Isi Tarha Muslim Bin Ausaja Jo Hazrath Shere-Khuda Ali Murtaza (RadiyAllahu Ta'Aala Anhu) Ke Khaas Shagird Aur  Ahle_Bait Ke Intehayi Wafadaar-O-Jaanisaar The. Aur Joshe Jihaad Aur Jazbaye Shahadat Se Sar Shaar The. Hazrath Imam Ke Qadmon Ka Bosa Lekar Maidane Kaarzaar Me Nikle To Ek Intehayi Maghroor Pehalwaan Aap Se Jang Ke Liye Talwar Chamkata Huwa Aage Badha Aur Aap Per Talwar Se Qatilana Waar Kiya  Lekin Aap Ne Uske Waar Ko Rad Karke Iske Seene Me Is Tarha Neza Mara Ke Pusht Se Paar Hogaya. Aur Isko Neza Ki Nook Per Utha Kar Is Zoor Se Zameen Per Patka Ke Iske Sar Ka Bheja Pash Pash Ho Kar Bikhar Gaya.
Phir Aage Piche Kayi Jang Aazma  Sheh-Sawar Feel Mast Ki Tarha Aap Se Takraye. Magar Jab Aap Ki Burraaq Talwar Ka Hath Bada To Aap Ne Sab Ko Kheere Aur Kakdi Ki Tarha Kaat Kar Rakh Diya. Aur Aap Ki Haibat-O-Shuja'At Se Dushmanon Ki Fouj Zeer -O- Zabar Hone Lagi. Aur Pure Lashkar Me Tahalka Mach Gaya. Aakhir Ibne Sa'Ad Ne Apni Fouj Ko Lalkara... Ke Aye Buz-Dilo Tumhe Sharam Nahi Aati.. Ke Ek Aadmi Ko Tum Log Qatal Nahi Kar Sakte ???

Majburan Usne Fouj Ka Ek Daste Ko Hukm Diya Ke ...Tum Log Charoun Taraf Se Yalghar Karke Isko Muhasire Me LeLo. Aur Phir Sab Ke Sab Ek Baargi Hamla Karke Iska Sar Kaat Lo.
Chunanchea Rubah Sift Kufiyo Ne Is Shere Haq Ko Narge Me Le Liya .Aur Teer -O-Talwar Aur Nezo Ki Maar Se Is Shah Sawar Ko Ghode Se Gira Diya... Aur Aap Ko Ghode Se Girta Huwa Dekh Kar Hazrath Imam Aur Habeeb Bin Mazahir Fouran Doudh Pade. Aur Sarhane Khade Ho Kar Pukara..Ke Muslim Bin Ausaja Shahadat Mubarak...
Aye Mujahide Jaanbaaz..Ghabrao Nahi...Tumhare Bahot Se Sathi Jannat Me Pahunch Chuke Hai.. Aur Ham Bhi Bahot Jald Tumhare Peeche Aa Rahe Hain..
Muslim Bin Ausaja Me Zara Zara Si Jaan Baqi Thi Imam Ki Aawaaz Sun Kar Aap Ne Aankhe Khool Di ..Aur Jab Dekha Ke Ibne Rasool Allah..Sarhane Khade Hain... To Labon Per Muskurahat Ke Asaar Namudaar Huwe Aur Ek Dam Ruh Parwaz Kar Gayi.


SubhanAllah SubhanAllah...Is Joshe Jihaad Per Qurbaan Jayiye.. Aur Is Zouqe Shadat Ki Lazzat Ka Kya Kehna????