Rouza-E- Munawwara per Imam Ka Aakhri Salam
4:57 pm
Hazrat Imam Aali Maqam Apne Kaashane Aqdas Se Nikal Ker Apne Nana Jaan ﷺ Se Aakhri Salam Ke Liye Hazir Ho Rahe Hain.
Mazare Mustafa Per Sham Hote Hi Imam Aaye
Ijazat Ki Garaz Se Aakhri Kerne Salam Aaye
Kaha Ro Ker Salam Ae Taajdare Aalam Imka
Salam Ae Sarware Aalam Salam Ae Sarware Zeeshan
Zara Dekho To Chahre Se Otha Ker Gusha-E- Daama
Husain Ibn Ali Per Tang Hai Taiba Ki Ab Galiya
Yazidi Dour Hai Islam Hai Sarkar Khatre Mai
Nawasa Aapka Us Waqt He Dushman Ke Narge Mai
4 Shaban Hijri- 60 Ko Jumma Ki Rath Mai Madina Munawwara Se Aap Makka Mukarrama Ke Liye Apne Ahle O Ayaal Or Khuddam Ke Hamra Rawana Hogaye Jab Aap Ki Sawari Chali To Rah Mai Jo Log Milte Hairat Se Sawal Kerte The Ke Ya Ibne Rasool Allah ﷺ Madina Chod Ker Kaha Ki Tayyari Hai?? Aap Ye Sun Ker Faraqe Rasool ﷺ Mai Zaar Zaar Rote Or Apne Dil Be-Qarar Ka Haale Zaar Suna Ker Dusro Ko Bhi Rulate. Jab Makka Mukarrama Ke Qareeb Puhche To Tamam Bashindgaane Haram , Budhe Or Jawan Khushi Mai Ye Tarana Padhte Huwe Istaqbal Ke Liye Dour Padhe
Jin Se Rushan He Madina O Qamar Aate Hain
Jinka Ma'Adan He Najaf Mai Wo Guhar Aate Hain
Hazrat Sarware Aalam Ke Pisar Aate Hain
Sayyada Fatima Ke Lakhte Jigar Aate Hain !
Phir Aap Makka Mukarrama Pahonch Kar Baqiya Shaban O Ramzan O Shawwal O Zilqada Nihayat Hi Aman O Amaan Ke Sath Rahe Or Ahle Makka Aap Ke Fayooz O Barakat Se Mala Maal Hoker Maare Khushi Ke Par Le Nahi Samate The.
Saeed Bin Aas Jo yazid Ki Janib Se Makka Mukarrama Ka Governer Tha Usne Bhi Aap Ke Sath Mazahamat Nahi Ki. Lekin Usne Makka Mukmukarrama Mai Aap Ki Tashreef Aawari Or Ahle Makka Ki Aap Ke Sath Be-Panah Aqidat Ki Italla Yazid Ke Pass Rawana Kerdi Jisse Yazid Or Bhi Zyada Barham Hogaya.
0 comments