Kofiyo Ki Dedh Saw(150) Arziya
5:28 pm
Yazid Ki Intahai Koshishon Ke Bawajood Sirf Ahle Shaam Ne Yazid Ki Bait Ki Ahle Iraq Khususan Kufa Wale To Hazrat Ameer Muawiyah RadiAllahuTa'AalaAnhu Ke Zamana Hi Me Hazrat Imam Husain RadiAllahuTa'AalaAnhu Ki Khidmat Me Dar-Khawaste Bhejh Rahe The Or Aap Ki Tashreef Aawari Or Aap Ki Bait Ke Liye Intaha'i Mushtaq O Tamannai The. Magar Imam Ali Maqam Hamesha Inkar Farmate Rahe Ab Hazrat Ameer Muawiyah RadiAllahuTa'AalaAnhu Ki Wafat Or Yazeed Ki Takht Nasheeni Ke Bad Ahle Iraq Ka Ishtiyaq Or Bhi Zyada Badh Gaya.Chunancha Ahle Iraq Ki Tamam Jama'Aton Ke Sardaro Aur Sarbaraho Ne Aap Ki Khidmat Mai Khutoot Or Arziya Rawana Kiye Or Taqriban Dedh Saw (150) Khutoot Or Iltija Naame Us Mazmoon Ke Aap Ki Khidmat Mai Bheje Gaye Ke
Ae Ibne Rasool Allah ﷺ !
Ham "She'aan Ali" Hai Or Aapke Walid Buzrugawar , Shere Khuda , Dul-Dule Sawar Ke Intahai Farma Bardar O Janisar Hai Or Aap Hote Huwe Ham Yazid Paleed Jaise Fasiq O Badkar Ke Muzalim Mai Giraftar Hai. Ham Yazid Ki Gumrahiyo Or Us Ki Ghair Shara'Ee Hukumat Se Bezar Or Aap Ki Bait O Ita'At Ke Liye Be-Qarar Hai. Aap Jald Se Jald Kufa Tashreef La Ker Hame Yazid Ki Zalimana Saltanat Ke Zulm O Istabdad Se Najat Dilaye Or Apne Nana Jaan ﷺ Ki Ummat Ko Ek Gumrah Or Zalim O Fasiq Ki Bait O Ita'At Se Bachale. Ham Chashme Barah Ho Ker Aapka Intazar Ker Rahe Hai Or Ahad O Iqraar Kerte Hai Ke Ham Apni Jaan O Maal Ke Sath Aapke Wafadar O Jaanisar Rahege. Aap Farzande Rasool Or Jigar Bande Ali O Batool Hai. Ummat Ki Hidayat O Dastagiri Aapka Mansab He Lihaza Tashreef La Ker Hamari Hidayat O Dastagiri Farmaiye.
Is Tarah Ki Darkhawasto Or Iltaja Naamo Ke Tasalsul Ne Imam Aali Maqam Ke Samne Ek Bahot Hi Aham Or Qabile Tawajja Masla Paida Ker Diya Jis Se Igmaad-o-Iraaz Karna Mumkin Na Tha.
0 comments