Neza Tana Aapne Neze Per Aysi Talwar Mari Ke Uska Neza Khalam Hogaya..Aur Phir Iske Sar Per Talwar Ka Aysa War Kiya Ke Uska Sar Do Tukde Ho Kar Zameen Per Gir Padha..Ibne Sa'ad Ne Jab Ye Dekha Ke Ab Kisi Bahadur Me Is Shere Haq Ke Muqabile Ki Tab O Himmat Nahi Hai..To Usne Ek Bahaddur Pahelwan Ku Hukm Diya Ke O Ek Hazar Sawaron Ku Sath Le Kar Pehle Inka Muhasira Kare..Phir Door Se Teeron Ki Barish Ki Jaye..Aur Jab Ye Shere Khuda Ka Sher Zakhmi Ho Kar Muzmahel Ho Jaye To Isku Nezon Se Ched Kar Talwar Se Qatal Kar Diya Jaye...Chunanche, Sitamshuaron Ne Ek Bargi Charon Taraf Se Ghera Dal Kar Teeron Ki Barish Shuru Kar Di..Yahan Takke Zakhmon Se Chakna Choor Ho Kar Chamane Fatimah Ka Ghunchaye Hussain Apne Khoon Me Naha Kar Rangeen Ho Gaya..Aur Ibne Numer Ne Aap Ke Senae Anwar Per Aysa Neza Mara Ke Aap Ghode Ki Zain Se Zameen Per Tashreef Laye..Aur Shafeeq Baap Ku Pukara Ke Abba Jaan..Apne Noore Nazar Ku Sambhaliye...Shahzade Ki Pukar Per Hazrath Imam Be-Tabana Ghoda Doudha Kar Maidan Me Pahonche Aur Aap Ku Utha Kar Khime Me Laye..Aur Shabiye Payambar Ke Cehre Anwar Se Khoon Aalud Ghubar Apne Damane Athar Se Saaf Karne Lage..Itne Me Ali Akbar Ne Aankhen Kholden Aur Aakhri Baar Hazrath Imam Ka Deedar Karke Hamesha Ke Liye Aankhen Band Kar Liyen..Aur Bihishte Bareen Ku Rawana Ho Gaye..
.."إِنَّا لِلّهِ وَإِنَّـا إِلَيْهِ رَاجِعونَ....

Hazrath Imam Ne Ba-Didaye Tar Lakhte Jigar Ki Lash Ku Zameen Per Lita Kar Zabane Haal Se Ye Farmaya...

Jab Khak Per Lita Chuke Lashe Pisar Imam 
Tader Roye Phir Ye Zameen Se Kiya Kalam,
....My Ibne Bu-Turab Hoon Mazloom O Tishnakam
Aur Hai Ye Mera Lakhte Jigar Badre Lalafaam
....Yeza Na Dijo Ke Mera Gule Zaar Hai,
Barchi Ke Phal Se Iska Kaleja Figar Hai,
....Hasrat Zadah Jahan Se Utha Hai Ye Mahe-Jabeen,
Sun Sun Ke Iska Waqia Royenge Momineen,
....Taghon Se Pash Pash Hai Sab Jism Nazneen,
Rakh Isku Ehtiyaat Se Daman Me Aye Zameen,
....18 Saal Ki Hai Ye Doulat Hussain Ki 
Ab Hai Tere Supard Amanat Hussain Ki,



Abhi Imam Aali Maqam Ali Akbar Ki Lash Mubarak Ku Zameen Per Lita Kar Uthe Hi The Ke Hazrath Imam Ki Behan Hazrath Bibi Zainab Hazrath Imam Ke Sheer Khawar Bachche Ali Asghar Ku God Me Liye Huwe Tashreef Layen..Aur Kehne Lagen Ke Bhai Hussain Ab Hamse Ali Asgar Ki Pyas Dekhi Nahi Jati..Bhooki Pyasi Maa Ke Seene Me Dudh Khush Ho Chuka Hai..Aur Ye Sheer Khawar Bachcha Pyaas Se Betaab Aur Tishnagi Ki Shiddat Se Tadap Tadap Kar Dam Tod Raha Hai..Phool Jaisa Haseen O Rangeen Chehra Bhook Pyaas Aur Tapish Se Murjha Gaya Hai..Aur Iske Patle Patle GuLabi Rang Ke Hont Jiski Nazakat O Rangini Per Gulab Ki Kaliyan Qurban Hoti Then. Pyaas Ki Shiddat Se Kaale Padh Gaye Hain..Iska Rona Bilakna Aur Tadapna Machalna..Dekhne Ki Ab Hamare Andar Taab Nahi Hai..Isliye Bhaijaan Meri Ye Raye Hai Ke Aap Is Nahnhi Si Jaan Ku Maidan Me Le Ja Kar Sitamgaron Ku Dukhayiye..Shayad In Sang Dilon Ku Is Bachche Ki Pyaas Per Raham Aajaye..Aur O Chand Ghont Is Bachche Ku Pani Pila Den.

Bahen Ke Israr Se Majboor Ho Kar Imam Aali Maqam Apne Noore Nazar Ali Asagr Ku Apni God Me Utha kar Siyah Dil Dushmano Ke Samne Tashreef Le Gaye...ke Aye Mere Nana Jaan Ka Kalma Padhne Walon My Apne Tamam Shazadagane Ahle Bait Ku To Tumhari Berahmi Aur Joor O Jafa Ki Nazar Kar Chuka Ab Ye Mera Sabse Chota Bachcha Hai...Jo Gulshane Rasool Ka Sabse Nanhna Pouda Hai...Jo Pyaas Ki Shiddat Se Dam Tod Raha Hai..Mera Ye Be-Zaban Bachcha Isne Ab Tak Kisi Se Koi Sawal Nahi Kiya Hai..Magar Aaj Ye Apne Nhanhe Nhanhe Haton Ku Tumhari Taraf Phaila Kar Tum Se Darya E Furat Ke Chand Ghont Paani Talab Kar Raha Hai..Agar Tumhare Baghi Hain To Ham Hain Tumhare Dushman Hain To Ham Hian... Tum Hame Paani Mat Do Magar Is Noor Ki Tasweer Aur Husn Ki Murat Ki Pyaas Per Raham Khao Aur Khuda Ke Liye..Tum Mere Lal aur Chamane Fatimah Ke Nounihal Ku Chand Ghont Daryaye Furat Ka Pani PilaDo..My Wada Karta Hoon Ke Maidane Mehshar Me Tumhe Apne Nana Jaaan Ke Hath Se Bhar Bhar Pet Kousar O Salsabeel Ka Jaam Pila Dunga...!!! Abhi Hazrath Imam Ki Dil Hila Dene Wali Taqreer Jari Hi Thi Ke Hurmala Bin Kahil Mardood Ne Zahar Ka Bujhaya Huwa Teer Aysa Nishana Bandh Kar Mara Ke Ali Asgar Ke Khush'k Halqoom Ku Chedta Huwa Hazrath Imam Ke Bazu Me Chub Gaya..Hazrath Imam Ne Teer Kheench Kar Nikala To Khoon Ka Fawwara Ali Asgar Ke Gale Se Ubalne Laga.Pyase Bachche Ne Fouran Hi Dam Tod Diya..Aur Nhanhi Si Lash Khoon Me Naha Gayi....Hazrath Imam Ne Hasrat Bhari Nigah Aasman Ki Taraf Uthayi..Aur .
.."إِنَّا لِلّهِ وَإِنَّـا إِلَيْهِ رَاجِعونَ.... Padha..Aur Nanhe Shaheed Ki Lash Ku Apne Kaleje Se Chimtaye Aur Chadar Me Chupaye Huwe Aahista Aahista Khime Ki Taraf Rawana Huwe..Khime Ke Darwaze Per Hazrath Imam Ki Behan Dosri Pardanasheenane Ahle Bait Ke Sath Imam Ki Aamad Ka Intezar Kar Rahi The..Imam Ku Door Se Aata Dekh Kar Hazrath Bibi Zainab Hazrath Bibi Sakina Se Kehne Lage Ke Beti Sakina..Mujhe Aysa Maloom Hota Hai Ke Shayad Ali Asgar Ku Paani Mil Gya...Aur Pyasa Bachcha Paani Se Sairab Ho Kar Baap Ki God Me So Gaya Hai...Kyunke Jab Bachcha Ja Raha Tha To Pyaas Se Tadapta Aur Machalta Huwa Gaya Tha..Lekin Ab Hath Paon Nahi Hilata...Aur Bade Sukoon Se Baap Ki God Me Chala Aa Raha Hai...Lekin Hazrath Imam Ne Jab Khime Me Pahonch Kar Khoon Me Nahayi Huwi Nhanhe Shaheed Ki Lash Ku Chadar Me Se Nikala To Ye Manzar Dekh Kar Musturate Haram Ki Cheekh Nikal Gayi.... 

Phire Wahan Se Jo Lasha Liye Shabbir...
Khadi Then Devdhi Pe Aur Roo rahaion then Sab Dilgir
....Khareeb Aake Ye Bole Hussain Pur Tanveer
Sidhare Asghare Be-Sher Khake Halaq Pe Teer,
....Tumhara Mahe Liqa Khoon Me Bhar Gaya Banu,
Tadap Ke God Me Marhom Mar Gaya Banu.

Hazrath Imam Ne Nhanhi Si Lash Ku Behan Ki God Me Diya, Aur Farmaya Ke Behan Zainab !!! Sabar Karo Aur Shukr Ada Karo Ke Khuda Ne Hamse Ye Sabse Choti Qurbani Bhi Qubool Farmali.Aur Behan Zainab !!! Khuda Ka Sajda E Shukr Ada Karo Ke Mujahideene Karbala Ka Sabse Nhanha Sipahi Bhi Apne Khoon Ka Aakhri Qatra Raahe Haq Me Qurbaan Karke Dono Jahan Me Sar Khuru Ho Gaya.Hazrath Bibi Zainab Ne Ali Asgar Ki Lash Ku God Me Liya , Aur Kehne Lage Ke Haye!!! My Ab Isku Kis Tarha Is Ki Maa Ke Pass Lekar Jaon?? My To Isku Abhi Abhi Iski Maa Se Ye Kah Kar Layi Thi Ke My Tere Bachche Ku Paani Pilane Ke Liye Le Ja Rahi Hoon. Hazrath Zainab Ne Jis Waqt Maa Ko God Me Ali Asgar Ki Lash Ku Diya To...Maa Ne Haye Mera Laal!!! Kah Kar Lash Ku Apne Kalije Se Lagaliya. Aur Rote Huwe Kaha Ke Beta!! Ek Martaba Aur Apni Maa Ke Sukhe Huwe Pistan Me Muh Lagalo...Kyunke Ab Tumko Seene Se Lagana Mujhe Kabhi Naseeb Nahi Hoga..Haye Afsoos!! 

Phool To Do Din Bahare Jaan Fiza Dikhla Gaye
Hasrat In Gunchon Pe Hai Jo Bin Khile Murjha Gaye.