Hirs Duniya Aur Hukumat Ki Mul'Ma'Aa Wo Buri Bala He Ke Jab Ye Ifriyat Ban Kar Kisi Ke Sar Per Sawar Hoti He To Wo Kitna Hi Bada Isteqamat Ka Pahad Hi Kyun Na Ho Magar Iske Qadam Ko Muta'Zalzal Hi Kar Deti He. Chunancha, Ibne Sa’Ad Iran Ki Governari Ke Lalach Me Bawajood Nagawar Samjhne Ke Haidare Karrar Ke Gohare Aabdaar, Jawanane Jannat Ke Sardar Hussain NaamDaar Ka Gala Katne Ke Liye Tayyar Ho Gaya. Aur 5,000 Piyada -O-Sawar Ki Fouje Jafa_Kaar Ka Sipeh_Salaar Ban Kar Karbala Ke Maidane Karezaar Ki Taraf Rawana Hogaya. Aur 7vi Moharram Mangal Ke Din Karbala Main Pahonch Kar Daryaye Faraat Ke Kinare Padao Kiya. Aur Apna Fouji Markaz Qayim Kiya Aur 500 Musallah Sawaro Ka Daryaye Faraat Ke Kinare Pehra Bitha Diya Ke Khabardaar Khabardaar!!!!!!! Paani Ka Ek Qatra Bhi Saaqi -E-Kousar Ke Farzand Aur Ahle_Bait Ke Kheeme Ke Andar Pahonchne Na Paaye.

Aur Ibne Ziyaad Bad-Nihaad Baar Baar Kufa Se Fouje Rawana Karta Raha.Yahan Tak Ke Ibne Ziyaad Ke Paas 22,000 Piyadah-O- Sawar Jama Hogaye

(Sawaneh Karbala)

Kitni Hairat Ka Maqam He Ke Hazrath Imam Ke Sath Kul 82 Insano Ka Qaafila He.
Inme Auraten Bhi Hain....
Aur Bachhe Bhi Hain ....
Aur Budhe Bhi Hain....
Aur Jawan Bhi....
Inhi 82 Musafiro Main Aabid Bimaar Bhi Hain...
Aur Asgar Sheer Khawar Bhi...
Ye Log Jang Ke Iraade Se Bhi Nahi Aaye Hain. Aur In Logon Ke Paas Samane Jang Aur Kafi Hatiyar Bhi Nahi Hain.  Lekin, Iske Bawajood Inke Muqabla Ke Liye 22,000 Ka Lashkar Tayyar Karke Bheja Jata He. Magar Is Per Bhi Kufa Ke Bade Bade Dilawaro Aur Jang Aazma Bahadduro Ke Dil Laraz Rahe Hain. Aur Wo Khouf-O- Dehshat Se Larza Barandam Ho Rahe Hain.

Kyun Na Ho??? In Rubah Sifat Kufiyo Ko Achchi Tarha Maloom Tha Ke Ham Aaaj Kisse Jang Karne Ke Liye Aaye Hain?? Wo Achchi Tarha Jante The Ke Aaj Fateh Khaibar Ali Haidar , Asadullah Ghalib ,Ali Bin Abi Taalib Ki Kachar Ke Sheraane Haq Se Muqabla He. Aur Unhe Is Baat Ka Pura Pura Yaqeen Tha Ke

Ali Ka Ghar Bhi Wo Ghar He Jis Ghar Ka Har Ek Bachcha
Jahan Paida Huwa Shere Khuda Maloom Hota He 

(Khake Karbala)

2_Moharram 61_Hijri Ki Tareekh Islami Tareekh Main Wo Na-Qabile Faramosh Tareekh He. Isi Tareekh Main Ibne Rasool'Allahﷺ  Ne Apne Ahle-Bait Ke Ek Mukhtasar Se Qafile Ke Sath Karbala Main Nuzool Farmaya. Hazrath Imam Ne Is Maqam Ka Naam Daryaft Farmaya To Maloom Huwa Ke Is Maidan Ka Naam "Karbala" He.. Karbala Ka Naam Sunte Hi Hazrath Imam Ka Matha Thanka. Kyunke Bachpan Hi Se Aap Ki Shahadat Ki Shohrat Thi Aur Hazrath Imam Ko Khoob Maloom Tha Ke Karbala Ka Maidan Hi Wo Khouf_Naak Baya-Baan He. Jaha(N)  Ahle Baite Nabuwwat Ka Muqaddas Khoon Nihayat Bedardi Ke Sath Bahaya Jayega. Aur Is Baya_baan Ka Regzaar Shohda-E-Ahle Bait Ke Khoon Se Rangeen-O- Lala_Zaar Banaya Jayega.

Abhi Hazrathe Imam Karbala Ke Maidan Main Itminan Se Baithne Bhi Na Paye The Aur Aap Ka Sara Samaan Yuhi Be-Tarteeb Idhar Udhar Pada Huwa Tha Ke Ek Dam Kufa Se Ubaidulla Bin Ziyaad Ka Qaasid Ye Khat Le Kar Pohanchta He Ke Aap Yazeed Ki Bait KiJiye Ya Jang Ke Liye Tayyar Hojayiye. Hazrath Imam Ne Ye Khat Padh Kar Haqarat Ke Sath Zameen Per Dal Diya Aur Farmaya Ke Mere Paas Is Khat Ka Koyi Jawab Nahi Hai.

Kya Sitam??? Ke 150 Khutoot Bhej Kar Aap Ko Bulaya To Isliye Gaya He Ke  Ahle_Kufa-O-Iraq Aap Ke Daste Haq Parast Per Baiat Karenge. Lekin Jab Wo Mo'Azziz Mehman Safar Ki Mushqate(N) Bardasht Karke Tashreef Laate Hain  To Unka Haqqe Mehmani Is Tarha Ada Kiya Jata He Ke Zaher Me Bojhaye Huwe Neze Aur Chamakti Huwi Barhana Talwaren Dikha Kar Unhi Yazeed Paleed Jaise  Aebe_Mujassam Ki Bait Per Majboor Kiya Ja Raha He. Jis Ki Bait Kisi Tarha Imam Ke Liye Jaiz Hi Nahi Thi ....

ALLAHU AKBAR .....In Kufiyane  Pur_daga Aur Dushmanaane Be-Haya Ko Zara Bhi Ghairat Nahi Aayi Ke Jis Mehmane Mukarram Ko Hazaro Tamanna-O-Iltijao Ke Sath Bulaya He. Iske Sath Kya Sulook Kar Rahe Hain???
Musalmano Gahliban Duniya Main Aise Azeem'ush'Shaan Ke Mehman Ke Sath Itne Bade Zulm-O-Udwaan Ka Badtareen Sulook Na Kabhi Huwa He Na Aainda Kabhi Hoga. Jo Fatimah Ke Laal-O-Ali Ke Nau-Nihaal Ke Sath Kufiyane Bad-Khisal Ne Rawa Rakha. Hazrath Imam Ko In Ghaddaro Ki Bad-Ahdi Per Intehayi Hairat Thi. Isiliye Aapne Farmaya Ke Mere Paas Is Khath Ka Koyi Jawab Nahi Hai.

Ibne Zayyad Hazrath Imam Ka Jawab Sun Kar Aur Zyada Aatish-E-Ghaiz-O-Ghazab Main Jal Kar Kabaab Hogaya Aur Intehayi Taish Main Aa Kar LashKaro Ko Tayyari Ka Hukm Dediya.
Aur Umar Bin Sa’Ad Ko Is Lashkare Jarrar Ka Sipah Salaar Bana Kar Zameene Karbala Ki Taraf March Karne Ka Farmaan Jari Kar Diya.

Aur Ye Khutoot Aksar Inhi Logo Ke Dastakhat Aur Mohar Se Likhe Gaye Hain Jo Is Waqt Tumhare Is Lashkar Main Meri Giraftari Ke Liye Aaye Hain. Hur Ne Qasam Kha Kar Kaha Ke Wallah..Mujh Ko Iska Kuch Bhi Ilm Nahi He. Kya Aap Ke Paas Kab Khutoot Bheje Gaye Aur Kin Kin Logo Ne Khutoot Bheje Aur Main Na App Ko Chod Sakta Hon Aur Na Wapas Lout Sakta Hon . Ye Sun Kar Hazrath Imam Ne Khutoot Ka Thaila Ulat Diya Aur Farmaya Ke Dekhlo Ye Kutoot Ka Ambaar HAi Inko Padhlo Inki Mohre Dekhlo Phir Aap Ne Naam Lele Kar Pukara Ke Aye Sheesh Bin Rab'Ee, Aye Qais Bin Ash’As, Aye Zaid Bin Haaris Sach Sach Bolo Kya Tum Logo Ne Arziya Likh Likh Kar Aur Qasme De De KAr Mujhe Nahi Bulaya He??
Imam Ki Pukar Sunkar Ye Sab Be-Haya Aur Na-Bakar Sharam Se Gardane Jhukaye Khade Rahe Aur Kisine Koyi Jawab Nahi Diya. Iske Baad Hazrath Imam Ne Itmame Hujjat Ke Liye Ye Bhi Farmaya Ke Behre Haal  Aye Kufiyo Agar Tum Log Apne Ahad Per Qayim Ho To Main Tumhare Shaher Main Qadam Rakkho Warna Main ISke Liye Bhi Tayyar Hon Ke Main Yahi Se Apne Watan Ko Wapas Chala Jao .
Abhi Hur Se Hazrath Imam Ki Guftago Jari Hi Thi Ke Ek Dam Nihayat Hi Tezi Ke Sath Ek Saandni Sawar Aaya Aur Ubaidulla Bin Ziyaad Ka Ye Khat Hur Ko Diya Ke Jis Maqam Per Tumhe Mera Ye Khat Mile Tum Hazrath Imam Ko Usi Maqam Per Roklo Na Unhe Kufa Shehar Main Dakhil Hone Do Na Watan Wapas Loutne Do.
Khat Padh Kar Hur Ne Arz Kiya Ke Aye Ibne RasoolAllahﷺ  Dekh Lijiye Aap Ko Giraftaar Karne Ke Liye Ubaidullah Bin Ziyaad Ka Kis Qadar Israr He. Isliye Ab Msin Bilkul Hi Majboor-O-Laachaar Hon Ke Main Aap Ko Kisi Tarha Chod Nahi Sakta. Hur Ne Ye Kaha Lekin Shiddate Gham Se Uski Aankho Main Aansu Aagaye Aur Aaawaz Bhar Aane Lagi.

Isme Koyi Shuba Nahi He Ke Hur Ke Dil Me Ahle Bait Ki Be-Panah Azmat Thi. Chunancha, Wo Namazo Main Barabar Hazrath Imam Hi Ki Iqteda Karta Raha . Lekin, Wo Ibne Ziyaadd Bad-Nihaad Ke  Zulm-O-Istibdaad Se Lachaar Aur Majboor Tha . Aur Isko Ye Bhi Dar Tha Ke Agar Baal Bara Bar Bhi Wo Hazrath Imam Ke Sath Koyi Ri'Aa’Yat Karta To Ek Hazar Lashkar Ki Moujoodgi Main Ye Raaz Poshida Nahi Reh Sakta Tha . Aur Agar Ibne Ziyaad Ko Pata Chal Jata To Wo Hur Aur Uske Pure Khaandaan Ke Tukde Tukde Kar Dalta..
Isi Khouf Se Hur Apni Baat Per Ada Raha. Yahan Tak Ke Jigar Goshaye Rasool Farzande Batool Ko Kufe Ki Rah Se Hatt Kar Karbala Ki Us Be Aab-O-Gaya Sarzameen Me Utarna Pada Jahan Sar Chupane Ko Darakht Ka Ek Patta Aur Pyas Bujhane Ko Pani Ka Ek Qatra Bhi Moujood Nahi Tha.

Bachhi Ke Is Sawal Per Hazrath Imam Ka Damane Sabar Taar Taar Hogaya Aur Aap Be-Ikhtiyar Shiddate-Gham Se Beqarar Ho Kar Zaar Zaar Rone Lage Aur Tamam Ahle Baite Nabuwwat Aap Ke Gird Jama Hogaye Aur Aap Ne Hazrath Muslim Aur Inke Farzando Ki Shahadat Aur Kufiyo Ki Bad Ahdi Ka Sara Haal Sunaya Ye Sun Kar Baaz Logo Ne Arz Kiya Ke Ae Ibne RasooolAllahﷺ Allah- Aap Apne Aur Apni Ahle Bait Per Reham Farmaye Aur Yahi Se Wapas Tashreef Le Chalen Chunanche Hazrath Imam Ne Wapasi Ka Irada Farma Liya Magar Hazrath Muslim Ke Bhayio Ne Ro-Ro Kar Arz Kiya Ke Aye Imam Ab Bhai Ki Aise Dardnaak Aur Mazlumana Shahadat Ke Baad Ham Log Zinda Rah Kar Kya Karenge Wallah.... Ham To Zaroor Kufa Jayenge Aur Apne Bhai Aur Bhatijo Ke Khoon-e-Nahak Ka Badla Lenge.
Ya Khud Bhi Shaheed Ho Kar Khuld-E-Bari Me Apne Bichde Huwe Bhai Se Ja Milenge. Ye Sun Kar Imam Aali Maqam Ne Farmaya Ke Bahot Achcha Agar Tum Logo Ki Yahi Khushi He To Chalo Main Bhi Tumhare Sath Chalta Hon Jo Tumhara Haal Hoga Wo Mera Haal Bhi Hoga Kyun Ke Tumhare Baad Meri Zindagi Be-Lutf Aur Mera Jeena Wabaal Hoga. Chunanche, Qafila Aage Chal Pada Yahan Tak Ke Jab Kufa Do Manzil Baqi Reh Gaya.

Hazrath Ali Ausat Ka Laqab Zainul Aabideen He,Ye Hazrath Sheher Banu Ke Batan Se The. Inki Umr Is Waqt 22 Saal Ki Thi Aur Bimar The.
Imam Aali Maqam Ke Dosre Sahebzade Ali Akbar Jo Umm-E-Laila Bint-E-Abi Marra Ke Shikam Se The  Inki Umr 18 Baras Ki Thi. Ye Karbala Main Shahid Huwe.
Imam Aali Maqam Ke Teesre Farzand Ali Asgar Jinki Walida Bani Qudaa’A Main Se The. Ye Sheer-Khwar Bachhe The.
Hazrath Imam Ki Ek Sahebzadi Hazrath Sakina Bhi Sath The Jin Ki Umr 7 Baras Ki Thi Aur Inki Walida Ka Banu Rubab Binte Umrul Qais Se Tha.
Hazrath Imam Ki Do Biwiya Sath The,Ke Ek Hazrath Sheher Banu 
Dosri Hazrath Ali Asgar Ki Walida
Inke Ilawa Hazrath Imam Hasan Bin Ali (RAdiyAllahu Ta'Aala Anhu) Ke 4 Noujawan Farzand Hazrath Qasim Bin Hasan, 
Hazrath Abdullah Bin Hasan ,
Hazrath Umar Bin Hasan, 
Hazrath Abu Bakar Bin Hasan Bhi Imam Aali Maqam Ke Hamrah The Aur Ye Sab Karbala Me Shaheed Huwe .
Aur HAzrath Moula-E- Kainaat Ali Murtaza (RadiyAllahu Ta’Aala Anhu) Ke 5 Farzand Hazrath Abbas Bin Ali, 
Hazrath Usman Bin Ali ,
HAzrath Abdullah Bin Ali ,
HAzrath Muhammad Bin Ali 
HAzrath JAfar Bin Ali Bhi Hamrah The Aur Sab Jaame Shahadat Se Serab Huwe 
Aur Hazrath Aqeel Bin Abi Taalib Ki Aulaad Main HAzrath Muslim Bin Aqeel To Apne Do Farzando Muhammad Aur Ibrahim Ke Sath Kufa Hi Me Shaheed Ho Chuke The 
Lekin 3 Farzand Hazrath Abdullah Bin Aqeel 
HArath Abdur Rahaman Bin Aqeel, 
HAzrath JAfar Bin Aqeel .
HAzrath Muslim Bin Aqeel Karbala Meain Hazir Ho Kar Shaheed Huwe 
Isi Tarha HAzrath Imam Ke 2 Bhanje  Hazrath Muhammad Bin Abdulla 
Aur Hazrath Aoun Bin Abdullah Jo Imam Aali MAqam Ki Haqiqi Behan Hazrath Zainab Binte Ali Ke Sahabzadegaan Hain.
KArbala Main Ye Dono Bhi Shahadat Se Sarfaraz Huwe 
Auratoun Me Se HAzrath Imam Ki Behan Hazrath Zainab Aur Dusre Shohdaye Ahle Bait Ki Biwiya Bhi Hamrah The.
Ahle Bait Me Se 17 Hazraath Imam Aali Maqam Ke Sath Rutbaye Shahadat Se Musharraf Huwe Aur Hazrath Imam Zainul Aabideen Bimaar Aur Dusre Kam Umr Sehzadegaan Maslan…Umar Bin Hasan 
Aur Muhammad Bin Umar Bin Ali Qaidi Banaye Gaye..
( RadiyAllahu Ta'Aala Anhum Ajmaeen)
(📚Sawneh Karbala)

HAzrath Imam Aali Maqam Bahot Tezi Ke Sath Safar FarmaRahe The Jab Aap Ek Mashoor Manzil "Zate Arq” Per Pahounche To Basheer Bin “Ghalib Asdi” Se Mulaqaat Huwi Jo Kufa Se Makka Mukarrama Ja Rahe The .Hazrath Imam Ne Unse Kufa Ka Haal Daryafat Farmaya To Unhone Jawab Diya Ke Ahle Kufa Ke Dil To Aap Ke Sath Hain Magar Unki Talware Bani Ummiya Ke Sath Hain.Aur Khuda Jo Chahta Hai Karta Hai Aur Aage Badhe To Mashoor Shayar “Farzooq” Se ,Mulaqaat Huwi Usne Bhi Yahi Jawab Diya .
Behre Haaal Hazrath Imam Ne Apna Safar Jari Rakha .Yahan Tak Ke "Batnur Rumma“ Ke Maqam Per Ubaidulla Bin Matee Se Mulaqaat Huwi Ye Ahle Bait Ke Bahot Hi Janisaar Aur Shaidayi The Unhone Hazrath Imam Ko Intehayi Israr Ke Sath Is Safar Se Mana Kiya Aur Arz Kiya Ke Aap Ahle Kufa Per Hargiz Hargiz Aetemaad Na Farmayen. Kufa Me Abtak Yazeed Ka Governer Moujood He Aur Wahan Aap Ka Tashreef Lejana Khatre Se Khali Nahi Hai.Magar Imam Aali MAqam Ne Inko Bhi Wahi Jawab Diya Jo Makka Mukarrama Me Hazrataate Sahabae Keram Ko Diya Tha.Aur Ye Farmakar Aap Aage Badh Gaye.. Yani Hame Wahi Musibat Pahounch Sakti Hai Jo Allah TA'Aala Ne Hamare Liye Muqaddar Farmadi Hai…

Hazrath Muslim Ka Khat Mulaheza Farma Lene Ke Ba'D Kufiyo Ki Dawat Qubool Farma Lene Me Tashwees-O-Tarad'Dud Ki Koyi Baat Hi Na Thi Aur 40,000 Insano Ke Hal'Qaye Iradat Me Dakhil Hojane Aur Bait Kar Lene Ke Ba'D Kisi Qisam Ke Khouf-O-Hiraas Ka Koyi Sawal Hi Nahi Tha.
Aur Kufe Ke "Shee'Aa'Ne Ali” Ke Ghaddar Aur Bewafayi Ka Bazahir Koyi Shuba Tak Na Tha.
Isliye Hazrath Imam Ne Safare Kufa Ka Azm Farmaliya Aur 3 Zil Hijja 60_Hijri Ko Apne Ahle-O-Ayal Aur Azizo Aur Rafiqo Aur Ghulamo Ko Sath Le Kar Kul 82 Aadmiyo Ke Qafile Saalaar Ban Kar Aap Makka Mukarrama Se Kufe Ke Liye Rawana Hogaye. Is Muqaddas Qafile Me 70 Ya 72 Sawar Aur Baaqi Piyada-Pa The. Isme Koyi Shuba Nahi Ke Hazrath Muslim Ke Khat Se Pura Pura Itminaan Ho Chuka Tha Magar Phir Bhi Aakabire Sahaba Aap Ko Israar Ke Sath Is Safar Se Rok Rahe The Khususan Hazrath Abdullah Bin Abbas ,
HAzrath Abdulla Bin Umar,
Hazrath Jabir ,
Hazrath Abu Sa'Id Khudri ,
Hazrath Abu Wafid Leshi,To Aap Ko Is Safar Se Rokne Ke Liye Intahayi Israare Baleegh Kar Rahe The
Aur Ye Sab Ke Sab Aakhir Tak Yahi Koshish Karte Rahe Ke Aap Kufa Tashreef Na Lejaye. Lekin Hazrath Imam Aali Maqam In Muqlis Sahaba Ki Istid'Aa Qubool Farmane Se Majboor The.Kyunke Aap Ki Ye Khsyal Tha Ke 40,000 Aqidat Mando Ki Muqlisana Iltijao Ko Jo Deen Ki Himayat-O-Paas-Dari Ke Jazbaat Se Bhari Huwi Hain Thukra Dena Ahle Baite Nabuwwat Ke Buland Akhlaq Ke Shayane Shaan Nahi He. Phir Hazrath Muslim Bin Aqeel Ke Dawat Name Ko Rad Karna Aur Unki Pur Khulos Istid'Aa Ko Be-Iltefaqi Ki Nazar Se Dekhna Kabhi Hargiz Hargiz Imam Aali Maqam Ko Gawara Nahi Ho Sakta Tha. Isliye Hazrath Imam Ne Hazraath Sahaba-E-Kiraam Ki Istid'Aa Ko Qubool Farmane Se Ma'Zirat Farma Di Aur Sahaba-E-Kiraam Ne Rote Huwe Aap Ko Ruksat Farmaya.

Haqiqat Ye He Ke Sahaba-E-Kiraam Ko Kufiyo Ki Bad-Ahdi Ka Tajruba Tha. Isliye Wo Unki Taraf Se Hargiz Mutma'Een Na The Aur Hazrath Abdullah Bin Abbas (RadiyAllahu TA’Aala Anhu) Ne To Yahan Tak Farmaya Ke Ae-Imam Agar Aap Kisi Ki Baat Nahi Mante Aur Kufa Ke Safar Per Aap Ko Israar Hi He To Kam Se Kam Meri Itnihi  Arz Dasht Qubool Farma Lijiye Ke Aurato Aur Bachon KuoHamrah Na Le Jayiye.  Magar Aap Is Per Bhi Raazi Nahi Huwe Asal Baat To Ye He Ke Taqdeer Ka Likha Huwa Mitne Wala Nahi. Bahot Hi Sach Kaha Hai Kisi Shayar Ne Ke

Chaak Ko Taqdeer Ke Mumkin Nahi Kernna Rafu
Soozne Tadbeer Saari Umar Gosti Rahi

Imam Aali Maqam Ki Taqdeer Me To Ghurbat-O-Musafiart Aur Intehayi Bekasi Ke Aalam Me Maidan-E-Karbala Ke Andar Shahadat Likhi Huwi Thi Isliye Bhala Aap Kufa Kyun Na Tashreef Lejate???
Aap Ko To Shahadat Ki Kashish Kheenche Liye Ja Rahi Thi Aur Hazrath Imam Ka Is Waqt Wahi Haal Tha Jo Kisi Ne Kaha Hai Ke


Behrehaal ,Hazrath Imam Apne 82 Insano Ke Mukhtasar Qafile Ke Sath Kufa Rawana Hogaye
Is Muqaddas Qafile Me Ahle Bait-E-Nabuwwat Ke Kon Kon Sehzade The Ke Inki Fehrist Bhi Aap Ko Bayan Kar Do Taake Aap Ko Maloom Hojaye Ke Khaandane NAbuwwat Ke Kaise Kaise Roshan Sitare Karbala Ki Zameen Main Ghuroob Huwe Aur Kaise Kaise Anmol LaaL -O-Gohar Is Dashte Karbala Me Madfoon Huwe.

انا للہ وانا الیہ راجعون

Phir Aap Ke Dono Sahabzado Ko Bhi Zalimo Ne Apni Tegh Sitam Se Shaheed Kar Diya Aur Aap Ke Meharbaan Mezban Haani Bin Urwah Ko Bhi Qatal Karke Suli Per Latka Diya Aur In Sab Shohda-E Keram Ke Saro Ko Nezo Per Chada Kar Kufa Ke  Kucha-O-Bazar Me Phira Ker Khoob Khoob Apni Behayai-O-Shaqawat Aur Sang Dili-O- Mehman Kushi Ka Mazahira Kiya.

Kufawalon Ki Is Be-Ahdi Dagha-Bazi Aur Bewafayi Per Qiyamat Tak Aane Wali Nasle Insani Nafrat-O-Malamat Karti Rahegi Ke Aise Moaz'Ziz-O-Mohtaram Mehmaan Ko Jise Badi Badi Tamanna'O Aur ILteja'O Ke Sath 150 Arziya Bhej Kar Bulaya  Aur Phir Uske Hath Per Bait Karke Uski Nusrat-O Himayat Ka Ahde-Mohkam Kiya Aur Phir Is Tarha Use Bekasi-O-Be-Basi Ke Aalam Me Khoonkhwar Dushmano Ke Hawale Kar Diya Ke Wo Aur Uske Nanhe Nanhe Bachhe In Kufiyo Ke Samne Tahe Tegh Kar Diye Gaye Aur Ye Behaya Beghairat Qoum In Mazlumo Ke Saro Ko Neezo Per Chadha Kar Kocha E- Bazaar Me Phirane Ka Tamasha Dekhti Rahi.

Hazrath Muslim Bin Aqeel Aur Unke Farzando Ke Shahadat 3 Zil Hijja 60_Hijri Ko Huwi Aur Yahi-O-Tareekh He Ke Hazrath Imam Hussain (RadiyAllahu Ta'Aala Anhu) Hazrath Muslim Ka Khat Padh Kar Apne Ahle-O-Ayal Ke Hamrah Makkah Mukkarram Se Kufa Ko Rawana Hote Hain. Aur Imam Aali Maqam Ko Kuch Bhi Pata Nahi He Ke Waha Hazrath Muslim Per Khat Tehreer Karne Ke Baad Kya Guzri?

Agar Tum Logo(N) Ne Is Qilla Ko Fatah Bhi Kar Liya To Tumhare Yahan Pahounchne Se Pehle Hi Ibne Ziyaad Hamare Jismo Ke Tukde Tukde Klar Dalega, Phir Yazeed Khmoosh Nahi Baithega.Balke, Iska Lashkar Tumhe Rond Dalega. Aur Tumhare Ek Ek Bachhe Ko Qatal Karke Tumhara Naam-O-Nishan Mita Dega. Lihaza Apne Anjaam Per Nazar Dalo Hamare Haal Per Raham Karo Aur Apne Apne Gharo(N) Ko Chale Jao.

Afsoos!!!! Ke Abhi Abhi Jo Lashkar Janab Muslim Bin Aqeel Ke Chashm-O-Aabru Ke Ishare Per Apne Khoon Ka Aakhri Qatra Baha Dene Ke Liye Tayyar Khada Tha.Wo Apne Sardaro(N) Ki Itnihi Taqreer Sun Kar Muntashir Hone Laga. Yahan Tak Ke Jab Hazrath Muslim Bin Aqeel Ne Magrib Ki Namaz Shuru Ki To Sirf 500 Aadmi Reh Gaye The Jo Aap Ke Sath Namaz Main Shareek Huwe. Lekin, Jab Aap Namaz Se Faarig Huwe To Ye Bhi Farar Ho Chuke The. Aur Aap Ke Nanhe Nanhe Do(2)Bachho(N) Ke Siwa 1 Admi Bhi Aap Ke Sath Na Tha. Kufa Ki Masjid Gurbat-O-Musafirat Ka Alam Koyi Haal Puchne Wala Nahi. Hairaan Hain Ke Kidhar Jaye??
Kaha Qiyam Kare???
Chote Chote Bachon Ko Kaha Kaha Khilaye??
Kaha Sulaye??

Afsoos Ke Kufa Ke Itne Bade Shaher Main BAni Hashim Ke Itne Bade Mou'Azziz Mehmaan Ke Liye Koyi Apna Darwaza Tak Kholne Ke Liye Tayyar Nahi Tha. Is Be-Kasi-O- Be-Basi Ke Aalam Main Jab Ke Na Koyi Yaar-O-Madadgaar He Na  Monis-O-Ghamkhawar. Baar Baar Aap Ko Hazrath Imam Hussain (RadiyAllahu Ta'Aala Anhu) Ki Yaad Aati Thi Aur Ye Soch Soch Kar Sadmaat Se Aap Ke Seene Me Dil Paash Paash Ho Jata Tha. Ke Haye Afsooss...!!  Main Ne Imam Aali Maqam Ko Ye Khat Likh Diya Hai Ke 40,000 Jaanisaro(N) Ka Lashkar Tayyar Hai . Aap Fouran Kufa Tashreef Le Aayiye.YaQeenan Jihgar Goshaye Rasool(ﷺ) FArzande Batool Mera Khat Padh Kar Ma-Ahlo Ayaal Kufa Ke Liye Rawana Ho Chuke Hoge Aur Yahan Kufiyo(N) Ki Bad-Ahdi Ka Ye Haal He Ke Anaaj Ka Ek Daana Aur Paani Ka Ek Qatra Dena To Badi Baat He Koyi Baat Karne Wala Bhi Nahi, Aur Mere Hath Per Apni Jaan-O-Maal Fida Karne Ka Ahad Aur Bait Karne Wale Hi Ab Ibne Ziyaad Ke Sath Saaz_baaz Karke Mere Qatal Ka Mansuba Bana Rahe Hain.

HAye!! Gulshane Zahra Ka Sabse Haseen Phool Hussain Farzande Rasool(ﷺ) Be-Khabri Me Kufa Pahonch Kar In Gaddaro(N) Ke Narghe Main Kaise Kaise Mazalim Ki Baad Sar_sar Ka Nishana Banega.
Ye Soch Soch Kar Dil Zakhmi Aur Jigar Ghayal Ho Raha Tha. Isi Hairani-O-Pareshani Ke Aalam Me Aap Ko Pyaas Lagi Samne Ek Makan Nazar Aaya Jaha "Tou'Aa" Naami Ek Aurat Khadi Thi Aapne Usse Paani Manga Us Neek Bandi Ne Aap Ko Pehchana Aur Nihayat Adab-O-Ahteram Ke Sath Apne Ghar Me Bitha Kar Paani Pilaya Itne Main Ubaidulla Bin Ziyaad Ne Kufa Ke Kotwaal "Umar Bin Hurais" Aur "Mohammad Bin Ash'As" Ko Aapki Giraftari Ke Liye Bheja  In Gustakho(N) Ki Be-Adbi Per Aap Ko Hashimi Jalal Aagaya Aur Apni Talwar Le Kar In Zalimo Ke Muqabla Ke Liye Tayyar Hogaye. Aur Aap Ke Sherana Hamlo(N) Se Bahot Se Sipaahi Zakhmi Huwe Aur Baaz Maare Bhi Gaye Ye Dekh Kar Ke Hashmi Jawan Ki Shamsheer Be-Niyaam Qahre Ilaahi Ka Paigham Ban Kar Sekdo(N) Kufiyo(N) Ko Luqmaye Ajal Bana Dalegi. Aur Fouj Ka Ye Chota Sa Dasta Hargiz Hargiz Kabhi Hazrath Muslim Ko Giraftar Na Kar Sakega. To Fareb Ka Putla Muhammad Bin Ash'As Ye Chaal Chal Gaya Ke Aman-O Sulah Ka Aelaan Kar Diya Aur Dast Basta Arz Karne Laga Ke Jang Ki Koyi Zarurat Nahi He. Aur Ham Aap Se Jang Ke Liye Nahi Aaye Hain, Ham To Sirf Isliye Hazir Khidmat Huwe Hain Ke Aap Government House Me Tashreef Le Chale Aur Ubaidulla Bin Ziyaad Se Guftagu Karke Mamula Tay Farmale. Hazrath Muslim Ne Jawab Diya Ke Main Bhi Jang Nahi Chahta Is Waqt To Main Kya Jang Karoga Jab 40,000 Ka Lashkar Mere Sath Tha Us Waqt Bhi Main Ne Ladne Ka Irada Nahi Kiya Aur Guftago-E-Musa'Lahat Ka Intezaar Karta Raha, Main Khud Khoon Rezi Ko Pasand Nahi Karta, Aur Main Ba-Khushi Ibne Ziyaad Se Guftagu Karke Itmame Hujjat Ke Liye Tayyar Hon. 

Aye Ahle Kufa! Main Tumhare Be-Panah Israr Se Mutasir Ho Kar Hazrath Muslim Bin Aqeel Ko Apna Nayab Bana Kar Rawana Karta Hoon.
Agar Tum Logo(N) Ne Apne Qoul Per Sabit Qadam Reh Ker Inke Hath Per Bait Karli  Aur Unhone Mujh Ko Tumhari Wafadari-O-Jaanisaari Ki Ittila Dedi To Fouran Hi Main Bhi Kufa Ka Azma(Irada) Safar Ker Loga.
Chunanche Hazrath Muslim Apne Do(2) Bacche Ko Muhammad Aur Ibrahim Ko Apne Hamrah Le Ker Kufa Rawana Ho Gaye Aur Kufa Pahonch Kar Mukhtaar Bin Ubaid Ke Makan Per Qiyaam Farmaya.
Aur Isme Shubah Nahi Ke Kufiyoun Ne Aap Ka Bahot Hi Shaandaar Isteqbaal Kiya. Aur Be-Panah Jazba-E-Aqidat Aur Joshe Muhabbat Ka Izhaar Kiya  Yahan Tak Ke 40,000 Kufiyo(N) Ne Aap Ke Daste Haq Parast Per Bait Karli Aur In Logon Ka Josh-O-Kharoosh Ka Ye Aalam Tha Ke Aisa Maa'Loom Hota Tha Ke Ye Lashkar Sailab Ki Tarha Badh Kar Yazeedi Saltanat Ko Gaa'Rat-O-Barbaad Ker Dega, Aur Yazeed Ko Jaan Bachane Ke Liye Koi Rah Nahi Milegi. Chunanche ,Hazrat Muslim Bin Aaqeel Ne Kufa Aur Ahle Iraq Ki Aaqidat-O-Bait Se Mut'Ma'Een Ho Kar  Imam Aali Maqam Ki Khidmat Me Ye A'Riza Likh Kar Bhej Diya Ke! 40,000  Ke Lashkare Jarrar Ne Mere Hath Per Bait Karke Aap Ki Jaa(N) Nisaari-O-Wafaadaari Ka Ahad Kar Liya He Lihaza Jald Az Jald Aap Kufa Tashreef Laaye. Take Jald Se Jald Khuda Ke Bandon Ko Zalim Yazeed Ke Shar Se Najaat Dilayi Jaye. Aur Aap Ki Khilafate Haqqa Ka Parcham Sar Buland Karke Khuda Ki Zameen Ko  Adla-O-Insaaf Se Bhar Diya Jaye.

Kufa Ke Governer Hazrath Noumaan Bin Basheer Sahabi:(RaiyAllahuTA'Aala Anhu) Bawajood Ye Ke Yazeed Ke Governer The Magar Chunke, Ahle_Bait Ke Muhib The. ISliye Unhone Mamuli Tour Per Ahle Kufa Ko Hazrath Muslim Ki Bait Se Mana Karke Zaabita Ki Karwayi Puri Kar Di. Aur Is Mamule Me Kisi Qisam Ki Dast Andazi Nahi Farmayi. Aur Is Tarha Khamoosh Ho Kar Beth Rahe Ke Yazeed Ko Bhi In Waqiaat Ki Ittela Nahi Di. MAgar Yazeed Ke Khaas Jasoos Muslim Bin Yazeed Hazarmi Aur Umara Bin Waleed Bin Uqba Ne Yazeed Ko Ye Itilla Kardi Ke  Muslim Bin Aqeel Kufa Tashreef Laye Hain.
Aur Hazaron Aadmi Inke Hath Per Imam Husain (RadiyAllahu Ta'Aala Anhu) Ki Bait Kar Chuke Hain. Lekin, Kufa Ke Governer Noumaan Bin Basheer Ne Koi Karwayi Inke Khilaaf Nahi Ki He. Yazeed Ye Khat Padh Kar Ghiaz-O-Ghazab Main Jal Bhun Gaya Aur Fouran Kufa Ke Governer Noumaan Bin Basheer Ki Ma'Zuli Ka Farmaan Likha Aur Basra Ke Governer Ubaidulla Bin Ziyaad Ko Kufa Ka Governer Bana Kar Bhej Diya. Ubaidulla Bin Ziyaad Intehayi Zalim Aur Bala Ka Fareebi-O-Makkar Tha.
Isne Apni Fouj Ko To Qaad'Siya Main Choda. Aur Khud Hijazi Libaas Pehan Kar Chand Aadmiyo(N) Ke Hamrah Khamushi Ke Sath Raat Ki Tareeki Main Kufa Pahoncha. Aur Apne Darul Imarat(Government House) Main Dakhil Ho Gaya. Aur Raat Bhar Yazeed Ke Gurgo Se Puri Report Sun Kar Subah Ko Ibne Ziyaad Ne Kufa Ke Tamam Raosa Aur Ama'Yedeen Ko Intahayi Fareb Aur Chalaki Se Qila Ke Andar Bula Kar Qila Ka Phaatak Band Kar Liya. Aur Unhe Hukumat Ka Farmaan Padh Kar Sunaya Aur Khoob Khoob Daraya Dhamkaya. Phir Usne Mohammad Bin Ash'As Ko Fouj Ke Ek Dasta Ke Sath  HAzrath Muslim Bin Aaqeel Ki Giraftari Ke Liye Bheja. Us Waqt Hazrath Muslim HAani Bin Urwah Ke Makan Per Tashreef Farma The. Muhammad Bin Ash'As Ne Haani Bin Urwah Ko Fouran Giraftaar Karke Qilla Main Bhej Diya. Is Waqt Hazrath Muslim Bin Aqeel Ne Apne Mutawa'Sileen Ko Pukara To Dam Zadan Main 40,000 Ka Lashkar Aap Ke Samne Hazir Ho Gaya. Aur Ibne Ziyaad Ke Qila Ka Muha'Sa'Rah Kar Liya.
Is Waqt Josh-O-Kharoosh Ka Ye Aalam Tha Ke Agar Hazrath Muslim Bin Aqeel Hamla Ka Hukm Farma Dete To Chand Minto Me Qila Fatah Hojata  Aur Ibne Ziyaad Giraftaar Ho Kar  Pa'Ba-Zanjeer Aap Ka Qaidi Ban Jata  Aur Yahi Lashkar Tufaan Ki Tarha Badh Kar Yazeed Ke Takh-O-Taaj Ko Bhi Apne Qadmo Ka Foot Baal Bana Kar Yazeedi Saltanat Ka Naam-O-Nishan Mita Deta. Magar !! Sachhi Baat Aur Waqa'Ee Haqiqat To Yahi He Ke.....


Hazrat Muslim Bin Aqeel Ne Qila Ka Muha'Sara To Kar Liya Magar Lashkar Ko Hamla Ka Hukm Nahi Diya Aur Ek Raham Dil Aur Aadil Baadshah Ki Tarha Aap Musa'Lahat Ki Guftagu Ka Intezaar Farmane Lage. Ibne Ziyaad Jo Intihayi Makkar-O-Kiyaad Tha Usne Is Waqfa Se Pura Faida Otha Liya. Chunancha, Itni Der Me Usne Kufa Ke Raosa Aur Ama'Yedeen Ko Majboor Kar Diya Ke  Wo Qila Ke Faseel Per Chadh Kar Apne Azeezo Aur Zere Asar Logo(N) Ko Hazrath Muslim Bin Aqeel Ki  Nusrat-O-Himaayat Se Alehda Kar De.  Ye Raosa Aur Amayid Pehle Hi Se Qila Ke Andar Qaid The. Ibne Ziyaad Ne In Logo(N) Ko Ye Dhamki Di Ke Agar Tum Logo(N) Ne Muslim Bin Aqeel Ki Jama'At Ko Na-Muntashir Kiya To Main Tum Logo(N) Ko Is Qilla Ke Andar Intehayi Be-Dardi Ke Stah Zabah Kar Dalo(N)Ga.
Aur Phir Yazeed Shamiyo(N) Ka Lashkare Jarrar Bhej Kar Tumhare Bacche Bacche Ko Qatal Aur Tumhari Bastiyo(N) Ko  Takht-O- Taaraaj Kar Dalega.

Ab Gour Farmaiye.... Ke Imam Jo Har Tarah Se Amirul Momineen Hone Ke Ahal O Mustahiq The Agar Us Waqt Kofiyo Ke Un Darkhawasto Ko Qubool Na Farmate To Qayamat Ke Din Darbare Khuda Wandi Mai Kofiyo Ke Us Mutaliba Ka Imam Ke Pass Kya Jawab Hota?? Ke
Ya Allah ! Hamne Her Chand Imam Se Baiat Ki Darkhawast Ki Lekin Imam Barhaq Ne Hamari Arziyo Ko Thukda Diya Is Liye Hame Yazeed Ke Zulm O Tashaddud Se Majbor Ho Ker Uski Baiat Kerni Padhi.
Ye Ek Aisa Masla Imam Ke Samne Darpesh Hogaya Ke Us Masla Ka Bajuz Uske Koi Hal Hi Na Tha Ke Imam Aali Maqam Ko Kofiyo Ki Darkhawast Manzoor Farma Ker Kufa Tashreef Le Jaye. Chunancha Jab Bade Bade As'Haabe Kubbar Maslan Hazrat Abdullah Bin Abbas , Hazrat Abdullah Bin Umar , Hazrat Jabir , Hazrat Abu Saeed, Hazrat Abu Waqad Leshi Wagera Ham RadiyAllahu Ta'AalaAnhum
Ne Aap Ko Kufa Ke Safar Se Mana Farmaya To Aap Ne Unke Samne Yahi Masla Pesh Farmaya Ke Aakhir Ahle Kufa Ko Istad'Aa Ko Radd Kerne Ke Liye Mere Pass Uzra Shara'Ee Kya He?? Algarz !
Hazrat Imam Ke Samne Ek Buhat Hi Pecheeda Masla Aan Pada Tha. Ek Jaleel Ul Qadar Sahaba Ka Israar Tha Ke Aap HerGiz Kufa Tashreef Na Le Jaye

Dusri Taraf Kofiyo Ki Darkhawast Radd Kerne Ke Liye Aap Ke Pass Koi Uzra Shara'Ee Na Tha Is Liye Aap Ne Ye Faisla Farmaya Ke Pehle Hazrat Muslim Bin Aqeel RadiyAllahu Ta'Aala Anhu Ko Bheja Jaye. Agar Kofiyo Ne Bad-Ahdi O Bewafai Ki To Uzra Shara-Ee Mil Jayega Or Ager Wo Apne Ahad Per Qaim Rahe To Sahaba Ko Tasalli O Itminaan Dilaya Ja Sake Ga.

Ham "She'aan Ali" Hai Or Aapke Walid Buzrugawar , Shere Khuda , Dul-Dule Sawar Ke Intahai Farma Bardar O Janisar Hai Or Aap Hote Huwe Ham Yazid Paleed Jaise Fasiq O Badkar Ke Muzalim Mai Giraftar Hai. Ham Yazid Ki Gumrahiyo Or Us Ki Ghair Shara'Ee Hukumat Se Bezar Or Aap Ki Bait O Ita'At Ke Liye Be-Qarar Hai. Aap Jald Se Jald Kufa Tashreef La Ker Hame Yazid Ki Zalimana Saltanat Ke Zulm O Istabdad Se Najat Dilaye Or Apne Nana Jaan ﷺ Ki Ummat Ko Ek Gumrah Or Zalim O Fasiq Ki Bait O Ita'At Se Bachale. Ham Chashme Barah Ho Ker Aapka Intazar Ker Rahe Hai Or Ahad O Iqraar Kerte Hai Ke Ham Apni Jaan O Maal Ke Sath Aapke Wafadar O Jaanisar Rahege. Aap Farzande Rasool Or Jigar Bande Ali O Batool Hai. Ummat Ki Hidayat O Dastagiri Aapka Mansab He Lihaza Tashreef La Ker Hamari Hidayat O Dastagiri Farmaiye.
Is Tarah Ki Darkhawasto Or Iltaja Naamo Ke Tasalsul Ne Imam Aali Maqam Ke Samne Ek Bahot Hi Aham Or Qabile Tawajja Masla Paida Ker Diya Jis Se Igmaad-o-Iraaz Karna Mumkin Na Tha.

Zameene Karbala ka Khooni Manzaar

HAzrath e Imam Husain Aur Unke Rufqa Ki Shahadat

Sayyadus Shohda Hazrath Imam E Hussain Shahide Karbala Ki Wiladat Ba-Saadat 5 Shabaan 4 Sane Hijri Ku MAdine Munawara Me Huwi.Aap Ki Kuniyat "Abu Abdullah" Aur Naame Naami "Hussain" Aur Laqab "Sibte Rasool" Aur "Rehana Tur Rasool" Hai.

Allahu Akbar...Jigar Goshaye Rasool Farzand E Batool , Rakhibe Dooshe Payember Aur Karbala Ke Ghaziyoun Ke Meere Lashkar Imam Aali Maqam Shahide Karbala HAzrath Imam E Husain Sayyadus Shohda RadiAllahuTAlaAnhu Ki Azmate Shaan Kis Zabaan Ki Taqat Hai Ke Kama Huqqa Bayan Kar Sake.

Rajjab 60 Hijri Me Ameere Muawiyah RadiAllahuTA'Ala Anhu Ne BaMaqame Damish Laqwe Ki Beemari Me Mubtila Ho Kar Wafat Payi.Aap Ne Ba Waqte Wafat Ye Wasiat Farmayi Ke Mere Pass Huzoor Rahmatul-Lil-Aalameen SallallahuAlaihiWaSallam Ke 5 TAbarukaat Hain.Jin Ku My Ne Apni Zindagi Bhar Apni Jaan Se Ziyada Azeez Tar Samajh Kar Apne Khazane Me Mehfooz Rakha Hai .Huzoor E Aqdas SallalahuAlihiWaSallam Ka 

1. Izaar Mubarak

2.Chadare Aqdas

3.Khameese Anwar

4.Moo-E-Mubarak Aur

5.Naqune Mubarak Ke Tarashe

Aap Ne Farmaya Ke Mujhe Huzoor Rahmate Aalam Ke Tehband Shareef Aur Muqaddas Pairahan Ka Kafan Diya Jaye.Aur Mere Aaza E Sajda Aur Aankhon Me Moo-E-Mubarak Aur Tarashaye Naakhoone Munawwar Rakh Kar Qabar Me Lita Kar Arhamur Rahemeen Ke Supurd Kar Diya Jaye.Chunanche,Logon Ne Aapki Wasiat Ke Mutabiq Aap Ku Dafan Kiya.



Hazrath Ameere Muawiyah RadiAllahuAnhu Ki Wafat Ke Baad Aap Ka Na-Qalaf Aur Intihai Shafi Aur Bad-Naseeb Beta "Yazeed" Taqt Saltanat Per Firoune Zamana Ban Kar Baitha.Aur Isne Apni Baiat Lene Ke Liye Atrafe Saltanat Me Har Taraf Farman Aur Khasid Rawana Kiye.
Yazeed Koun Tha??Aur Kaisa Tha??Ma'azAllah....Yazeed Bin Muawiyah Umwi O Battareen Shakhs Hai Jis Ki Peshani Per Ahle Baite Nabuwwat Ke Khoone NaHaq Ka Qiyamat Tak Na Mitne Wala Siyah Dagh Hai.Yahi O Bad Naseeb Aur Shaqeeul Qalb Zalim Hai Jis Per Qiyamat Tak Tamam Duniya E ISlam Tahqeer O Malamat Ke Patthar Barsati Rahegi.Ye Nan'Ge Qandane Bani Ummiya 25 Sane Hijri Me Hazrath Ameere Muawiyah RadiAllahuAnhu Ke Ghar Me Mysun Binte Bahdal Ke Peth Se Paida Huwa.Intahi Bad Shakal ,Mota Bhadda, Pure Badan Per Baal, Intehayi Bad Khalkh, BAd Mizaj,Fasiq O Fajir,Sharabi O BAd Kirdaar Zalim O Ghaddar Aur Intehayi Be Adab O Gustakh Tha.Mahrumaat Ke Sath Nikah Aur Sood Waghaira Minhayate Shariyah Ku Is Be-Deen Ne Elaniya Riwaj Diya.

HAzrath Abdullah Bin Hanzala Ghaseel Ne Farmaya Ke.... Wallah....Hamne Yazeed Per Us Waqt Khurug Kiya Jab Hamku Ye Dar Hogaya Ke Kaheen Yazeed Ki Bad-Aamaliyoun Aur BadKariyoun Ki Wajah Se Hamare Oper Aasmaan Se Azab Ke Pathar Na Barsne Lage(Waaqdi)

Isi TArha Ek Martab Kisine HAzrath Umar Bin Abdul Azeez Ke Darbaar Me Yazeed Ku Ameerul Momineen Keh Diya To Aap Ne Isku 20 Durre Maar Kar Saza Di Ke Yazeed Jaise Badtareen Shaksh Ku Aameerul Momineen Kehna Jurm E Azeem Hai.(TAriqul Khulfa Safa: 231).

Hazrath Abu Hurairah Jo Un Sahaba Me Shumaar Kiye Jate Hain Jo Rehmate Aalam Ke Raaz Daar Aur Sahibe Israar Hain.Aapne 59 Sane Hijri Me Ye Dua Mangi Ke.... 
Ya Allah My 60 Sane Hijri Ki Shuruaat Aur Ladkon Ki Hukumat Se Teri Panah Mangta Hoon Hazrath Abu Hurairah RadiAllahuAnhu Ku Maloom Tha Ke 60 Sane Hijri Me Yazeed KI Hukumat Hogi Aur Ye Bade Fitno Ka Waqt Hoga.Isliye Aapne Isse Panah Mangi .Chunanche, Aap Ki Ye Dua Bargahe Khuda Wandi Me Maqbool Ho Gayi,Aur 59 Sane Hijri Hi Me Aap Ki Wafat Ho Gayi..(Tariqul Khulfa)

Behre Kaif Yazeed Paleed Taqte Saltanat Per Qabiz Hone Ke Baad Usne Har Taraf Apni Baiat Ke Liye HukumNaame Aur Khasid Bheje.Chunanche,MADINE MUNAWWARA Ke Hakim Waleed Bin Uqba Ku Yazeed Ne Ye Farmaan Bheja Ke Tum Mera Ye Farmaan Dekhte Hi Sab Khaas O Aam Aur Amaaide Madina Se Meri Baiat Lo.Aur Khas Kar Hazraath Imam E Hussain Aur Abdur Rahman Bin Abu Bakar Aur Abdulla Bin Umar Aur Abdulla Bin Zubair RadiAllahuTalaAnhum Ku To Ek Lamhe Ki Bhi Mohlat Na Dena.Aur Sabse Pehle In Logon Se Baiat Lena.Chunanche,Yazeed Ka Farmaan Milte Hi Walid Bin Uqba Ne Hazrath Imam E Hussain Ku Apne Darul Imarat (Govt House) Me Bulaya Aur Yazeed Ka Farmaan Suna Kar Aap Se Baiat Ka Talib Huwa.Imam Aali Maqam Ne Saaf Saaf Farma Diya Ke Yazeed Apne Fisq O Fujoor Aur Zulm O Udwaan Ki Wajah Se Hargiz Is Qabil Nahi Hai Ke My Uske Hath Per Baiat Karon .Isliye My Hargiz Hargiz Kabhi Bhi Uski Baiat Nahi Kar Sakta.Sach Hai...




Jis Waqt Imam Aali Maqam Ne Yazid Ki Baiat Se Inkaar Farma Diya To Walid Bin Uqba Ne Aap Ku Bahot Narmi Ke Sath Samjhaya.Aur Iske Khatarnaak Anjaam Ki Taraf Tawajjo Dilayi.Magar Jab Aapne Pure Azm-E -Mohkam Ke Sath Baiat Se Inkar Farma Diya To Walid Bin Uqba Ne Aap Ku Pure Aezaaz Ke Sath Ruksat Kar Diya.Aur Arz Kiya Ke Aye Ibne RasoolAllah Aap Is Mamle Me Jald Baazi Ke Sath Koi Faisla Na Farmaye Balke Is Waqt Aap Apne Doulat Khane Per Tashreef Le Jayen Aur Itminaan Se Sooch Bachar Kar Koi Faisla Farmayen Aur Kal Isi Tarha Phir Yahan Khadam Ranja Farmaye To Bahot Behtar Hoaga.

Imam Aali Maqam Ku Khoob Achchi Tarha Maloom Tha Ke Baiat Ke Inkar Se Yazeed Nabakar Intahi Mushta'Al Hoga Aur Meri Jaan Ka Dushman Aur Khoon Ka Pyasa Hojayega.Lekin Farzande Rasool Se Bhala Ye Kab Mumkin Tha?? Ke Taqwa Aur Diyanat Ku Thukhra Kar Mehaz Apni Jaan Bachane Ke Liye Ek Fasiqe Nabakaar Aur Fajire Bad Kaar Ka Khilafat Aur Haqdaar Tasleem Karlen Aur Muslamano Ki Tabahi Aur Deeni Millat Ki Barbaadi Ka Kuch Khayaal Na Kare...
Musalmano!! Isme Koi Shak Nahi Ke Imam Aali Maqam Yazeed Ki Bayyat Farma Lete To Yakheenan Yazeed Isku Aap Ka Ehsaan Azeem Samajh Kar Aap Ki Intahi Qadar-O-Manzilat Karta Aur Firte Aqidat Se Aap Ke Qadam Dho Dho Kar Peeta Aur Bani Ummiya Ke Khazano Ki Kunjiyan Aap Ki Muqaddas Jutiyoun Per Dal Deta Aap Ku Beshumaar Maal O Doulat Bhi Deta.Balke Kisi Sube Ki Governari Aur Hukumat Bhi Pesh Kar Deta.Magar Imam E Bar-HAq Ki Haq Parast Nigahon Ke Samne Aaftab Ban Kar Ye Haqikhat Chamak Rahi Thi Ke Agar My Yazeed Ki Baiat Kar Leta Hoon To Nizame Islam Darham Barham Hokar Millate Islamiya Me Aisa Azeem Fasad Barpa Ho Jayega Jiska Door Karna Na Mumkin Aur Mahaal Hojayega.Deen Mit Jayega Aur Parchame ISlam Ki Dhajiyan Para Para Hokar Faza-E-Aasman Me Bikhar Jayengi.Kyunke Zahir Hai Ke Jab Aap Yazeed Ki Baiat Farma Lete To Aap Ki Baiat Yazeed Ki Har Badkari Ke Jawaz Ke Liye Sanad Ban Jati.Aur Tamam Musalmaan Ye Samajh Lete Ke Yazeed Ka Har Amal Islam Ke Mutabiq Hai..Kyunke Har Shaksh Yahi Kehta Ke Agar Yazeed Islam Ke Khilaf Amal Karta To Bani-E-Islam Ke Noore Nazar Aur Millate Islam Ke Azeem Rehbar Imam Aali Maqam Hargiz Kabhi Iski Baiat Na Farmate.Yahi O Wahid Sabab Tha Ke Jigar Goshaye Rasool Aur Farzande Batool Ne Bade Bade Aalaam O Masaib Ku Bardasht Farmaya.Balke Apne Phule-Phale Gulshan Ku Apni Nazron Ke Samne Zulm O Udwan Ki Khazan-O-Veeraan O Barbaad Hote Dekha.Balke Apne Khoon Ka Aakhri Khatra Aur Apni Zindagi Ki Aakhri Sans Khuda Ki Rah Me Qurbaan Karke Millate ISlamiya Ki Doobti Aur Dagmagati Kashti Ku Gumrahiyoun Ke Toofan Se Nikal Kar Sahile Najat Per Pahoncha Diya.Aur Qiyamat Tak Ke Liye Islam Ka Parcham Sar Buland Hogaya.

Yazeed Ne Tamam Ahle Madina Me Sabse Pehle Imam E Aali Maqam Hi Se Bait Ka Mutaliba Isliye Kiya Ke Isko Ye Maloom Tha Ke Agar Hazrath Imam Baiat Farma Lenge To Phir Rooe Zameen Me Kisi Ko Mere Baiat Se Inkaar Ki Gunjaish Baqi Nahi Rahegi.Magar Hazrath Imam Aali Maqam Ki Isteqamat Aur Inkare Baiat Se Iska Sara Mansuba Khak Me Mil Gaya Aur Yazeed Mare Ghaiz O Ghazab Ke Aag Babola Hogaya.Aur Yahan Tak Apni Khabasat Per Utar Aaya Ke Usne Hakim-E-Madina Waleed Ko Ye Farmaan Bhej Diya Ke Agar Imam E Hussain Meri Baiat Se Inkaar Kare To Unka Sar Kaat Kar Mere Yahan Rawana Karde.Jab Is Mazmoon Ke Chand Hukm Naame Mutuwatir Walid Ke Paas Pahonche To Walid Ne Majboor Ho Kar Imam E Aali Maqam Ko Yazeed Paleed Ke Us Napaak Mansube Se Aagah Kiya.
Aapne Mukhliseen-E-Sahaba Se Mashwara Kiya To Logon Ne Aap Ko Ye Salah Di Ke Aise Mahool Me Aap Ka MAdine Munawwara Se Makka Mukarrama Chala Jana Ziyada Munasib Hai.Chunanche,Aapne Aur Hazrath-E-Abdullah Bin Zubair Ne Makka Mukarrama Ki Rawangi Ka Azam Farma Liya,Saman Bandhe Jane Lage.Oonton Per Kajawe Kas Dale Gaye.Aur Ahle Nabuwwat Ka Ye Muqaddas Khafila Madina Tur Rasool(SallahuAlaihiWaSallam) Ki Judayi Ke Sadme Se Rote Huwe Apne Gharon Se Nikal Pada.Aur Imame Aali Maqam Aapne Nana Jaan Ke Roza E Aqdas Per Aakhri Salam Ke Liye Hazir Huwe.

Us Ruh Fursa Manzar Ke Tasaw'Ur Se Dil O Dimag Ke Gushe Gushe Mai Sadmat Ka Ek Aisa Kohe Aatish Fisha Phat Padhta He Ke Badan Ke Rongte Rongte Mai Iztarab O Beqarari Or Aankho Mai Girya O Zaari Or Ashk Bari Ka Ek Tufani Selab Omand Padhta He Ke Allah ! Allah! Kya Aaftab O Mahtaab Ki Aankhe Ka Bhi Wo Manhoos Din Bhi Dekhegi?? Ke Rasool Akram ﷺ Ki Aagushe Nabuwat Ka Pala Hazrat Ali Or Hazrat Bi Bi Fatima Ki Aankho Ka Ujala Hussain Sayyede Aala Is Tarah Madina Se Nikala Jayega?? 
Musalmano ! Ah Ah Ek Wo Din Tha Ke Unke Nana Jaan Ne Jab Makka Mukarrama Se Hijrat Farma Ker Madina Munawwara Ko Apne Qudoom Maimunat Lazoom Se Sarfaraz Farmaya Tha To Ahle Madina Ke Budhe Or Jawan Jhoom Jhoom Ker Ye Istaqbaliya Nazsm Gate The

طلع البدرعلینا
من ثنیات الوداع
وجب الشکر علینا
مادعی للہ داعی

Or Madina Ki Nanni Nanni Bacchiya Farte Musarrat Mai Apni Bareek Or Sureli Aawaz Se Ye Nagma Gati Thi Ke

نحن جوار من بنی النجار
یا حبذا محمدمن جار

Yani Ham Bani Najjar Ki Choti Choti Bacchiya He. Wah Re! Hamare Acche Din ! Ke Ab Muhammad Rasool Allah ﷺ
Hamare Padusi Hojayege. Har Taraf Farah O Suroor Ka Bol Baalaa Or Madina Mai Ujala Hi Ujala Tha Or Aaj Wo Din He Ke Ahle Madina Ka Har Chota Bada Apne Pyare Rasool Akram ﷺ Ki Yaad Gaar Ko Hamesha Hamesha Ke Liye Rukhsat Hota Dekh Kar Be-Qarar Or Ranj O Gham Se Ashkabar He Or Madina Ke Har Ghar Mai Ranj O Gham Ke Siyah Badal Mandla Rahe He Or Har Taraf Andhera Hi Andhera Nazar Aaraha Hai.
Afsoos !

Us Tasaw'Ur Janka Se Mere Dil Mai Aisa Dard He Ke Agar Bayan Karo To Zaban Jal Jayegi Or Agar Ah Khinchta Ho To Mujhe Andesha He Ke Meri Haddiyo Ka Magaz Jal Ker Khaakh Hojayega.

Huzoor SallahuAlaihiWaSallam Ne Farmaya Ke
"Ali Mujh Se Hai Aur My Hazrath Ali Se Hoon"
SubhanAllah...
Matlab Ye Hai Ke Mera Gosht Inka Gosht Hai Aur Mera Khoon Inka Khoon Hai AllahuAkbar.Ye Hai Moula E Kainat Ka Bargahe Nubuwat Me O Kamale Qurb Ke Jis Ki Nudrat O Latafat Ku Wahi Samjh Sakta Hai Jis Ku Khuda Wande Quddus Ne Imaani Nigahe Mohabbat Aur Irfani Feham O Farasat Se Nawaza Hai.
Allah Allah...Farmaya Ke Ali Mere Badan Ka Juz Hain Aur My Ali Ke Badan Ka Juz Hoon.
Allahu Akbar...Rahmate Aalam Ka Kamale Karam To Dekho Ke Ali Ku Apne Badan Ka Tukda Aur Apne Ku Ali Ke Badan Ka Tukda Farmaya. Aur Elan Farma Diya Ke Mera Dost Ali Ka Dost Aur Ali Ka Dost Mera Dost Hai Aur Mera Dushman Ali Ka Dushman Aur Ali Ka Dushman Mera Dushman Hai.
Nabi O Ali Ka Wahi M'Amla Hai Ke Jo Kisi Shayer Ne Kaha Hai Ke -

Man Tu Shudam Tu Man Shudi,
Man Tan Shudam Tu Jaan Shudi
Takas NaGoyad Baad Azeen
Man Deegaram Tu Deegari

Yani... 
My "Tu" Hogaya Tu "My" Hogaya
My Tera Badan Hogaya Aur Tu Meri Jaan Hogaya
Take Koi Ye Na Keh Sake Ke
My Dosri Cheez Hoon Aur Tu Doosri Cheez.

Hazrath Fatimah RadiAllahuAnha:

Isi Tarha Hazrath Fatimatuz Zahara RadiAllahuAnha Ke Fazail Ke Bare Me Kya Puchte Ho!!??? Ye Noore Nubuwwat Ka O Tukda Hain Jin Ke Bare Me Saaf Saaf Farma Diya Ke Fatima Meri Beti To Mere Badan Ki Ek Boti Hai.Jisne Iska Dil Dukhaya Usne Mujhe Dhukh Pahoncha Kar ieza Di.

Hazraath Hasnain Kareemain:

Isi Tarha Imam Hasan O Imam Hussain RadiAllahuAnhumAjmaeen Ke Marateeb O Darjaat Ka Ye Aalam Hai Ke Rahmate Aalam Kabhi In Dono Ku Apne Seene Nabuwwat Se Chimta Kar Kabhi Doshe Anwar Per Bithakar Ye Dua Farmate The Ke Ye Dono Mere Bete Aur Meri Beti Ke Bete Hain.Aye Allah My In Dono Se Muhabbat Karta Hoon,Lehaza Tu Bhi In Dono Se Muhabbat Farma Aur Tu Un Logan Se Bhi Muhabbat Farma Jo Un Donose Muhabbat Rakhte Hain.
Hazrath Anas Bin Malik Farmate Hain Ke Huzoor Aqdas SallahuAlaihiWaSallam In Dono Sehzadoon Ko Soonghte The Aur Apne Seene Se Chimtaya Karte The.
(Tirmizi Jild 6 Safa 420)

SubhanAllah....Duniya Me To Sab Log Apne Pyare Bachhon Ko Choomte Hain ,Magar Huzoor(SallahuAlaihiWaSallam) Apne Dularon Ku Soongha Karte The.Kyun Na Ho??? Ke Rahmate Aalam Ne In Pyaron Ke Bare Me Baar Baar Ye Farma Diya Ke Hasan Aur Hussain Dono Mere "PHOOL" Hain Jo Khuda Ne Mujhe Duniya Me Ata Farmaye Hain Aur Ye Zahir Baat Hai Ke Phool Soonghe Jate Hain Phool Chume Nahi Jate.Isliye Huzoor SallahuAlaihiWasallam Hazrath Hasan Aur Hussain Apne Dono Phulon Ku Soongha Karte The...
SubhanAllah Kya Khoob Farmaya Aala HAzrath RadiAlalhuTalaAnhu Ne

Kya Baat Raza? Is Chamanistane Karam Ki
Zahra Hai Kali Jiske Husain Aur Hasan Phool...


Achchi Sawari Pyara Sawar:

Ek Martaba Huzoor SallahuAlaihiWaSallam Hazrath Hasan Ku Kamale Muhabbat Se Apne Doshe Nabuwwat Per Sawar Karke Chal Rahe The To Kisi Sahabi Ne Ye Manzar Dekh Kar Arz Kiya Ke....

"Aye Bachhe Teri Sawari Kitni Achchi Hai"
SubhanAllah....
To Sarkar E DoJahan SallahuAlaihiWaSallam Ne Fouran Irshad Farmaya Ke
"Aye Mere Sahabi Tune Ye To Dekh Liya Ke Sawari Kitni Achchi Hai?? Magar Ye Bhi To Dekh Ke Sawar Kitna Pyara Hai??"
(Mishkaat 571)


Hazrath Imam Hasan Ki Shahadat:

"Rehana Tur Rasool" Aur "Kahtim-Ul-Khulfa" Hazrath Imam Hasan Mujtaba RadiAllahuAnhu 15 Ramzan 3 Hijri Ki Shab Me Madine Tayyaba Ke Andar Tawallud Huwe Aur Hazrath Ali KaramAllahuWajhu Ki Shahadat Ke Baad Chand Maah Chand Rooz Masnade Khilafat Per Ronakh Afroz Rahe Phir Aapne Taakhte Khilafat Hazrath Ameere Mawiyah RadiAllahuAnhu Ku Ta'Fveez Farma Diya . Iske Baad Kisi Khabees Ne Aap Ku Zahar Khila Diya. Zahar Ke Asar Se Aap Ku Ishal Kabdi Lahaq Huwa Aur Aanton Ke Tukde Kat Kat Kar Is Haal Me Kharij Hone Lage.Us Silsile Me 40 Roz Sakht Takleef Rahi Aur 5 Rabi-Ul-Awwal 49 Hijri Me Aapne Is Daare Napaye Daar Se Madine Munawwara Me Daare Aakhirat Ki Taraf Rohlat Farmayi ...Aur Shahadat Se Sarfaraz Huwe....

 إِنَّا للهِ وَإِنَّـا إِلَيْهِ رَاجِعونَ ..Aur Jannatul Baqi Me Apni Walida E Majida Hazrath Bibi Fatima Zahara RadiAllah Anha Ke Pehlu Me Jigar Goshaye Rasool Farzandae Batool Madfoon Huwe .

Khareeb E Wafat Jab Hazrath Imam Hussain RadiAllahuAnhu Ne Daryafat Kiya Ke Aap Ku Kisne Zaher Diya Hai?? To Aapne Farmaya Ke Kya Tum Log Usku Khatal Karoge?? Hazrath Imam E Hussain RadiAllahuAnhu Ne Jawab Diya Ke Beshak - To Aap Ne Farmaya Ke Jis Shakhs Per Mera Gumaan Hai Agar Waqi Wahi Mera Khatil Hai To Khuda Wande Qahhar Wa Jabbar Muntaqime Haqiqi Hai Wahi Usse Mere Khoon Ka Intehaam Lega Agar O Nahi Hai To My Nahi Cahta Ke Mere Sabab Se Koi Be-Gunah Mara Jaye. Behre Haal Kisi Ku Ye Nahi Maloom Ho Saka Ke Aap Ka Qatil Koon Hai?? Baaz Mo'Arriqeen Ne Ye Likh Diya Hai Ke Jada Binte Ashas Bin Qais Aap Ki Zouja Ne Yazeed Paleed Ke Hukm Se Aap Ku Zehar Diya Aur Yazeed Ne Isse Nikah Ka Wada Kiya Tha Isi Laluch Me Usne Hazrath Imam Ku Zahar Diya Lekin Is Riwayat Ki Koi Sahi Sanad Moujood Nahi Hai.Isliye Baghair Kisi Sahi Sanad Ke Kisi Musalmaan Per Imam Ke Qatal Ka Ilzam Lagana Bhala Kis Tarha Jaiz Ho Sakta Hai.Ahle Bait Ku Qatil Ka Ilm Tha Nahi.Hazrath Imam E Hasan RadiAllahuAnhu Ne Daryafat Karne Per Bhi Qatil Ka Naam Nahi Bataya Aur Hasnain Ke Sahebzadon Ne Apni Aakhri Umr Tak "Jada" Se
Koi Shari Moukhiza Bhi Nahi Farmaya To Phir Jada Ku Qatil Tehrane Wala Koun Hai?? Isliye Tajub Nahi Ke Ye Kharjiyoun Ka Ek Battareen Tabarra Ho Ke O Hazrath Imam Ki Biwi Ku Ghair Ke Sath Saz Baaz Karne Ki Tohmat Laga Rahe Hain..Nouzbilla...

WallahTala Aalam...