Aetikaaf

Aetikaaf

11:55 pm

Hadees Shareef:

 Hazrat Ayesha RadiAllahuTa'alaAnha Se Riwayat Hai Ke Nabi Kareem SallallahuAlaihiWaSallam Ramdaan Ke Aakhri Ashrah me Aetikaaf Kiya Karte The Yahan Tak Ke (Isi Tariqe Per) Wisaal Farmaya.
(Bukhari,Muslim)

 Hazrat Anas RadiAllahuTa'alaAnhu Ne Farmaya Ke Huzoor AlaihisSalam Ramdan Ke Aakhri Ashrah Me Aetikaaf Farmaya Karte The.Aur Ek Saal Aetikaaf NAhi Farmaya To Dosra Saal bees(20) Din Aetikaaf Farmaya.
(Tirmidhi,Abu-Dawood)

 Aetikaaf Ke Masail

Ibadat Ki Niyyat Se Allah TA'ala Ke Liye Masjid Me Teharne KA Naam Aetikaaf Hai.
Aetikaaf Ki Teen (3) Qismen HAin.
Awwal Aetikaaf e Wajib
Dosra Aetikaaf e Sunnat
Tesra Aetikaaf Mustahab.

Aetikaaf e Wajib:

Jaise Kisi ne Ye Minnat Maani ke Mera Falan Kaam HoJaye to My Ek(1) Din Ya Do (2) Din Ka Aetikaaf Karonga.Aur Us KA Kaam Hogaya To Ye Aetikaaf Wajib Hai.Aur Iska Pura Karna Zaruri Hai.Yaad Rakho ke Aetikaaf e Wajib ke Liye Roza Shart HAi.Baghair Roza ke Aetikaaf e Wajib Sahi Nahi.
(Dar e Mukhtaar J:2 S:130)
Aetikaaf e Sunnat e Muakkada:
Ramzaan KE Aakhiri Das Dino Me Kiya Jayega.Yani Beeswen (20th) Ramzaan Ko Suraj Doobne Se Pehle Aetikaaf Ki Niyyat Se MAsjid Me Dakhil Ho JAye.Aur Teesween(30th) Ramzaan Ko Suraj Doobne Ke Baad Ya Unteesween(29th) Ko Chaand Hone KE Baad Masjid Se Nikle .
yaad Rakho Ke Aeitekaaf Sunnat e Muakkada Kifaya Hai. Yani Agar Muhalle Ke Sab Log Chodh Den To Sab Aakhirat Ke Muakhizah Me Giraftaar Hoonge.Aur Kisi Ek Ne Bhi Aetikaaf KAr Liya To Sab Aakhirat Ke Muakhizah Se BAri Ho JAyenge.
Is Aetikaaf Me Bhi Roza Shart Hai.Magar Wahi Ramzaan Ke Roze Kafi HAi.
(Dar e  Mukhtaar J:2 S:129)

 Aetikaaf Mustahab

Aetikaaf e Mustahab Ye Hai Ke Jab Kabhi Bhi Din Ya Raat Me MAsjid Ke Andar Dakhil Ho To Aetikaaf Ki Niyyat Kare.Jitni Der Tak MAsjid Me Rahega Aetikaaf Ka Sawaab Payega.
Niyyat Me Sirf Itna Dil Me Khayaal Kar Lena Aur Muh Se Keh LEna Kafi HAi Ke Main ne Khuda Ke Liye Aetikaaf e Mustahab Ki Niyyat Ki.
(Aalamgeer ,Jild:1,Safa:197)

Mas'ala:
Mard Ke Liye Zaruri Hai Ke MAsjid Me Aetikaaf KAre. Aur Awrat Apne Ghar Me Us Jagah Aetikaaf Karegi Jo Jagah Usne Namaaz Ke Liye Muqarrar Ki Ho.
(Dar e Mukhtaar,Jild:2,Safa:129)

Mas'ala:
Aetikaaf Karne Wale Ke Liye Bila Uzr Masjid Se Nikalna Haraam Hai Agar Nikala To Aetikaaf  Toot JAyega.Chahe Qasdan Nikla Ho Bhool Kar.isi Tarha Awrat NE Jis Ghar Me Aetikaaf Kiya HAi Usko Us Ghar Se Baher Nikalna HAraam HAi.Agar Awrat Us MAkaan Se Baher Nikal Gayi To Khwah Woh Qasdan Nikli Ho Ya Bhool Kar Uska Aetikaaf Toot JAyega.
(Dar e Mukhtaar )

Mas'ala:
Aetikaaf Karne Wala Sirf Do(2) Uzr Ki Wajah Se Masjid Ke Baher Nikal Sakta HAi.Ek Uzr e Taba'i Jaise Peshaab Pakhana Aur Ghusl e Farz Wazu Ke Liye.
Dosri Uzr e Shara'i Jaise Namaaz e Jummua Ke Liye Jana.
In Uzron Ke Siwa Kisi Aur Wajah Se Agarche Ek Hi Minute Ke Liye Ho.Masjid Se Agar Nikla To Aetikaaf  Toot JAyega.Agarche Bhool Kar Hi Nikle.
(Dar e Mukhtaar)

Mas'ala:
Aetikaaf Karne Wala Din Raat MAsjid Me Hi Rahega. Waheen Khaye Piye Soye MAgar Ye Ehtiyaat Rakhe Ke Khane Pine Se Masjid Gandi Na HOne Paye.
Mutakif Ke Siwa Aur Kisi Ko Majid Me Khane Pine Aur Sone Ki Iajzat Nahi Hai.
Isliye Agar Koyi Aadmi Masjid Me Khana Pina YA Sona chahe To Usko Chahiye KE Aetikaaf e Mustahab Ki Niyyat Kare Ke Masjid Me Dakhil  Ho Aur Namaaz PAdhe Ya Zikr e Ilahi Kare Phir Uske Liye KHane Pine Aur Sone Ki Bhi Ijazat Hai.
(Dar e Mukhtaar) 

Mas'ala:
Aetikaaf KArne Wala Bilkul Hi Chup Na Rahe Na BAhot Ziyadah Logon Se Baat Cheet Kare.Balke Usko Chahiye Ke Nafl Namaazen Padhen,Tilawat e Qur'an e Majeed Kare,Ilm e Deen KA Dars De ,Awliya o Swaliheen Ke halaat Sune Aur Dosron Ko Sunayen.Kasrat Se Darood Shareef Padhe ,Aur Zikr e Ilahi Kare Aur Aksar Ba-Wazu RAhe.Aur Duniyadari Ke Khayalaaat Se Dil Ko Paak O Saaf Rakhe.Aur Ba Kasrat Ro Ro Kar Gidh Gida Kar Khuda Se Duwaen Mange.
(Dare Mukhtaar,Jild:2,Safa:135)

















Ramzan

Kab Roza Chodne Ki Ijazat Hai

11:15 pm

Shar'ie Safar,
Hamila Awrat Ko Nuqsaan Pahonchne Ka Andesha,
Doodh Wali Awrat Ke Doodh Sookh Jane Ka Dar,
Beemari, Budhapa,
Kamzori ki Wajah Se Hilaak HoJane Ka Khouf
Ya Kisi ne Gardan Per Talwaar Rakh Kar Majboor Kar diiya Ke Roza Na Rakhe Warna Jaan Se Maar dalega Ya Koi Aa'zu Kaat Lega
Ya Pagal Ho Jana Ya Jihad Karna.
Ye Sab Roza Na Rakhne Ka Uzr Hai,
In Baton Ki Wajah Se Agar Koi Rozah NA Rakhe To GunahGaar Nahi.Lekin Baad Me Jab Uzr Jata Rahe To Chode Huwe Roze ko Rakhna Farz Hai.
(Durr Al Mukhtaar wa Rad Al Muhtaar Safa 115)

 Mas'ala:Shaikh Fani Yani Wo Budha Ke Na Ab Roza Rakh Sakta HAi. Aur NA Hi Aainda Us Me Itni TAqat Aane Ki Umeed Hai Ke Rakh Sakega To Use Roza Chodne Ki Ijazat Hai.Aur Us Ko Lazim HAi Ke HAr Rozah Ke Badle Dono Waqt Ek Miskeen Ko Bhar Peet(Stomach) Khana Khilaye.Ya HAr Rozah Ke Badle Sadqa e Fitr Ki Miqdaar Miskeen Ko Diya kare.
(Durr e Mukhtaar J:2 S:119)

Mas'ala:Jin Logon Ko Rozah Na Rakhne Ki Ijazat Hai Unko elaniya Khane , Peene Ki Ijazat Nahi Hai.O Logon ki Nigahon Se Chup KAr Kha,Pi, Sakte hain.
(Jannati Zewar.)

Ramzan

Roza Tood Dalne Ka Kaffara

11:12 pm

Agar Kisi Wajah Se Ramzan Ka Ya Koi Dosra Roza Toot Gaya. To Us Roza Ki Qaza LAzim Hai.Lekin Bila Uzr Ramzaan Ka Roza Qasdan Kha, Pee KAr Ya Jima'a Karke  Tood Dalne Se Qaza Ke Sath Kaffara Ada Karna Bhi Wajib hai.Roza Tood Dalne Ka Kaffara Ye HAi Ke Ek Ghulaam Ya Loundi Ko Khareed KAr Aazad KAre, Aur NA HO Sake to Lagataar Saath (60) Roze Rahe.Aur Agar Is Ki Bhi Taqat Na ho To, Saath (60) Miskeeno ko Dono Waqt Bahr Bhar Pet(Stomach) Khana Khilaye.KAffarah me Roza Rakhna Ki Surat me Lagataar Roza Rakhna Zaruri Hai.Agar Darmiyaan Me Ek (1) Din Ka Bhi Roza Choot Gaya to Phir se Saath (60) Roze Rakhne PAdenge.
(Rad Al Muhtaar)

 Unsaath (59) Rakh Chuka Tha Aur Saathwaan (60th) NA Rakh Saka Beemari Waghaira Kisi Uzr Se To Phir Se Saath (60) Pure Lagataar Rakhe.Pehle Ke Unsaath (59) Beekaar gaye.Albatta Awrat Ko Agar HAiz Aajaye To Haiz Ki wajah Se Jitne Nagha Huwe Ye NAgha Nahi Gine Jayenge Yaani Pehle Ke Roze Aur Haiz Ke BAad wale Roze Dono Mil KAr Saath(60) Ho Jane Se Kaffara Ada Ho Jayega.
(Rad Al Muhtaar wa BAhaar , Aalamgeer Waghaira)
Ref:Qanoon e Shariat.

Ramzan

Roze Ke Makruhaat

11:11 pm

Mas'ala:. Jhoot.. Gibat .. Chugli.. Gali Dena.. Behuda Baat Kehna.. Kisi Ko Takleef Dena
Ye Cheeze Waise Bhi Najaiz-o- Haram Hai
Roza Mai Aur Zyada Haram Aur Inki Waja Se Roza Makruh Hota He.

Mas'ala: RozaDaar Ko Bila Uzr Kisi Cheez Ko Chakhna Ya Chabana Makruh He...
Chankhne Ke Liye Uzr Ye He Ke 
Maslan:....Shuhar Bad Mizaaj He Namak Kam-o-Besh Hoga To Uski Narazgi Ka Baa'is Hoga.
To Is Waja Se Chakhne Mai Harj Nahi...
Chabane Ke Liye Ye Uzr He Ke Itna Chota Baccha He Ke Roti Nahi Kha Sakta Aur Koyi Naram Giza Nahi
Jo Use Khilayi Jaye
Na Aur Koyi Be-Roz Aisa He Jo Use Chaba Ker De De 
To Baccha Ko Khilane Ke Liye Roti Wagera Chabana Makruh Nahi He.
( Durre Al-Mukhtar -o- Bahare Shari'at )

Mas'ala:. Chakhne Ke Maanaa Wo Nahi Jo Aaj Kal Bola Jata He Ke Kisi Cheez Ka Maza Maloom Kerne Ke Liye Us Mai Se Thodi Khaliya Ke Aisa Chakhne Se Makruh Hona Kaisa Roza Hi Jata Rahega 
Balke Agar Kaffarah Ke Shara'it Paye Jaye To Kaffarah Bhi Lazim Hoga
Balke Chakhne Se Murad Ye He Ke Zaban Per Rakh Ker Maza Pehchaan Le Aur Use Thook De Us Mai Se Halaq Mai Kuch Na Jane Paye Nahi To Roza Jata Rahega.

Mas'ala:. Muh Mai Thook Ekattha Kerke Nigal Jana Bagair Roza Ke Bhi Accha Nahi Aur Roze Mai To Ye Makruh He.
( AalamGiri-o- Bahare Shari'at )

 Ref:Qanoon-E- Shari'at 

Mas'ala:. RozaDaar Ke Liye Kulli Kerne Aur Naak Mai Paani Chadane Mai Mubaliga Karna Bhi Makruh Hai.

Mas'ala:. RozaDaar Ko Ghusl Kerna Ya Thanda Paani Thandak Ke Liye Sar Per Dalna Ya Gila Kapda Oodhna ,Ya Bar Bar Kulli Kerna, Ya Miswak Kerna, Ya Sar Aur Badan Mai Tail Ki Malish Kerna Ya Surma Lagana 
Ya Khushbo Soonghna Makruh Nahi Hai.
( AalamGiri -o- Durre Al-Mukhtar -o- Rudul Al-Muhtar )
 Ref:Jannati Zewer

Ramzan

Jin Cheezon Se Roza NAhi Tootta

11:08 pm

Bhool KAr Khaya , Piya Ya Jima'a Kar Liya To Rozah NAhi TootTa.
(Aalamgiri J1 S 189)

Mas'ala: Makkhi Ya Dhuwaan Ya Ghubaar Be-Ikhtiyaar Halq Ke Andar Chale JAane Se Roza Nahi TootTa. Isi Tarha Surmah Ya Tel Lagaya Agarche Tel Ya Surmah Ka MAza HAlq ME Maloom Hota Ho Phir Bhi Roza Nahi TootTa.Yunhi Dawa Ya Mircha Kuta Ya Aata Chana Aur Halq Me Iska Asar Aur MAza MAloom Ho To Bhi Roza NAhi Tota.
(AalamGiri J: 1 S: 190)
Mas'ala: Kulli Ki Aur Paani Bilkul Ugal Diya Sirf Kuch Tari Muh Me Baqi Rah Gayi Thi Thook ke Sath Usko Nigal Gaya. Ya Kaan Me Paani Chala Gaya , Ya Ehtelaam Ho Gaya,Ya Gheebat ki, Ya Janabat ki Halat Me Subh ki Balke Agar Sare Din Janabat Ki Halat Me Rah Gaya Aur Ghusl nahi Kiya To Roza Nahi Gaya. Lekin Itni Der Tak Bila Uzr qasdan Ghusl na Karna Ke Namaaz Qaza ho Jaye Gunah Aur Haram Hai Hadees Me Aaya HAi ke Junub (Jis Per Ghusl Farz Hai) Jis Ghar me Rehta Hai Usme Rahmat Ke FArishte Nahi Aate.
(AalamGiri Waghaira) 
Ref :Jannati Zewar

Mas'ala: Baat Karne Me Thook Se Hont Tar(Gila) HoGaye Aur Use Pi Gaya Ya KhaKaar Muh Me Aaya Aur Kha GAya Roza Na Tuta.MAgar In Baton Se EhtiYaat Chahiye.
(AalamGiri WA Dur Al Muqtaar Wa Rad Al Muhtaar)

Mas'ala: Daant Se Khoon Nikal Kar Halq TAk Pahoncha MAgar HAlq Se Neeche Na Utra To Roza Na Toota.

Mas'ala:Bhool Kar Khana Kha Raha Tha Yaad Aate Hi Fouran Niwala Thook Diya To Roza Na GAya Aur Nigal Liya To Roza Jata Raha.
(AalamGiri)

Mas'ala: Subh Sadiq Shuru Hone Se Pehle Sehri Khana Shuru Kiya Khate Khate Subh Sadiq Shuru Hone Lagi .Subh Shuru Hote Hi Agar Niwala Ugal Diya To Rozah Na Toota Aur Nigal GAya To Roza Toot Gaya.
(AalamGiri)

Mas'ala: Til Ya Til KE BArabAr Koi Cheez Chabayi Aur Wo Thook Ke Sath HAlq Me Utar Gayi To Roza Na Gaya.Lekin Agar Us Ka MAza Halq Me MAloom Huwa to Roza Jata Raha.

Mas'ala:Gheebat Ki To Roza Na Tuta Agar Che Gheebat BAhot Sakht Gunah e Kabeera HAi Qur'an Shareef Me Gheebat Karne Ke BAre Me Farmaya GAya Jaise Apne Murde Bhai Ka Ghoost Khana Aur Hadees Me Aaya Ke Gheebat Zina Se Bhi Badh KAr HAi. Gheebat Ki Wajah Se Roze Ki Nooraniyat Jati Rehti hai.
(Dur Al Muqtaar)

  Ref : Qanoon e Shari'at

Ramzan

Roza Todne Wali Chizen

11:05 pm

Khane Peene Ya Jima'a Karne Se Roza Toot Jata HAi Jab Ke Rozahdaar Hona YAad Ho.Aur Agr Rozahdaar Hona Yaad Na RAha aur Bhool Ke Kha Liya Ya Pee Liya Ya Jima'a To Roza NAhi Tootta.
(Hidayah,Aalamgeer,J:1,Safa:189 )

Mas'ala: Huqqah, Beedi,Cigratte, Segar, Churt ,Segar Peene Se Rozah Toot JAta hai.

Mas'ala: Daanton Me Koi Cheez Ruki Huwi Thi Chane BArabar Ya Usse Ziyada Thi Use Khagaya Ya Chane Se Kam Hi Thi MAgar Usko Muh Se Nikal Kar Phir Kha Gaya To Roza Toot Gaya.
(AalamGiri J:1 S:189)

Mas'ala: Nathon Me Dawa Chadhayi Ya Kaan Me Tel Dala Ya Tel Chala Gaya To Roza Toot Gaya. Aur Agar Pani Kaan ME Dala Ya Chala GAya To Roza NAhi Tuta.
(Aalamgiri j:1 S:190)

 Mas'ala: Kulli Kerne Mai Bila Qasad Paani Halaq Se Neeche Chala Gaya Ya Naak Mai Paani Cchadha Raha Tha Bila Qasad Paani Dimag Mai Cchadh Gaya To Roza Toot Gaya.
( AalamGiri , J-1 , S- 189 )

Mas'ala: Dusre Ka Thook Nigal Gaya. Ya Apna Hi Thook Haath Per Rakh Ker Nigal Gaya To Roza Jata Raha.
( AalamGiri , J-1 , S-190 )

Mas'ala: Qasdan Muh Bhar Ker Qay Ki Aur RozaDaar Hona Yaad He To Roza Toot Gaya. Aur Agar Muh Bhar Se Kam Ki To Roza Nahi Tota.
( AalamGiri , J-1 , S-190 )

 Mas'ala:. Bila Qasad Aur Be-Ikhtiyaar Qay Hogayi To Roza Nahi Tota. Thodi Qay Ho Ya Zyada RozaDaar Hona Yaad Ho Ya Na Ho
Behre Haal Roza Nahi Tote Ga.
( AalamGiri , J-1 , S-190 )

Mas'ala:. Muh Mai Rangeen Dhaaga Ya Koyi Rangeen Cheez Rakhi Jis Se Thook Rangeen Hogaya Phir Us Rangeen Thook Ko Nigal Gaya To Uska Roza Toot Gaya.
( AalamGiri , J-1 , S-190 )

Reference >> Jannati Zewar

Mas'ala:. Sote Mai Paani Piliya Ya Kuch Kha Liya Ya Muh Khula Tha Aur Paani Ka Qatra Ya "Aula" Halaq Mai Chala Gaya To Roza Toot Gaya.
( AalamGiri-o- Bahare Shari'at )

Mas'alah:. Aanso Muh Mai Chala Gaya Aur Nigal Liya Agar Boond 2 Boond He To Roza Na Gaya 
Aur Agar Zyada Tha Ke Uski Namkini Pure Muh Mai Maloom Huwi To RozaToot Gaya....Pasine Ka Bhi Yahi Hukm He.
( AalamGiri-o- Bahare Shariat )

Mas'ala:. Daanto(n) Se Khoon Nikal Ker Halaq Se Neeche Utra Aur Khoon Thook Se Zyada Ya Baraber Tha Ya Kam Tha Magar Uska Maza Halaq Mai maloom Huwa To Un Surton Mai Roza Jata Raha Aur Agar Khoon Kam Tha Aur Maza Bhi Maloom Na Huwa To Roza Na Gaya.
( Durre Mukhtar-o- Bahare Shariat )

Reference>> Qanoon e Shari'at


Chand Dekhna

Chand Dekhne Ka Tariqa

10:08 pm




Mas'ala : 5 Mahino Ka Chaand Dekhna Wajib e Kifaya Hai.
Shaaban , Ramzaan , Shawwal , Zil Qaida, Zil Hajj.
(FAtawa e RAzviyah Shareef)

Mas'ala : Shabaan Ki 29 Tareekh Ku Shaam Ke Waqt Chaand Dekhen.Dikhayi De To KaL Roza Rakhen.Warna Shabaan Ke 30 Din Pura KArke Roza Rakhen.
(AalamGiri Jild 1 Safa 184)

Matla Na Saaf hone Me Yaani Aasmaan Me Abar O Ghubaar Hone Ki Halat me Sirf Ramzaan Ke Chaand Ka Suboot Ek Musalmaan Aaqil O BAligh Mastoor Ya Aadil Ki Gawahi Ya Khabar Se Ho Jata HAi.Chahe MArd Ho Ya Awrat Aur Ramzaan Ke Siwa Tamam Mahino Ka Chaand Us Waqt Sabit Hoga JAb Do Mard, Ya Ek MArd Aur 2 Awraten Gawahi Den.Aur Sab Paband Shara Hon.Aur Ye Kahen Ke My Shahadat Deta Hon Ke Myne Is Mahine Ka Chaand FAlaan Din Khud Dekha HAi.
(Hidaya O Radd Al Muhtar O Bahar e Shari'at) 

 Aadil Hone Ka ye Matlab HAi Ke Kabeera Gunahon Se Bachta Ho, Aur Sagheera Gunahon Per Israr Na Karta Ho, Aur Aysa Kaam Na KArta Ho Jo Tahzib O Murawwat ke Khilaaf ho..Jaise BAzaron Me Saadkon Per Chalte Phirte Khana, Peena.

Mastoor Se Ye Muraad Hai ke Jis Ka Zahir Haal Sh'ara Ke Mutabiq Hai.Magar Batin Ka Haal Maloom Nahi
 (Radd Al Muhtar)

 Mas'ala : Jis Aadil Shakhs Ne Chaand Dekha He Us Per Wajib He Ke Usi Raat Mai Shahadat De.
( AalamGiri , J-1 ,S-185)

Mas'ala :. Gao(n) Mai Chaand Dekha Aur Waha Koyi Haakim Ya Qaazi Nahi
Jiske Samne Gawahi De 
To Gao(n) Walo Ko Jama Ker Ke Unke Samne Chaand Dekhne Ki Gawahi De.
Agar Ye Gawahi Dene Wala Aadil Hai.Logo Per Roza Rakhna Laazim Hai.
( AalamGiri , J-1 , S- 185)

Matla Agar Saaf Ho To Jab Tak Bahot Se Log Shahadat Na De Chaand Ka Saboot Na Hoga.
( Chahe Ramzan Ka Chaand Ho.. Ya Eid Ka Ya Kisi Aur Mahine Ka )
Raha Ye Ke Kitne Logo Ki Gawahi Is Surath Mai Chahiye.
To Ye Qaazi Ki Raay Per He Jitne Gawaho(n) Se Use Galib Gumaan Hojaye
Utne Gawaho(n) Ki Shahadat Se Chaand Hone Ka Hukm Dega 

Lekin Agar Shaher Ke Bahar Kisi Onchi Jaga Se Chaand Dekhna Bayaan Kare.
To Ek Mastoor Ka Bhi Qual Sirf Ramzan Ke Chaand Mai Maan Liya Jayega.
( Durre Mukhtar , J-2 ,S-93 -o-
Bahare Shari'at , J-5 , S-106 )

 Mas'ala : Agar Kuch Log Aaker Ye kahe Falaa(n) Jagah Chaand Huwa.
Balke Agar Shahadat Bhi De Ke Falaa(n) Jagah Chaand Huwa.
Balke Agar Ye Shahadat De Ke Falaa(n) Falaa(n) Ne Dekha.
Balke Agar Ye Shahadat De Ke Falaa(n) Jaga Ke Qaazi Ne Roza Ya Iftar Ke Liye Logo(n) Se Kaha.
Ye Sab Tariqe Chaand Ke Saboot Ke Liye Naa-Kafi Hai.
Aur Is Qism Ki Shahadato(n) Se Chaand Ka Saboot Na HosakeGa.
( Durre-Mukhtar-o- Radd-Ul-Muhtar-o- Bahare Shari'at)

Mas'ala :Kisi Shaher Mai Chaand Huwa.
Aur Waha Se Chand Jama'Ate(n) Dusre Shaher Mai Aaye Aur Sab Ne Khabardi Ke Waha Falaa(n) Din Chaand Huwa He Aur Tamam Shaher Mai Ye Baat Mash'hoor He Aur Waha Ke Logo(n) Ne Chaand Nazar Aane Ke Bina Per Falaa(n) Din Se Roze Shuru Ker Diye Hai
To Yaha Walo Ke Liye Bhi Saboot Hogaya.
( Radd-Ul-Mukhtar -o-Bahare Shari'at , J-5 , S-107 )
Mas'ala :.Kisi Ne Akele Ramdan Ya Eid Ka Chaand Dekha Aur Gawahi Di.
Magar Qaazi Ne Uski Gawahi Qubool Nahi Ki 
To Khud Us Shakhs Per Roza Rakhna Laazim He.
Agar Na Rakha Ya Tod Dala To Qaza
Lazim.
( Hidaya , Durre Mukhtar , AalamGiri ,J-1 , S-185 ) 

 Mas'ala : Agar Din Me Chaand Dikhayi Diya Chahe Dopaher Se Pehle Ya Dopaher Ke Baad BaharHaal Wo Aane Wali Raat Ka Chaand Mana JAyega.Yaani Jo Raat Aayegi Usi Se Mahina Shuru Hoga. Maslan, Tees(30) Ramzaan Ko Din Me Chaand Nazar Aaya. To Ye Din Ramzaan Hi Ka Hai Shawwal Ka NAhi . Aur Roza Pura Karna Farz HAi Aur Agar Shaaban Ki Tees(30) Tareekh Ko Din Me Chaand Nazar AaGaya To Ye Din Shaaban Hi Ka Hai Ramzaan Ka NAhi.Lihaza Aaj Ka Roza Farz Nahi.
(Dur Al Muqtaar Wa Rad Al Muhtaar)

Mas'ala : Taar, TelePhone, Radio Se Chaand Dekhna Sabit Nahi Ho Sakta. Isliye Agar In Khabron Ko Har Tarha Sahi Maan Liya Jaye Jab Bhi Ye Mehaz Ek Khabar Hai.Shahadat NAhi Hai.Aur Mehaz Ek Khabar Se Chaand Ka Suboot NAhi Hota.Aur Isi Tarha Bazaari Afwahon Se Aur Jantariyoun Aur Akhbaron me Chapne Se Bhi Chaand Nahi Ho Sakta.

Mas'ala : Chaand Dekh Kar Uski Janib Ishara Karna Makruh HAi.Agarche Dosron Ko Batane Ke Liye Ho.
(AalamGiri Wa Durr Al Muqtaar Jild 2 Safa 97)

Ramzan

Roza

9:45 pm

Namaaz Ki Tarha Rozah Bhi Farz e A'ain Hai .Is Ki Farziyat Ka Inkaar Karne wala Kafir Aur Bila Uzur Chodne Wala Saqt GunahGAar Aur Aazab e Jahannam KA Sazawaar HAi.

Mas'ala: 
Shari'at Me Rozah Ke Maani me Allah TA'ala Ki Ibadat Ki Niyyat Se Subh Sadiq Se Lekar Suraj Doobne Tak Khane , Peene Aue Jima Se apne Ko Roke Rehna.

Mas'ala:-
Ramzan Ke Ada Roze ,
Aur Nazre Mu'aiyan
( Minnat Ke Roze) ,
Aur Nafil-o- Sunnat ,
Mustahab Roze
Aur Makruh Roze.
In Rozo(n) Ki Niyyat Ka Waqt Suraj Doobne Se Le Ker Dahwaye Kubra
( Yane Dupehar Se Taqriban Dedh Ghanta Pehle( 10 Baje Ka Waqt) ,
Tak He).
Us Darmiyan Mai Jab Bhi Rozah Ki Niyyat Kare Ye Roze Hojayenge.
Lekin Raat Hi Mai Niyyat Ker Lena Behtar He.

in 6 Rozo(n) Ke Elawa Jitne Roze Hai
Maslan - Ramzan Ki Qaza Rozah,
Nazre Muaiyan Ki Qaza Rozah ,
Kaffarah Ka Rozah ,
Hajj Mai Kisi Jurm Kerne Ka Rozah Wagera
In Sab Rozo(n) Ki Niyyat Ka Waqt
Guroob Aaftaab Se Leker
Subah Sadiq Tulua Hone Tak He
Us Ke Baad Nahi.


Mas'ala: Jis Tarha Aur Ibadaton Me bataya Gaya HAi Ke Niyyat Dil Ke Irade Ka NAam Hai Zabaan Se Kehna Kuch Zaruri Nahi.Isi TArha Rozeh Me Bhi Niyyat Se Muraad Dil Ka Pukhta Irada HAi. Lekin Zabaan Se Bhi Keh Lena Achcha Hai.Agar Raat Me Niyyat Kare to Youn Kahe -
نَوَيتُ اَن اصُؤمَ غَداً لِلّهِ تَعَالى مِن فَرَضِ رَمَضَان.
Aur Agar Din Me Niyyat Kare to Youn Kahe
نَوَيتُ اَن اصُؤمَ هذَا اليَؤمَ مِن فَرَضِ رَمَضَان.

Mas'ala: Qazaye Ramzaan Waghaira Jin Rozon Me Raat Se Niyyat KAr Leni Zaroori Hai Un Rozon Me Khaas Us Rozeh Ki Niyyat Bhi Zaruri HAi Jo Roza Rakkha JAye. Maslan Youn Niyyat Kare Ke KAl My Apni Pehli Ramzaan Ke Rozeh Ki Qaza Rakhonga YA Myne Jo Ek Din Rozah Rakhne Ki Minnat Mani Thi Kal My O Roza Rakhoonga.

Mas'ala:. Eid-o- Baqra Eid Aur Zil-hijja Ki
11 , 12 , 13 Tareekh
In 5 Dino Mai Roza Rakhna Makruh Tehreemi Aur Gunah He.
(Dare Mukhtaar, J:2,Safa:83)

Mas'ala:. Kisi Kam Ki Minnat Maani To Pura Hojane Per Us Roza Ko Rakhna Wajib Hogaya
Agar Nafil Ka Roza Rakh Ker Us ko Tod Diya.
To Uski Qaza Wajib He.
(Dare Mukhtaar, J:2,Safa:120 )

Mas'ala:. Aurat Ko Nafil Ka Roza Bila Shuhar Ki Ijazat Ke Rakhna Mana He.
(AAlamgeer,J;1,Safa:188)

Featured post

Sitamgaron Ka Bura Anjam

yazeed Ki Hilakat Ke Baad Ahle Hijaz O Yaman Aur Iraq O Khirasan Walon Ne To Hazrath Abdullah Bin Zubair Ke Hath Per Baiat Ki Aur Misr O Sh...