Heavenly Womens

Hazrath Ayesha RadiAllahuTa'alaAnha

4:17 pm


Ye Ameerul Momineen Hazrath- E-Abu Bakr Siddiq RadiAllahuTa'alaAnhu Ki Sahebzadi Hain.Inki Maa Ka Naam Umme Ruman Hai.Inka Nikah Huzoor E Aqdas SallahuAlaihiWaSallam Se Qable Hijrat Makka-e-Mukarrama Me Huwa Tha.Lekin, Kashana-e-Nabuwwat Me Ye Madine Munawwara Ke Andar Shawwal 2 Hijri Me Aaye.Ye Huzoor Ki Mehbuba Aur Bahot Hi Chahiti Biwi Hain.Huzoor E Aqdas SallahuAalaihiWasallam Ka Inke Bare Me Irshad Hai Ke  Kisi Biwi Ke Lihaaf Me Mere Opar Wahi Nahi Utri Magar Hazrath Ayesha Jab Mere Sath Nabuwwat Ke Bistar Per Soti Rehti Hain to Is Halat Me Bhi Mujh Per Wahi Utarti Rehti Hai. 
(Bukhari,Jild 1 ,Safa 532) 

Fiqha Wa Hadees Ki Uloom Me Huzoor Ke Bibiyoun Ke Darmiyan Unka Darja Bahot Oncha Hai.Bade Bade Sahaba Inse Masail Pucha Karte the.Ibadat Me Bhi Inka Ye Aalam Tha Ke Namaz e Tahajjud Ki Behad Paband Thi.aur Nifli Roze Bhi Bahot Ziyada Rakhti Thi.

Sakhawat Wa Sadqaat Ke Maamle Me Bhi Huzoor Ki Sab Bibiyoun Me Khaas Tour Per Bahot Mumtaz Thi.

Umme Durra RadiAllahuTalaAnha Kehti Hain Ke Ek Martaba Kaheen Se Ek Laakh Dirham Unke Paas Aaye Aap Ne Usi Waqt Un Sab Dirhamon Ku Khairaat Kar Diya.Us Din O Rozedaar Thi ,My Ne Arz Kiya Ke Aap Ne Sab Dirhamon Ku Baant Diya Aur Ek Dirham Bhi Aapne Baaqi Nahi Rakha Ke Usse Aap Gosht Khareed Kar Roza Iftiyar Karti .To Aapne Farmaya Agar  Tumne Pehle Kaha Hota to My Ek Darham Ka Gosht Maga Leti.

Aap Ke Fazail Me Bahot Se Hadeesen Aaye Hain. 17 Ramzan Mangal Ki Raat Me Sane 57 Ya Sane 58 Hijri Me Aap Ki Wafat Huwi.
Hazrath Abu Hurrairah RadiAllahuTalaanhu Ne Aap Ki Namaze Janaza Padhayi.Aur Raat Me Dosri Azwaje Mutahara Ke Sath Jannatul Baqi Ke Andar Madfoon Huwe.
(Zarkhani Jild 3 Safa  234 Waghaira)

Tabsira:
Ye Umr Me Huzoor Ki Tamam Bibiyoun Se Sabse Choti Thi.Magar Ilm O Fazal Zohad O Taqwa Sakhawat O Shuja'at ,ibadat O Riyazat Me Sabse Badh Kar Huwen.Isku Fazle Khudawandi Ke Siwa Aur Kya Kaha Ja Sakta Hai?.

Behre Haal Pyari Behno Hazrath Ayesha RadiAllahuTalaAnha Ki Zindagi Se Sabaq Hasil Karo .Aur Achche Achche Amal Karti Raho Apne Souharon Ku Khush Rakho.

(Jannati Zewar)

Heavenly Womens

HAzrath Saudah RAdiAllahuTA'alaAnha

11:25 am


Ye Bhi Hamare Huzoor Sallallahualaihiwasallam Ki Muqaddas Biwi Aur Tamam Ummat Ki Maa Hain. Inke Baap Ka Naam Zam'ah Aur Maa Ka Naam Shamoos Hai.Ye Bhi Quraishi Khandaan Ki Bahot Hi Naamwar Aur Moa'azziz Aurat Hain.

Ye Pehle Apne Chacha Zad Bhai Sakran Se Biyahi Gayi Thi.aur Islam Ki Shuruwaad Hi Me Ye Dono Miyan Biwi Musalmaan Ho Gaye The.aur Kuffar Ke Zulm O Sitam Se Tang Aa Kar Habsha Ku Hijrat Bhi Kar Chuke The.lekin Jab Habsha Se Wapas Ho Kar Dono Miya Biwi Makke Mukarrama Me Aa Kar Rehne Lage To Inke Shohar Ka Inteqal Ho Gaya Aur Huzoor Akram Sallallahualaihiwasallam Bhi Hazrath Khadijah Ke Inteqaal Ke Baad Din Raat Maghmoom Raha Karte The.Ye Dekh Kar Hazrath Khaula Binte Hakeem Radiallahuta'alaAnha Ne Baargahe Risalat Me Ye Darkhwast Pesh Ki Ke Ya RasoolAllah Hazrath Saudah Binte Zam'ah Se Nikah Farmalen Take Aapka Khana E Ma'aishat Aabaad Ho Jaye. Hazrath Saudah Bahot Hi Deendaar Aur Wafa Sh'uaar Khatoon Hain Aur Behad Khidmat Guzar Bhi Hain.

 Aap Ne Hazrath Khaula Ke Is Mukhlisana Mashware Ku Qubool Farma Liya. Chunanche Hazrath Khawla Radiallahuta'alaAnha Ne Hazrath Saudah RadiAllahuanha Ke Baap Se Baat Cheet Karke Nisbat Tay Kara Di Aur Nikah Ho Gaya.aur Ye Umr Bhar Huzoor AlaihisSalatoSalam Ki Zoujiyat Ki Sharf Se Sarfaraz Rahen.aur Jis Walihana Mohabbat O Aqidat Ke Sath Wafadari  Wa Khidmat Guzari Ka Haq Ada Kiya O Unka Bahot Hi Shandaar Karnama Hai.

 Hazrath Bibi Ayesha Radiallahuta'alaAnha Ke Sath Huzoor Ki Mohabbat Ko Dekh Kar Unhone Apni Baari Ka Din Hazrath Ayesha Ku De Diya Tha .Hazrath Ayesha RadiAllahuta'alaAnha Farmaya Karti Thi Ke Kisi Aurat Ku Dekh Kar Mujhko Ye Hirs Nahi Hoti Thi Ke My Bhi Waisi Hi Hoti Magar My Hazrath Saudah RadiAlalhuanha Ke Jamaal E Soorat O Husn E Seerat Ku Dekh Kar Ye Tamanna Kiya Karti Thi Ke Kash My Bhi Hazrath Sauda Jaisi Hoti.Ye Apni Dosri Qisam Qisam Ki Khubiyon Ke Sath Bahot Fay'yaz O Aala Darje Ki Sakhi Thi.

 Ek Martaba Ameerul Momineen Hazrath Umar RadiallahuTa'alaAnhu Ne Apni Khilafat Ke Zamane Me Darhamon Se Bhara Huwa Ek Thaila Hazrath Bibi Sauda Radialalhuta'ala Anha Ke Paas Bhej Diya. Unhone Us Thaile Ku Dekh Kar Kaha Ke Waah Bhala Khajuroon Ke Thaile Me Kaheen Dirham Bheje Jate Hain?? Ye Kaha Aur Uth Kar Usi Waqt In Tamam Darhamon Ku Madine Munawwara Ke Fuqra O Masakeen Ku Ghar Me Bula Kar Bant Diya Aur Thaila Khali Kar Diya.

 Imam Bukhari Aur Imam Zahbi Ka Qoul Hai Ke 23 Hijri Me Madine Munawwara Ke Andar Inki Wafat Huwi .Lekin, Waqdi Aur Sahebe Akmaal Ke Nazdeek Inki Wafat Ka Saal Choupan (54) Sane Hijri Hai. Magar Allama Ibn Hajar Al-sqalani Ne "Taqreebut Tahzeeb" Me Inki Wafat Ka Saal Pachpan (55) Hijri Shawwal Ka Mahina Likha Hai . Inki Qabre Munawwar Madine Munawwara Ke Qabrastaan Jannatul Baqi Me Hai.
(Zarkhani 599)

 Tabsira:

Gaur Karo Ke Hazrath Bibi Khadijah RadiAllahuanha Ke Baad Hazrath Saudah RadiAllahuanha Ne Kis Tarha Huzoor AlaihisSalatoSalam Ke Gham Ko Door Kiya Aur Kis Tarha Kashane Nabuwwat Ku Sambhala Ke Qalbe Mubarak Mutma'in Ho Gaya.

 Aur Phir Inki Mohabbat E Rasool(SallallahuAlaihiWasallam) Per Ek Nazar Dalo Ke Unhone Huzoor Ki Khushi Ke Liye Apni Baari Ka Din Kis Khush Dili Ke Sath Apni Sauth Hazrath Bibi Ayesha Ku Dediya.

 Phir Inki Fayyazi Aur Saqawat Ku Bhi Dekho Darhamon Se Bhare Huwe Thaile Ku Chand Minton Me Fuqra Aur Masakeen Ke Darmiyaan Taqseem Kar Diya.aur Apne Liye Ek Darham Bhi Na Rakha.

 Maa Behno..! Khuda Ke Liye In Ummat Ki Maaon Ka Tarze Amal Se Sabaq Sekho Aur Neek Biwiyoun Ki Fehrist Me Apna Naam Likhao.Hasad Aur Kanjoosi Na Karo Aur Kaam Choor Na Bano.

 (Jannati Zewer:pg-368)

 Allah In Neek Biwiyoun Ke Sadqe Se Hamko Gunahon Se Bachne Ki Toufeeq Ata Kare.....

Aameen.....

Heavenly Womens

Hazrath Khadijah RadiAllahuTa'alaAnha

8:37 am

Ye RasoolAllah ï·º Ki Sabse Pehli Biwi Aur Rafeeqaye Hayat Hain.YE Khandan-E-Quraysh Ki Bahot Hi Bawaqar Wa Mumtaz Khatoon Hain.Inke Walid Ka Naam Khuwaylid Bin Asad Aur Inki Maa Ka Naam Fatimah Binte Zaieda Hai.Inki Sharafat Aur Paak Damani Ki Bina Per Tamam Makke Wale Inku "Tahira" Ke Laqab Se Pukara Karte The Unhone Huzoor ï·º Ke Aqlakh O Aadat Aur Jamaale Surat Aur Kamaal-e-Seerat Ku Dekh Kar Khud Hi Aap Se Nikah Ki Raghbat Zahir Ki Chunanche, Ashraaf Quraysh Ke Majme Me Bakhaida Nikah Huwa .
Ye RasoolAllah ï·º Ki Bahot Hi Janisaar Aur Wafa Shu'ar Biwi Hain .Aur Huzoor E Aqdas ï·º Ko Inse Bahot Hi Be-Panah Mahobbat Thi .Chunanche Jab Tak Ye Zinda Rahen,Aap Ne Kisi Doosri Aurat Se Nikah Nahi Farmaya .Aur Ye Musalsil Pachchis(25) Saal Tak Mehbobe Khuda Ki Janisari O Khidmat Guzari Ke Sharf Se Sarfaraz Hain.



 Huzoor ï·º Ko Bhi Inse Is Qadar Mohabbat Thi Ke Inki Wafat Ke Baad Aap Apni Mehboob Tareen Biwi Hazrath Aayesha RadiAllahuAnha Se Farmaya Karte The Ke Khuda Ki Qasam !! Khadijah Se Behtar Mujhe Koi Biwi Nahi Mili. Jab Sab Logon Ne Mere Sath Kufr Kiya Us Waqt O Mujh Per Imaan Layi Aur Jab Sab Log Mujhe Jhutla Rahe The Us Waqt Unhone Meri Tasdeeq Ki Aur Jis Waqt Koi Shaksh Mujhe Koi Cheez Dene Ke Liye Tayyar Na Tha Us Waqt Khadijah Ne Mujhe Apna Sara Maal Aur Sara Saman Dediya Aur Inhi Ke Shikam Se Allah TAla Ne Mujhe Aulaad Ata Farmayi .
(Zarkhani Jild 3 Safa 224 O Istiaab Jild 4 Safa 1817 )

Is Baat Per Sari Ummat Ka Ittefaq Hai Ke Sabse Pehle Huzoor ï·º Ki Nabuwat Per Yahi Imaan Layen .Aur Ibtidaye Islam Me Jab Ke Har Taraf Aapki Mukhalifat Ka Toofan Utha Huwa Tha Aise Khoof Naak Aur Kathin Waqt Me Sirf Ek Hazrath Khadijah Hi Ki Zaat Thi Jo Parwano K Tarha Huzoor Per Qurbaan Ho Rahi Theen .Aur Itne Khatarnaak Aukhat Me Jis Isteqlaal O Isteqamat Ke Sath Unho Ne Khatrat O Masa'Ib Ka Mukhabila Kiya. Is Khususiyat Me Tamam Azwaje Mutahrat Per Inko Ek Mumtaz Fazilat Hasil Hai.


 Inke Fazail Me Bahot Si Hadesen Bhi Aayi Hain.Chunanche Huzoor E Akram ï·º Ne Farmaya Ke Tamam Duniya Ki Auraton Me Sabse Ziyada Achchi Aur Ba Kamal Char Bibiyan Hain .
Ek Hazrath e Maryam,  Dosri HAzrath e Aasiya Firon Ki Biwi, 
Teesri Hazrathe Khadijah ,
Couthi(4th) HAzrathe Fatimah.
RadiAllahuAnhum

Ek Martaba HAzrath Jibrail AlaihisSalam Darbare Nabuwat Me Hazir Huwe Aur Arz Kiya Ke Aye Muhammed ï·º Ye Khadijah Hain Jo Aap Ke Paas Ek Bartan Me Khana Le Kar Aa Rahi Hain. Jab Ye Aap Ke Paas Aa Jayen To Unse Unke Rab Ka Aur Mera Salam Keh Dijiye. Aur Unku Ye Khushkhabri Sunadijiye Ke Jannat Me Inke Liye Moti Ka Ek Ghar Bana Hai Jis Me Na Koi Shoor Hoga Na Koi Takleef Hogi 
(Bukhari Jild 1 Safa 539)

Sarkar E Do Jahan ï·º Ne Inki Wafat Ke Baad Bahotsi Auraton Se Nikah Farmaya. Lekin, HAzrath Kadijah Ki Mohabbat Aakhri Umr Tak Huzoor Ke Qalb-E-Mubarak Me Rachi Basi Rahi .Yahan Tak Ke Unki Wafat Ke Baad Jab Bhi Huzoor Ke Ghar Me Koi Bakri Zabah Hoti To Aap ï·º HAzrath Kadijah Ki Sehliyon Ke Yahan Bhi Zaroor Gosht Bheja Karte The Aur Hamesha Aap ï·º Baar Baar Hazrath Bibi Khadijah Ka Zikr Farmate Rehte The. 


Hijrat Se Teen(3) Bars Qabal Paynsat((65) Baras Ki Umr Pa Kar Mahe Ramzan Me Makke Mukarrama Ke Andar Inhone Wafat Payi.Aur Makke Mukarrama Ke Mashhoor Qabristan Hajun(Jannatul Mu'alla) Me Khud HUzoor E Aqdas ï·º Ne Inki Qabr Me Utar Kar Apne Muqaddas Hathon Se Inku Supurde Khaak Farmaya. Is Waqt Tak Namaz E Janaza Ka Hukm NAzil Nahi Huwa Tha. Isliye, Huzoor Ne Inke Janaze Ki Namaaz Nahi Padhayi HAzrath Khadijah Ki Wafat Se Teen Din Ya Panch(5) Din Pehle HUzoor Ke Chacha Abu Talib Ka Inteqaal Hogaya Tha. Abhi Chacha Ki Wafat Ke Sadme Se Huzoor ï·º Ka Qalb-E-Nazuk Rang O Gham Se Nidhal Tha Hi Ke Hazrath Khadijah  Ø±Ø¶ÙŠ الله عنها Ka Inteqal Ho Gaya.Is Saaneh Ka Qalb-E-Mubarak Per Itna Zabardast Sadma Guzra Ke Aap Ne Is Saal Ka Naam "Aam-Ul-Huzn"(Gham Ka Saal ) Rakh Diya.

Tabsira: 

 HAzrath Ummul Momineen Hazrat Khadijah RadiAllahAnha Ki Muqaddas Zindagi Se Maa Behno Ko Sabakh Hasil Karna Chahiye, Ke Unhone Kaise Kathin Aur Mushkilaat Ke Dour Me Huzoor -E-Akram ï·º Per Apna Tan Man Dhan Sab Kuch Qurbaan Kar Diya.Aur Seena Super Hokar Tamam Masaib O Mushkilaat Ka Maqabila Kiya Aur Pahad Ki Tarha Imaan O Amal-E-Saleha Per Sabit Qadam Rahe Aur Masaib O Aalaam Ke Toofan Me Nihayat Hi Janisari Ke Sath Huzoor ï·º Ki Dil Joi Aur Taskeen-E-Qalb Ka Saman Karti Rahein Aur Inki In Qurbaniyon Ka Duniya Hi Me Ye Sila Mila Ke Rabbul Aalameen Ka Salam Inke Naam Lekar Hazrath Jibrail AlaihisSalam Nazil Huwa Karte The. Isse Maloom Huwa Ke Mushkilaat Aur Pareshaniyon Me Apne Shohar Ki Dil Joi Aur Tasalli Dene Ki Aadat Khuda Ke Nazdeek Mehboob O Pasandeda Khaslat Hai.Lekin, Afsoos Ke Is Zamane Me Musalmaan Auraten Apne Shoharon Ki Dil Joi To Kahan!!! Ulthe Apne Shoharon Ko Pareshan Karti Rehti Hain Kabhi Tarha Tarha Ki Farmaishen Karke Kabhi Jhagda Takraar Karke Kabhi Gusse Me Muh Phaila Karke.



Maa Behno -- Tumhe Khuda Ka Wasta Dekar Kehta Hoon Ke Apne Shoharon Ka Dil Na Dukhao Aur Unku Pareshaniyon Me Na Dala Karo Balke Aade Waqton Me Apne Soharon Ko Tasalli De Kar Unki Dil Joi Kiya Karo. 

 Tazkira 🌹 *Sayyida Tayyaba Zahida Tahira Ummul Momineen Khadijat-ul-Kubra RadiAllahuTa'alaAnha*
Sama'at Farmaye aur share karen.
Khususi Isaal e Sawaab bhi karen.
Click here 

Featured post

Sitamgaron Ka Bura Anjam

yazeed Ki Hilakat Ke Baad Ahle Hijaz O Yaman Aur Iraq O Khirasan Walon Ne To Hazrath Abdullah Bin Zubair Ke Hath Per Baiat Ki Aur Misr O Sh...