Allah Ta'ala Ne Qur'an e Majeed Me Irshaad Farmaya Ke:
"AYE IMAAN WALO !! JAB TUM SE KAHA JAYE MAJLISON ME JAGAH DEDO TO TUM LOG JAGAH DEDO.ALLAH TA'ALA TUM KO JAGAH DEGA.AUR TUM SE KAHA JAYE KE UTH KHADE HO TO UTH KHADE HO JAO.ALLAH TA'ALA TUM ME SE IMAAN WALON AUR ILMWALON KE DARJAAT KO BULAND FARMA DEGA."
(Para 28, Ruku:2)
RasoolAllah SallallahuTa'alaAlaihiWaSallam Ne Irshaad Farmaya Ke Koi Shaksh Aysa Na KAre Ke Majlis Se Kisi Ko Utha KAr Khud Us JAgah Baith JAye Balke Aane Walon Ke Liye Hat Jaye Aur Jagah Kushada Karde.
(Bukhari Waghaira)
Majlison Me Har Mard Awrat Ko In Chand Aadaab Ka Lihaaz Rakhna Chahiye.
1.Kisi Ko Us Jagah Se Utha Kar Khud Wahan Mat Baitho.
(Abu Dawood Jild:2 Safa:316)
2. Koi Majlis Se Uth KAr Kisi Kaam Ko Gaya.Aur Ye Maloom Hai Ke O Abhi Aayega.To Aysi Surat Me Us Jagah Kisi Aur Ko Baithna Nahi Chahiye.Wo Jagah Usi Ka Haq Hai.
(Abu Dawood Jild 2 Safa 317)
3.Agar Do Shaksh Majlis Me Paas Paas Baith KAr Baten KAr Rahe Hoon To Un Dono Ke Beech Me Ja KAr Nahi Baith Jana Chahiye. Haan Albatta Agar Wo Dono Apni Khushi Se Tumhe Apne Darmiyaan Me Baithayen To Baithne Me Koi Harj NAhi.
(Abu Dawood Jild:2 Safa:317)
4.Jo TumSe Mulaqaat Ke Liye Aaye To Tum Khushi Ka Izhaar Karte Huwe Uske Liye Zara Apni Jagah Se Khisak Jao Jisse O Ye Jane Ke Meri Qadar Wa Izzat Ki.
5. Majlis Me Sardar Ban KAr Mat Baitho.Balke Jahan Bhi Jagah Mile Baith JAo.Ghamand Aur Guroor Allah Ta'ala Ko Behad Na-Pasand Hai. Aur Tawazo Aur inkesari Allah Ta'ala Ko Bahot Ziyada Mehboob Hai.
6.Majlis Me Cheenk Aaye To Apne Muh Per Apna Haat Ya Koi Kapda Rakh Lo Aur PAst Aawaaz Se Cheenko.Aur Buland Aawaaz Se Alhamdulillah Kaho Aur Hazreen e Majlis Jawaab Me يَرْحَمُكَ اللَّهُ (YarhamukAllah) Kahen.
7.Jamae Ko Jahan Tak Ho Sake Roko. Agar Phir Bhi Na Ruke To Hath Ya KApde Se Muh Dhank Lo.
8. Bahot Zoor Se Kehkhah Laga Kar Mat Hanso, Ke Is Tarha Hasne Se Dil Murda Ho Jata Hai.
9.Majlison Me Logon Ke Samne Tewri Chadha Kar Aur Mathe Per Bal Dal Kar Naak Muh Chadha Kar Mat Baitho Ke Ye Ghamandi Logon Aur Mutakabbiron Ka Tariqa Hai.Balke Nihayat Aajizana Andaaz Se Gareebon Ki Tarha Baitho.Koi Baat Mouqe Ki Hoto Logon Se BolChal Bhi Lo.Lekin Hargiz HArgiz Kisi Ki Baat Mat Kato .Na Kisi Ki Dil Aazari Karo.Na Koi Gunah Ki Baat Bolo!.
Majlis Se Uthte Waqt Ki Dua:
RasoolAllah SallallahuTa'alaAlaihiWaSallam Ne Farmaya Ke Jo Shaksh Majlis Se Uth Kar Teen(3) Martaba Ye Padhlega.AllahTa'ala Uske Gunahon Ko Mita Dega Aur Jo Shakshs Majlis-e-Khair Aur Majlis-e-Zikr Me Is Dua Ko Padhega.AllahTa'ala Uske liye Us Khair Par Mohar Kardega.
(Abu Dawood Jild 2 Safa 319)
سُبحَانَکَ اللہُمَّ وَ بِحَمدِکَ لآَاِلَهَ اِلآَ اَنتَ اَستَغفِرُكَ وَاَتُؤبُ اِلَيكَ-
Tarjuma:
Aye Allah! Ham Teri Tareef Ke Sath Teri Paaki Bayan Karte Hai.Tere Siwa Koi M'abood Nahi Mai Tujh Se Bakshish Mangta Hoon Aur Tere Darbaar Me Touba Karta Hoon.
Allah Ta'ala ne Qur'an Majeed Me Irshaad Farmaya Ke:
"AUR ZAMEEN PER ITRA KAR MAT CHALO.KOI ITRA KAR CHALNEWALA FAKHR KARNEWALA ALLAH KO PASAND NAHI HAI AUR DARMIYANI CHAAL CHALO (na bahot hi aahista aur na bilkul doudh kar )
AUR BAAT CHET ME ITNI AAWAZ PAST RAKHO.BESHAK SAB AAWAZON ME BURI AAWAZ GADHE KI HAI."
(Para:21, Ruku 11)
Dosri Aayat Me Irshaad Farmaya:
"Yaani TU ZAMEEN PER ITRA KAR MAT CHAL.BESHAK TO HARGIZ NA TO ZAMEEN KO CHEER DALEGA.AUR NA TU BULANDI ME PAHADON KO PAHONCHEGA."
(Para:15,Ruku:4)
Tesri Aayat Me FArmaya Ke :
"YANI RAHMAAN KE BANDE WO HAIN JO ZAMEEN PER AAHISTA CHLATE HAIN"
(Para:19, Ruku:4 )
◆ Mas'ala: Chalne Me Itra Itra KAr Chalna.Ya Akda KAr Chalna.Ya Dayen Bayen Halte Aur Jhumte Huwe Chalna, Ya Zameen Per Paon Tapak Tapak KAr Chalna.Ya Logon Ko Dhakka Dete Huwe Chalna. Ye Sab Allah Ta'ala Ko Na PAsand Hai.Aur RasoolAllah SallallahuTa'alaLAaihiWaSallam Ki Sunnat Ke Khilaf Hai Is Liye Shari'at Me Is Qism Ki Chaal Chalna Man'a Aur Na-Jaiz Hai.
◆ Hadees Shareef Me Hai Ek Shaksh Do Chadaren Odhe Huwe Itra Itra Kar Chal Raha Tha Aur Bahot Ghamandi Me Tha To Allah Ta'ala Ne UsKo Zameen Me Dhansa Diya Aur Wo Qiyamat Tak Zameen Me Dhanstahi Rahega.
(Bukhari Wa Muslim Wa Mishkaat Jild 2 Safa: 44)
◆ Ek Hadees Me Ye Bhi Aaya HAi ke Chalne Me JAb Tumhare Samne Awraten Aajayen To Tum Unke Darmiyan Me Se Mat Guzro Dahne Ya Bayen Ka Rasta Lelo
(Sh'abul Imaan Bihaqi)
◆ Mas'ala: Rastah Chod Kar Kisi Ki Zameen Me Chalne Ka Haq Nahi. Haan Agar Wahan Rasta Nahi Hai To Chal Sakta Hai.Magar Jab Ke Zameen Ka Malik Mana Kare To Nahi Chal Sakta.Ye Hukm Ek Shaksh Ke Mutaliq Hai Aur Jo Bahot Se Log Hon To Jab Zameen Ka MAlik Razi Na Ho Nahi Chalna Chahiye Lekin Agar Raste Me Paani HAi Aur Uske Kinare Kisi Ki Zameen Hai Aysi Surat Me Us Zameen Par Chal Sakta Hai.
(Bahar e Shari'at Jild:16 Safa:7Aalamgeer)
◆ Baaz MArtaba Khet Boya Hota Hai Zahir Hai Ke Us Me Chalna Kashtkaar Ke Nuksaan Ka Sabab Hai Aysi Surat Me Hargiz Usme Chalna Na Chahiye Balke Baaz Martaba Kashtkaar Khet Ke Kinare Per Kaante Rakh Dete Hain. Ye Saaf Uski Daleel Hai Ke Us Ki Janib Se Chalne Ke Muman'at Hai. Us Per Bhi Baaz Log Towajah Nahi KArte. Un Logon Ko Jaan Lena Chahiye Ke Us Surat Me Chalna Man'a Hai.
(Bahare Shari'at Jild 16 Safa: 17)
◆ Baat Cheet Me Hamesha Iska Dhyan Rakho Ke Tumhari Zubaan Se Koi Gunah Ki Baat Na Nikal Jaye.
Hadees Shareef Me Hai Ke Bahot Se Logon Ko Un Ki Zubano Se Nikli Huwi Baten Jahannum Me Le Jayegi , Isliye Khaas Tour Per Baat Cheet Karne Me In Baton Ka khayal Rakho..!!
1.Be-Soche Samjhe Hargiz Baat Mat Kaho.Jab Soch Kar Tumhe Yaqeen Ho Jaye Ke Ye Baat Kisi Tarha Buri Nahi Hai,Tab Bolo, Warna Bolne Se Chup Rehna Behtar Hai. !!
2. Kisi Ko Be-Emaan Kehna , Ya Ye Kehna Ke Falan Per Khuda Ki Maar.Khuda Ki Phatkaar, Khuda ki Lanat Khuda Ka Ghazab Padhe. Falan Ko Dozakh Naseeb Ho.Is Tarha Se Bolna Gunah Ki Baat Hai Jis Ko Aysa Kaha Hai Agar Waq'e Wo Aysa Na Ho.To Ye Sari Lanat Aur Phatkaar Lout Kar Kehne Wale Per Padhegi.!
3. Agar Tum Ko Kisi Ne Dukh Dene Wali Baat Kehdi Hai To Tum Sabr KAro Aur MAaf Kardo Tumhe Bahot BAda Ajar-o-Sawaab Milega. Aur Agar Tum Us Ka JAwaab Dena Chaho To Tum Bas Itna Hi Keh Sakte Ho Jitna Usne Tum Ko Kaha Hai.Agar Usse Ziyada KAhoge to GunahGaar HoJaoge.
4. Dughli Baat Kabhi Hargiz Hargiz Mat Karo Ke Uske Muh Per Uski Si baat Karo. Aur Dosre Ke Muh Uski Si Baat Karo.Ke Ye Dono Jahan Me Ruswayi Ka Samaan Hai.!
5. Na Kisi ki Chughli (Backbiting) Karo Na Kisi Ki Chughli (Backbiting) Suno.Ke Ye Bade Bade Fasadon Ki Jad Aur Gunah e Kabeera Hai.
6.Jhooth Kabhi Hargiz Na Bolo Ke Ye Bada Hi Sakht Gunah e KABEERA Hai.
7.Khushamad (flatter) Ke Tour Pe Na Kisi Ke Muh Par Uski Tareef Karo Na Peeth Ke Peeche Bhi Had Se Zyada Kisi Ki Tareef Karo.
8.NA Kisi Ki Gheebat(Chugli/BackBiting) Karo Na Kisi Ki Gheebat Suno Ye Gunah e KABEERA Hai,Aur Gheebat Ye Hai Ki Kisi Ki Peeth Ke Peeche Uski Koi Aysi Baat Kehna Ki Agar Wo Sune To Usko Rang Ho Agarche Wo Baat Sachi Hi Ho,Aur Agar Wo Baat Hi Galat Ho To Us Ko Kehna Ye Bohtaan Hai Isme Gheebat Se Bhi Zyada Gunah Hai.
9..Jis Shakshs Ki Gheebat Ki Hai Agar Ussse Maaf Na Karwa Sako To Uske Liye Maghfirat Ki Duaen Kiya Karo.Umeed Hai Ke Qayamat Me O Maaf Karde.
10.Kabhi Hargiz Kisi Se Jhootha Waada Na Karo.
11.Mahez APNI Baat Ko Unchi Rakhne Ke Liye Kisi Se Behas(Argue) Na Karo.
12.KAbhI Aysi Hasi Mat Haaso Jisse Dusra Zaleel Ho Jaye.
13.Suni Sunayi Baato Ko Bina Tehkeek Kiye Huwe Mat Kaha Karo.Kyuki Aksar Aysi Baate Jhuthi Hoti Hai.
14.Kisi Ki Buri Surat Ya Buri Baat Ki Nakal Mat Karo.(SayNoToMockery)
15.Hamesha Achchi Baate Logo Ko Batate Raho Aur Buri Baato Se Logo Ko Maana Karte Raho.
