Lashkare Aada Me Sabse Pehle Jo Do Shaqi-Ul -Qalb Hazrath Imam Se Ladhne Ke Liye Nikle Wo Dono Ubaidulla Bin Ziyaad Ke Ghulam The Ek Ka Naam Yasar Aur Dusre Ka Naam Saalam Tha. Ye Dono Bad-Naseeb Apni Safo Se Nikal Kar Mubariz Talab Karne Lage. In Dono Ki Surat Dekh Kar Hazrath Abdullah Kalbi Joshe-Jihad Me Aape Se Baher Ho Gaye. Aur Hazrath Imam Se Ijazat Le Kar In Dono Ke Muqable Ke Liye Nikal Pade. Yasar Ne Badh Kar Aap Per Talwaar Ka War Kiya. Magar Aap Ne Ekdam Kamale Hunar-Mandi Se Aisa Panitra Badla Ke Dushman Ka Waar Kahli Gaya Aur Phir Palat Kar Shamsheere Aab-Daar Ka Aisa Bhar-Poor Hath Mara Ke Khabees Khoon Me Lat Pat Ho Kar Zameen Per Dher Ho Gaya.

Saalam Apne Sathi Ko Is Tarha Qatal Hota Dekh Kar Gusse Me Surkh Hogaya . Aur Jihlla Kar Aap Per Talwar Se Hamla Kiya. Aapne Uske Is Waar Ko Baye Hath Per Roka. To Aap Ki Ungliyan Odh Gaye. Magar Aap Ne Bhi Jhapat Kar Usko Aisi Shamsheer Mari Ke Wo Do Tukde Ho Gaya.

Abdullah Kalbi Apni Biwi Ke Sath Jaani'Sari Ke Liye Aaye The. Unki Biwi Ne Jab Ye Dekha Ke Mere Sohar Ki Ungliyou Se Khoon Ke Fawware Jari Hai. To Wo Bhi Josh-E-Jihad Me Be-Khud Ho Gayen.. Aur Kheeme Ki Ek Choob Hath Me Le Kar Maidan Me Nikal Paden. Aur Apne Sohar Ko Josh Dilate Huwe Kehne Lage Ke Shasbsash Mere Pyare Shohar-Shaabaash Me Tere Qurbaan Mere SarTaaj Tum Jaldi Jaldi In Yazidi Taghuto Ko Mout Ke Ghat Utar Kar Aale Nabi Pe Qurbaan Ho Jao. Me Bhi Tumhare Sath Shahadat Ki Tamanna Me Maidane Jang Ke Andar Nikal Padi Hon. Ye Kahkar.. Dushmano Ki Taraf Doudh Pade. Lekin Imam Ne Farmaya Aye Bibi : Tum Aage Na Badho Tum Aurat Ho. Me Hargiz Hargiz Tumhe Maidane Jang Me Jane Ki Ijazat Nahi De Sakta.

Aap Ka Famane Sun Kar Ye Bibi Saheba Majburan Wapas Aagaye.. Magar Hazrath Abdullah Kalbi Aakhri Dam Tak Intehayi  Jaan-Baazi Aur Sar Faroshi Ke Sath Ladte Rahe. Aur Bahot Se Yazeediyou Ko Mout Ke Aagosh Me Sula Kar Aur Khud Bhi Uruse Shahadat Se Ham Aagosh Hogaye…

إِنَّا لِلّهِ وَإِنَّـا إِلَيْهِ رَاجِعونَ